1 Timoteo 5:11 - Nuevo Testamento Toba Sur

¹¹ Qalaxayi sa ishit da 'edeu'a aca lmalate na n'enaxat aca pa'ai da saxanaxa da ivi' naua sesenta vi'iyi. Cha'ayi sa iuena'a da queueegue da lqopitaxanaqtaic, nachi ÿaxaañi da quegue so Cristo, cha'ayi nshitaique da qaltaq huadon.

Nuevo Testamento Toba Sombrero Negro

¹¹ Cha'li ena'te qoyediñe ga'me lenaĝat jaga'me p'ai jo'ne ja yauana gaa'me sesenta 'uoidi, qa'a jona'li 'yaĝai, qama'le 'uo qomle da'me lamaic qaedi yitaĝa uo'on. Qo'che' ca'e ñe'me Cristo,

La'aqtaqa Ñim Lo'onatac 'Enauacna 2013

¹¹ Qalaxaye saishet da 'ereua'a aca lmalate na ne'enaxat aca pa'ai da saxanaxa da ivi' naua sesenta vi'iye da llaxa. Cha'aye saiuena'a da queueegue da lqopitaxanaqtaic, nache ỹaxaañi da quegue So Cristo, cha'aye nshetaique da qaltaq huaron.

1 Timoteo 5:11 Referans Kwoze

1 Timoteo 5:14

Ÿoqo'oyi ana pa'ai mayi saxanaxa da ÿi'axaina', 'onaxaic da qaltaq huadon, yaqto' huo'o ca llalaqpi, qataq ishit da ilo'ogue ca lma'. Yaqto' qaica ca lligueuo ca depa'aguenataxaatac da huo'otaq ÿasaxalec ca sa ÿaÿamaxañi.

Santiago 5:5

Nagui da ña qauapiitalecna, qataq ÿataqta qanañañiiguet na ñi'oxoyic qataq na nqopitaxanaqtaicpi. Qami' qanchaqchiitapeguela't, qoñiÿa'am ca nalaatac huaca. Qaq nagui mashi nayiita'a da qanalaataguiiqui.

Apocalipsis 18:7

Qataq qauauo'oi qome da nqui'ic qataq da nque'ejnaxac yimayi, ÿataqta qau'enaxachiichigui da 'eetec da ñi'oxonnaxac qataq na qalota lqopitaxanaqtaic. Cha'ayi da lquiyaqteÿaxac naxa yimayi 'eeta': “Aÿim ñiso'ootaña ne'ena, aÿim nate'e. Qaq sa ishit da aÿim pa'ai, qataq sa ishit da huo'o ca ñique'ejnaxac.”

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

1 Timoteo 5:9

Qaq aca lmalate na l'enaxat ana pa'ai, ndoteec qanqoÿin ana mashi ivi' naua sesenta vi'iyi, qataq 'oonolec naq'en ca chigoxoguet lhua.

1 Timoteo 4:3

Ne'ena shiÿaxauapi sa ÿashin da nadonaxac, nataq'en huo'o na sa ÿashin nallicpi da qanallic. Qalaxayi ñi Dios i'ot 'enauac na nallic, yaqto' ishit da chictac nam da'amqajnataxan qataq mashi ÿauatton da 'eesa lataxac, da ÿanem da n'achiquiaxac ñi Dios.

1 Timoteo 5:12

Qanachi huo'o da lasouaxashit, cha'ayi sa ipaguelec da nañanot so Cristo.

Apocalipsis 18:3

Cha'ayi 'enauac nam ÿotta'a't shiÿaxauapi ÿataqta quichigui da nquishishaxac, 'eeta'am da huo'otaq qanÿomaxangui na lataxa. Qataq 'enauac nam nta'alpi mayi ilotague' nam huetalec ana 'alhua ÿataqta nquishistapegue' yimayi, 'eeta'am aca 'alo. Qataq 'enauac nam nmenaxaicpi mayi huetalec ana 'alhua ÿataqta isallaqchit nam qalota lqopitaxanaqtaic yimayi.

Apocalipsis 18:9

Qaq nam nta'alpi mayi 'ico' nquishistapegue' yimayi, qataq nhuanau'a nam qalota lqopitaxanaqtaiguesat, namayipi qome ÿataqta noÿiitac, qataq n'alaqtapiguiñi qom ÿauaachigui na lmala'q da navigaqtaguec yimayi.