1 Timoteo 5:1 - Nuevo Testamento Toba Sur

¹ Sa ishit da 'audolec ca ntaxaÿaxac sa nsatta ca nquedoxonec. Chaqdata da 'auchittot da qonapega, 'au'enaxatchigui ca yi'oqchigui 'adta'a. Qataq da qonapega ca nsoq, 'au'enaxatchigui ca maichi 'adqaÿa.

Nuevo Testamento Toba Sombrero Negro

¹ Ena'te anetenec da'me at'aqatac nale auojapegue' ga'me 'yaĝaicachigui, mac da'me 'noota ta'le alecochiya, uotaĝa aualoĝona da'me 'noota, ena'am ta'le adet'a; qama'le jogaa'me joĝodipi, 'noota ta'le aue'n adaqaya'.

La'aqtaqa Ñim Lo'onatac 'Enauacna 2013

¹ Saishet da 'arolec ca 'artaxaỹaxac sa nsatta da 'auqata ca nqueroxonec. Nachaqrata da 'auchettot da qonapega, 'aue'enaxattem ca 'aralamaxat 'arta'a. Qataq da qonapega ca nsoq, qalaq 'aue'enaxattem ca maiche 'arqaỹa.

1 Timoteo 5:1 Referans Kwoze

Tito 2:2

Qonapega da ÿi'axaiquipi da ÿataqta ilotegue da lliquiaxac, qataq no'on da n'aqtaguec, nloteec, qataq no'oita da lpi'iÿaxac, qataq da lsoxoyic, qataq da lhualaxavic.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

Tito 2:6

Nachi 'en'am 'au'añaqchit na nsoxotpi, yaqto' ishit da nloteec.

Mateo 23:8

Qalaxayi qami' sa ishit qome da qami' ÿamata'aque napaxaguenataxanaxayi na shiÿaxauapi. Cha'ayi 'enauac da qoñiita qami' nqaÿañicpi, qaq 'oonolec na qanapaxaguenaxala'ai, mayi nachina na nta'a nca'alaxaqui.

1 Timoteo 5:17

Ca nataxala' da ÿataqta ÿaÿaten da ilo'ogue na 'amqajnataxanaxaicpi, camayi ÿataqta qaÿauotec qome qataq qaitauan. Lamaaxa da nañanguet da da'aqtaxan qataq dapaxaguenataxan.

Romanos 13:7

Qaq ÿoqo'oyi iuen da ñi 'oonolec shiÿaxaua qoÿanem cam iuen da qoÿanem. Cam neto'ot aca navigaxaiste nam ÿotta'a't mayi qaishiiteetacpi, qaq no'on da camayi qaÿi'iguelaxatot cam lalamaxat. Qataq cam iuen da huo'o naq 'enec qanqoÿin, qaq nachida qai'otec. Qataq cam iuen da qaÿi'oxoden, qaq nachida qai'otec.

Hechos 15:4

Nachi so Pablo qataq so Bernabé co'ollaq ivildeu'a yi Jerusalén, nachi na 'amqajnataxanaxaicpi qataq soua Jesús lamaxa'shi, qataq soua nataxala'te ÿataqta ÿoqochi'igueta soomayi. Nachi soomayi i'axattrac 'enauac nam i'oteque ñi Dios soomayi.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

Apocalipsis 4:4

Qataq naua laÿil asa'aso so'onaxaqui, qalaq sela'a aso veinticuatro nso'onaxaqui so nquedoxonecpi. Somayipi ÿataqta lapagaxaiqa naua alogo, qataq naua nado'ol ndoteec ana chigaqaigui na oro.

3 Juan 1:1

Aÿim mayi aÿim nquedoxonec, 'am samaxa ana ÿide, 'am ñauochaxaua ÿaqaÿa Gayo, cha'ayi ÿataqta 'eesa da 'am ÿauotaxat.

2 Juan 1:1

Aÿim mayi aÿim qadquedoxonqui, samaxa ana ÿide aca ÿaqaÿa mayi lca'aguishi ñi Dios qataq cam llalaqpi mayi ÿataqta ÿauotaxatpi. Qaq saqaÿimta da sauotec camayipi, cha'ayi nataq'en 'enauac nam ÿauattoota dam n'aqtac mayi ÿataqta 'eesa.

Santiago 5:14

Qaq da huo'otaq huo'o ca dalola, camayi no'on da iÿaxana na lataxala'pi na 'amqajnataxanaxaicpi da qanqouagaxaueelec, qataq qai'amnaxana na aceite da qanqouagaxauna da l'enaxat so qadataxala' Jesús.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

Hechos 20:17

Qaq so Pablo co'ollaq hueta'a yi Mileto, nachi damaxasoxoneu'a na lataxala'pi na 'amqajnataxanaxaicpi mayi netaña yi Éfeso.

Hechos 15:6

Nachi soua Jesús lamaxa'shi qataq soua lÿa't nataxala'te ÿauo'oi so ltaxaÿaxa'c, da yaqto' qailaique ca lataxac de'eda.

1 Timoteo 5:2

Qataq da qonapega aca nquedoxona, 'au'enaxatchigui aca yi'oqchigui 'adate'e. Qataq da qonapega aca qa'añole, 'au'enaxatchigui aca maichi 'adqaÿa, yaqto' qaica ca 'an'aqtaguec sa ÿaÿamaxañi.