1 Timoteo 4:7 - Nuevo Testamento Toba Sur

⁷ Qalaxayi sa ishit da 'auqocha'a na chochi n'aqtaxanaxac lma'na qataq qaica ca naigui. Chaqdata da 'anpa'ataxadeelec da qad'amqajnataxanaxac ñi Dios.

Nuevo Testamento Toba Sombrero Negro

⁷ Ena'te aua'uo 'laqataqa jogaa'me ch'e nojaĝaco jo'ne ja 'noe'n uotaĝa ch'e jenaĝac ja no'en, mac da'me auen da'me nichoĝodenataĝanaĝac chayovida'a aua'uo joga'me Dios yiyamaĝaden.

La'aqtaqa Ñim Lo'onatac 'Enauacna 2013

⁷ Qataq saishet da 'ana'axaỹaxaatega ca na'aqtaxanaxac maye saq 'en maye choche ỹachegoxotchiiya' nam sa ỹa'amaqten So Cristo. Nachaqrata da 'ana'añaxat, cha'aye 'am no'on lapaxaguenatac So Jesucristo.

1 Timoteo 4:7 Referans Kwoze

1 Timoteo 1:4

qataq nal'en sa ishit da ÿoqocha'a na chochi n'aqtaxanaxac n'ajnaxaic, nataq'en da n'aqtaguec da lliquiaxac so hua'au lta'alpi. Cha'ayi damayi ndota't da cotaxac mayi qaica ca naigui, qataq sa ishit da itauan ca shiÿaxaua da huapegue' da n'onataxanaxac mayi Dios qomi' ÿanema, souaxat da huo'o da qadpi'iÿaxac.

2 Timoteo 2:16

Qataq 'antela'agueto' na ntaxaÿaxacpi lma'na mayi qaica ca naigui. Cha'ayi na ltaxaÿaxaco ne'enaua ÿataqta taÿañicda, nquicta'aguet na 'enauac sa ÿaÿamaxañisat.

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

Tito 3:9

Qalaxayi 'antela'agueto' na cotaxacpi mayi qaica ca naigui, nataq'en da n'aqtaguec so hua'au nta'alpi, qataq da qanayictega ca nÿa, qataq da qancotatapigui na nqataxacpi mayi chigoqo'ot so Moisés co'olloxochiyi. Cha'ayi damayi qaica ca taiguet, qataq qaica ca naigui.

Hebreos 5:14

Qalaxayi nam nallic mayi sa nsatta, namayi taiguet cam shiÿaxaua mashi ÿi, mayi mashi dauattonaxan, qataq nai'ac da ÿauatton cam no'on qataq ca qauem.

2 Timoteo 2:23

Qataq sa ishito' da 'auqocha'a na cotaxacpi mayi chochi n'ajnaxaic qataq qaica ca naigui, cha'ayi mashi 'auaÿateeta namayipi da naigui da napetaxac.

2 Timoteo 4:4

Qataq ÿapoguilo naua ltela lauaco da sa ishit da n'axaÿaxana da 'eesa lataxac. Chaqdata da n'axaÿaxaata'ai na ÿotta'a't n'aqtaxanaxac mayi n'ajnaxaic.

1 Timoteo 6:11

Qalaxayi 'am, 'am lamaxashic ñi Dios, 'auataueguesop 'enauac ne'ena sa ÿaÿamaxañi. Ÿataqta 'anañanot ñi Dios. Qoquetelco' da achaalataxac qui'itta, qataq da npi'iÿaxac, nsoxoyic, nhualaxavic, qataq huosotta da 'adquiyaqteÿaxac.

Hechos 24:16

Qaq ÿoqo'oyi aÿim ÿataqta ñipogoxoueetapegue' da ÿataqta saqca ca da da ivilÿaxac, da yaqto' qaica ca hueto'ot ÿasouaxashit ñi Dios, nataq'en 'enauac na shiÿaxauapi.

1 Timoteo 6:20

'Am Timoteo, ÿataqta 'antelo'o' qome da 'am qaipataxalec n'onataxanaxac. Sa ishito' da 'auqocha'a na ntaxaÿaxacpi lma'na mayi qaica ca naigui, qataq da npa'aguenataxanaxac mayi chigaqaigui da qoÿiitega naÿajnec, qalaxayi saqda.

Tito 1:14

qataq nal'en da sa ÿoqocha'a na chochi n'aqtaxanaxacpi mayi chigaqaigui na judiopi, qataq da lamaxasoxonaxac nam mashi ca'ai da 'eesa lataxac.

2 Timoteo 3:12

Qaq ÿataqta 'eesa da 'enauac na nshitaique da nañanot da quetague' so Cristo Jesús, nataq'en nque'etaxangui qome da ncanaguec.

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

1 Timoteo 2:10

Chaqdata da i'ot ca ÿaÿamaqchiguiñi, yaqto' 'ique' n'otaxat. Cha'ayi nachida da 'eetec aca 'alo da quetague' ñi Dios.

1 Timoteo 1:9

Cha'ayi mashi qaÿaÿateeta da sa ishit da qai'ot na nqataxacpi da nmit ca shiÿaxaua da ÿataqta no'on. Chaqcata ca shiÿaxaua da sa i'ot na nqataxacpi, qataq sa ÿalaq, qataq qauemaic, 'itaxaloxoic, sa iyacnapec ñi Dios nataq'en da n'amqajnataxanaxac, qataq ca ÿalauat ca lta'a, huo'otaq aca late'e, huo'otaq camachicague't shiÿaxaua.

1 Timoteo 4:8

Cha'ayi ca shiÿaxaua da ñi'igueeteguela't da sa desalli naq'en na l'oc, nataq'en cada'acolec da huo'o da naigui. Qalaxayi da qanpa'ataxadeelec da qad'amqajnataxanaxac ñi Dios, ÿataqta huo'o naq naigui. Cha'ayi ÿataqta naigui da 'achiquiaxac da achaalataxac nagui, nataq'en cam ñaq natauo.

1 Timoteo 6:3

Da huo'o ca dapaxaguenataxaatapeguec na 'onataxacpi mayi sa lataxac, qataq sa iuona'aguet da napaxaguenataxanaxac no'oita mayi chigoqo'ot so qadataxala' Jesucristo, qataq da qad'amqajnataxanaxac mayi sapaxaguenataxanaqtapeguec,

1 Timoteo 6:5

qataq da loquiaxac qaica ca loga't. 'Eda da 'eetec na shiÿaxauapi mayi mashi sotaq ÿaÿamaq da lauattonaxanaxac, qataq mashi sotaq ÿauatton da 'eesa lataxac. Namayipi ipi'itaxano' da qaÿachigoxottapoigui da yi'oqchigui nsallaxa da n'amqajnataxanaxac. 'Ena na sa ishit da 'anhuoiguet qome.

2 Timoteo 3:5

Namayipi nachaxaata da 'eetega quetague' da n'amqajnataxanaxac, qalaxayi sa ishit da hueto'ot da l'añaxac da n'amqajnataxanaxac. Qaq 'ena qome na 'antela'aguet.