1 Timoteo 4:4 - Nuevo Testamento Toba Sur

⁴ Cha'ayi 'enauac na l'onatac ñi Dios ÿataqta 'onaxaic. Ÿoqo'oyi sa ishit da semaxaÿaxanaqtac, chaqdata da saconaxaguet, qataq sanaqtacot da qan'achic ñi Dios.

Nuevo Testamento Toba Sombrero Negro

⁴ qa'a jayatenaq queda'me yema joga'me Dios 'lonatac yataqachiñe onaĝaic, qama'le ja 'noota ta'le qoyeguem, mac da'me jaconaĝaguet qama'le janemaĝam da'me qadamaic joñe'me Dios,

La'aqtaqa Ñim Lo'onatac 'Enauacna 2013

⁴ Cha'aye 'enauac na lo'onatac Ñimaye ỹataqta 'onaxaic. Ỹoqo'oye saishet da ỹaỹamaxañi da semaxasoqtac, nachaqrata da saconaxaguet, qataq sanaqtacot da qana'achec Ñim Lo'onatac 'Enauacna.

1 Timoteo 4:4 Referans Kwoze

Romanos 14:20

Qaq sa ishit qome da qanlaxachiiñi da l'onataxanaxac ñi Dios da ÿasouaxat qanqashiñi cam chochi nallic. Cha'ayi 'eesa da 'enauac nam nalliguesat ÿataqta qui'itta. Qalaxayi sa ÿaÿamaxañi da cam qanallic ishit da chigoqchigui da huo'o naq'en ca lasouaxashit ca nÿa.

1 Corintios 10:25

Qami' qolliqui qome 'enauac na lapat mayi chigaqaigui aca nmenaxaqui. Sa ishit da qaunataxañiitapeguelec ca chigaqa'ague, yaqto' sa ishit da sa ÿaÿamaxañi da qadhuennataqai.

Romanos 14:14

Cha'ayi aÿim saÿaten da sa ishit da huo'o ca chochi natchiguem da dauogaxanaqta. Qaq de'eda shiitega ÿataqta 'eesa, cha'ayi sa'amaqteetac so qadataxala' Jesús. Qalaxayi da huo'o ca 'oonolec da qoñiita ipi'ittega da ishit da sa qaishitapec ca nallic, qaq camayi mayi maichi pa'aÿo'ot da sa qaishitapec naq'en.

1 Corintios 10:23

'Eesa quenaxa na n'aqtac da 'eeta': “Sa ishit da qaillapeguem ñi 'oonolec da maichi ÿoiqueetac ca i'ot,” qalaxayi sa ishit da 'enauac na lataxaguesat da n'onaxat ca shiÿaxaua. Aja', 'eesa da sa ishit da qaillapeguem ñi 'oonolec da maichi ÿoiqueetac ca i'ot, qalaxayi sa ishit da 'enauac da nañaxat naq'en.

Hechos 21:25

Qaq nam sa ishit da judiopi mayi mashi da'amqajnataxan, qalaxayi mashi sauoqo'o co'ollaxa aso qodede da shinaqtega, da yaqto' sa ishit da taÿapegueu'a de'eda qan'onataxac. Chaqdata da namayipi sa ishit qome da chic na lapat nam mashi qoÿanot na nqolacpi, qataq sa ishit da chic na ntago'q qataq na lapat ca chochi ichigueuo na lqosot, qataq sa ishit qome da huo'o ca ncachitague' aca sa lhua.

1 Timoteo 4:3

Ne'ena shiÿaxauapi sa ÿashin da nadonaxac, nataq'en huo'o na sa ÿashin nallicpi da qanallic. Qalaxayi ñi Dios i'ot 'enauac na nallic, yaqto' ishit da chictac nam da'amqajnataxan qataq mashi ÿauatton da 'eesa lataxac, da ÿanem da n'achiquiaxac ñi Dios.

Hechos 15:29

Sa ishit qome da qolliqui na lapat cam mashi qoÿanot na nqolacpi, qataq sa ishit da qolliqui na ntago'q, nachi 'eeta'am na lapat na shiguiÿac mayi chochi chigueuo na lqosot, qataq sa ishit da huo'o ca ncachitague' aca sa lhua. Qaq qom qaupaquiitelec da qau'ochi' ne'enaua, qaq ÿataqta ÿaÿamaqchiguiñi. No'on qome da qoyiquiaxaqui.”

Hechos 10:15

Qalaxayi se'eso n'aqtac qataq ÿi'iguelaxalec da 'enapec, 'eeta': –Cam mashi qui'itta naq'en ñi Dios, camayi sa ishit da 'auamata'ac da nshipaxan.

Romanos 14:6

Qaq cam ÿapagaqchin ca 'oonolec na'a'q, camayi i'ot, qalaxayi ÿi'oxoden so qadataxala'. Qataq cam sa ishit da i'ot, qalaxayi nataq'en camayi ÿi'oxoden so qadataxala', qaq nai'ctaxa da sa ishit da i'ot. Qaq cam ishit da 'enauac chic na nalliguesat, camayi deque'e, qalaxayi nachiso so qadataxala' ÿi'oxoden, cha'ayi camayi ÿaatacot da n'achic ñi Dios. Qaq cam ivita'a da huo'o ca chic naua nalli'c, camayi i'ot damayi, da yaqto' ÿi'oxoden so qadataxala', qaq camayi nataq'en ÿaatacot da n'achic ñi Dios.

1 Corintios 10:26

Cha'ayi ana 'alhua qataq 'enauac nam huetalec, namayi lalamaxat ñi qadataxala'.

1 Corintios 10:30

Cha'ayi da huo'otaq ñoqouagaxaueelec ca anoq da sanot da ñi'achic ñi Dios, qaq ¿tá'ainco' da aÿim qanayictega souaxat ca sachictac?”