1 Timoteo 4:3 - Nuevo Testamento Toba Sur

³ Ne'ena shiÿaxauapi sa ÿashin da nadonaxac, nataq'en huo'o na sa ÿashin nallicpi da qanallic. Qalaxayi ñi Dios i'ot 'enauac na nallic, yaqto' ishit da chictac nam da'amqajnataxan qataq mashi ÿauatton da 'eesa lataxac, da ÿanem da n'achiquiaxac ñi Dios.

Nuevo Testamento Toba Sombrero Negro

³ Naajo' jiyaĝa'u male uo'oe gaa'me ja yaje'n da'me 'uonat, nataq'aen uo'oe gaa'me ja yaje'n gaa'me niqui'yaqa'te. Qalaĝaja Dios ye't ca'li yemeda gaa'me niqui'yaqa'te qama'le yanema nale jogaa'me c'oqo'te qaedi yali'j qama'le yate'm da'me lamai'j nale. Nach'egaua lec'oqo'te jo'ne yateto'n da'me eja,

La'aqtaqa Ñim Lo'onatac 'Enauacna 2013

³ Ne'ena shiỹaxauapi sa ỹashen da naronaxac, qataq huo'o na nallecpi na sa ỹashen da qanallec, maye Ñim Lo'onatac 'Enauacna ỹo'ot co'ollaxa namayepi da yaqto' na 'amqaanataxanaxaicpi qataq na ỹauatton da 'eesa lataxac, ishet da chec qalaq ỹaatac da na'achecỹaxac.

1 Timoteo 4:3 Referans Kwoze

1 Timoteo 4:4

Cha'ayi 'enauac na l'onatac ñi Dios ÿataqta 'onaxaic. Ÿoqo'oyi sa ishit da semaxaÿaxanaqtac, chaqdata da saconaxaguet, qataq sanaqtacot da qan'achic ñi Dios.

Hebreos 13:4

Qataq iuen da ÿataqta qantela'a qome 'enauac da nhuaÿaxac, qataq caua namoxo'u iuen da ÿataqta nde'n, cha'ayi ñi Dios ÿauo'o qome da nhuaxanaguec na quishiguetaxaicpi qataq na lauatapiguiñi' aca sa lhua.

Romanos 14:6

Qaq cam ÿapagaqchin ca 'oonolec na'a'q, camayi i'ot, qalaxayi ÿi'oxoden so qadataxala'. Qataq cam sa ishit da i'ot, qalaxayi nataq'en camayi ÿi'oxoden so qadataxala', qaq nai'ctaxa da sa ishit da i'ot. Qaq cam ishit da 'enauac chic na nalliguesat, camayi deque'e, qalaxayi nachiso so qadataxala' ÿi'oxoden, cha'ayi camayi ÿaatacot da n'achic ñi Dios. Qaq cam ivita'a da huo'o ca chic naua nalli'c, camayi i'ot damayi, da yaqto' ÿi'oxoden so qadataxala', qaq camayi nataq'en ÿaatacot da n'achic ñi Dios.

Colosenses 2:16

Qaq ÿoqo'oyi qami' sa ishit qome da qauqochiitega ca qami' quetapeguelguete souaxat cam yi'oqchigui qanallic, huo'otaq cam qanÿomgui, huo'otaq cam na'a'q mayi sa qaishitapec, huo'otaq da dalaxaic so ca'agoxoic, huo'otaq ca na'a'q mataxaqui.

1 Corintios 8:8

'Eesa da ca nallic sa ishit da sachigoxotaqagui da qomi' ÿaÿamaxadeete' ñi Dios. Cha'ayi ca nallic da sachiguenaq, qaq sa ishit da qomi' nquigaxatta'agueta da no'on qadataxac; huo'otaq da sa ishit da sachiguenaq, qaq sa ishit da qomi' nquigaxatta'agueta da qauem qadataxac.

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

1 Corintios 7:28

Qalaxayi da huo'otaq 'auadon, qaq qaica ca 'adasouaxashit. Qaq nachi 'en'am aca qa'añole da huo'otaq huadon, qaq sa ishit da huo'o ca lasouaxashit. Qalaxayi ca huadon, qaq ÿataqta huo'o da lqalaic lta'adaic da nachaalataxac. Qaq 'eda da lqala' mayi qami' sovitaqteetegalo.

Romanos 14:3

Qaq ÿoqo'oyi cam 'eetega ÿañoxot da chic 'enauac na nalliguesat, no'on da sa ishit da i'otan cam huo'o ca ivita'a da chic nam nalliguesat. Qataq cam huo'o ca ivita'a da chic naua nalli'c, no'on da sa ishit da quetega cam ÿañoxot da chic 'enauac nam nalliguesat. Cha'ayi ñi Dios ÿaconguet que'eca shiÿaxaua.

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

1 Timoteo 2:4

Cha'ayi ñimayi nshitaique da 'enauac qanca'alaxateec na shiÿaxauapi, qataq ividaxatta'a da ÿaÿateeta da lataxac mayi ÿataqta 'eesa.

1 Corintios 6:13

'Eesa quenaxa da n'aqtac da 'eeta': Ca nallic qai'ot da tangui ana qad'am, qaq ana qad'am qai'ot da yaqto' ÿaconguet ca nallic. Qalaxayi ñi Dios taÿa'a da nlaxajyiñi ne'enaua dos. Qaq sa ishit da qai'ot da qad'oquiaxac da taÿaigui da nquishiguetaxac. Chaqdata da qai'ot damayi da lalamaxat so qadataxala', qaq so qadataxala' anac da nca'alaxateec da qad'oquiaxac.

Romanos 14:17

Cha'ayi da l'onataxanaxac ñi Dios da ilo'ogue 'enauacna, damayi sa ishit da naigui da yi'oqchigui nqui'axac qataq da ÿomaxac, chaqdata da qui'itta achaalataxac, nlagaxayic, qataq da namaiquiaxac mayi chigoqo'ot so Espíritu Santo.

Mateo 15:36

Nachi ÿaconalo soua siete pan qataq soua nÿaxayi, nachi ÿanot da n'achiquiaxac ñi Dios. Ime, nachi ncolaxajyiñi soua pan, nachi ÿanoiguilo soua nale't. Qaq soomayi nachi ÿanoiguilo so shiÿaxauapi.

Mateo 14:19

Nachi 'enapega so shiÿaxauapi da nso'ooñi, nso'oolec na 'auaqpi dadala. Ime, nachi ÿaconalo soua cincole pan qataq soua dos nÿaxayi. Nachi ÿamato'ot na piguem, nachi ÿanot da n'achiquiaxac ñi Dios. Ime, qaq ncolaxajyiñi soua pan, nachi ÿanema soua lapaxaguenataqa. Qaq soomayi nachi ÿanoiguilo na shiÿaxauapi.

Hechos 27:35

Qaq co'ollaq 'enapec de'eda so Pablo, nachi ÿacona aso pan, nachi ÿaatacot da n'achic ñi Dios, ÿauaachigui 'enauac somayipi. Ime, nachi ncolaxajñi aso pan, nachi deque'e.

Juan 6:23

Qalaxayi qaltaq huo'oi soua lÿa't barcos nvilyi', chigoqda'a yi la ciudad Tiberias, nvilda yim sa qaÿapeque yim huaña co'ollaq qanallic aso pan co'ollaq ime da ÿan da n'achic so qadataxala'.

Lucas 24:30

Nachi co'ollaq mashi nso'oota'ai'salo soomayi da datatralec so nqui'axala', nachi somayi ÿacona aso pan da nqouagaxaueelec. Ime, nachi ÿanoiguilo soomayi.

Mateo 15:11

Da 'enauac na chic ca shiÿaxaua, sa ishit da nachina na ishipaxanaqchit da nachaalataxac. Chaqnata nam l'aqtacpi mayi chigaqaigui na alap mayi nachina na ishit da ishipaxanaqchit da nachaalataxac.

1 Timoteo 5:14

Ÿoqo'oyi ana pa'ai mayi saxanaxa da ÿi'axaina', 'onaxaic da qaltaq huadon, yaqto' huo'o ca llalaqpi, qataq ishit da ilo'ogue ca lma'. Yaqto' qaica ca lligueuo ca depa'aguenataxaatac da huo'otaq ÿasaxalec ca sa ÿaÿamaxañi.