1 Timoteo 4:12 - Nuevo Testamento Toba Sur

¹² Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

Nuevo Testamento Toba Sombrero Negro

¹² At'oiya'aguet qom uo'oe gaa'me ja am 'te 'yamaqate'n queda'me am yaloĝo'n da'me am nejoqolec, mac da'me auaconeguet da'me onaĝaic anejiyaĝauayaĝac, qaedi yataqata am yelodelegue gaa'me Dios lec'oqo'te, qa'a jouaĝat da'me onaĝaic adojaĝac choqoda'me at'oyaĝac, chayovida'a da'me adoqopich'i, da'me t'adaic adepe'e, nataq'aen da'me yataqata am yauata da'me am jiyaĝaua jo'ne yataqata qaya'te auepita'a jena'me aleua.

La'aqtaqa Ñim Lo'onatac 'Enauacna 2013

¹² Qataq saishet da 'anasheneuo da qaica ca 'am qoỹanaigui souaxat da ñaq 'am nsoqolec. Nachaqrato' da 'am laloqnaxanaxat na laỹepi 'amqaanataxanaxaicpi souaxat naua ỹaỹamaqchiyiñi 'artaxaỹaxaco, qataq da no'on 'arataxac, qataq da 'arsoxoyec, qataq da 'arpi'iỹaxac, qataq da qui'itta na'aqtaguec da 'anachaalataxac.

1 Timoteo 4:12 Referans Kwoze

Tito 2:7

Qataq 'am ÿataqta 'auachaxana namayipi ca no'on n'aqtaguec da 'ad'onataxanaxac. Da 'auapaxagueetac, sa ishit da huo'o ca camachaqca 'oxottapiguiñi. Chaqdata da sa 'auasaguettac.

2 Timoteo 2:22

'Auataueguesopo' qome na lqopitaxanaqtaiguesat da nogotshic. Qoquetelco' da achaalataxac qui'itta, qataq da npi'iÿaxac, qataq da nsoxoyic. 'Anpogoxoinapegue' da qaica ca da 'enauac nam mashi qui'itte' naua lquiyaqte mayi iÿaxaatega da l'enaxat so qadataxala' Jesús da nqouagaxaunot.

2 Timoteo 2:15

Ÿataqta 'an'añaxato' qome da 'anachaxanot ñi Dios, qoneta'amo' ca n'onataxanaxanec ÿataqta qaÿaÿamaxadeeta, qataq qaica ca ncoqtaique. Chaqdata da 'auloteueeguelo naua lataxaco ÿaÿamaqchiyiñi de'eda n'aqtac mayi 'eesa lataxac.

1 Pedro 5:3

Qataq sa ishit da qami' maxasoxonaxaiqa da qami' qauamaqaitac nam qami' qaipataxalguete 'amqajnataxanaxaicpi. Chaqdato' da qami' laloqnaxanqa'te namayipi,

1 Corintios 11:1

Qami' qoquiitelec qome aÿim, 'eeta'am da shiitec da shictague' so Cristo.

1 Ts 1:6

Qaq qami' da machi qoñiitec co'ollaq qoquiigue da no'on qadataxala' Jesús. Co'ollaq qauacoñiiguet da n'aqtac, nachi so Espíritu Santo qami' ÿanema da qantonaxaqui. Qaq ÿoqo'oyi nai'ctaxa da saqalota da qanque'ejnaxaqui.

Tito 2:15

Qaq 'eda qome da 'auapaxaguenataxanec. Ÿataqta 'au'añaqtaxan, qataq 'anloqteneec ca shiÿaxaua. Ÿataqta sa 'aldetalec da 'au'axat de'eda, yaqto' sa ishit da 'am qanamattaña.

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

2 Timoteo 2:7

'Auennataxaalco' qome de'eda shiitega, qaq so qadataxala' 'am ÿami' da 'auaÿaten 'enauac de'eda.

Santiago 3:13

Da huo'o ca 'oonolec da qoñiita ÿataqta ÿajnataxanaxaic qataq huo'o na ÿaÿaten, ña ÿachaxan ca ÿaÿamaqchiguiñi n'onataxac qataq da huosotta lataxac dam ÿachigoxotaigui da laÿajnec.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

1 Ts 2:10

Qataq qami' 'amqajnataxanaxaiqa mashi qauaÿajñiite' qomi', qataq ñi Dios qomi' ÿaÿateete' co'ollaq qami' souaqta'agueta, qalaq ÿataqta qui'itta qataq no'on da qadataxac. Sa ishit ñaq'enaq da huo'o ca qan'aqtaguec sa ÿaÿamaxañi.

1 Timoteo 1:14

Ÿoqo'oyi aÿim ÿanem da lqouagaxanaqtaic ÿataqta saq llalcolec, nataq'en da npi'iÿaxac, nataq'en da nsoxoyic mayi 'enauac qomi' qoÿanema souaxat da ñi'adaqtau'a so Cristo Jesús.