1 Timoteo 4:1 - Nuevo Testamento Toba Sur

¹ Qalaxayi so Espíritu i'axatta'agueta naua natrauo na'axa'te da huo'o qome na ca'ai da lpi'iÿaxac, nachi ca'attegueñi' na saq cha'api tenataxanaxaic, qataq n'axaÿaxaatega da lapaxaguenataxanaxac na lamaxashicpi so shiÿaxaua lma'na.

Nuevo Testamento Toba Sombrero Negro

¹ Qalaĝaja joñe'me Dios Lepaqal yataqata 'yaĝatetac queda'me naa'me naajo' p'atedegue noloqo'ote uo'oe jogaa'me nematec da'me lepe'e', qama'le equeguelo gaa'me nepaqa'li jo'ne qovinaĝanaĝayaqa, nataq'aen gaa'me napaĝaguenataĝanaĝaco jo'ne chiyoqo'oto ñaa'me payagodipi.

La'aqtaqa Ñim Lo'onatac 'Enauacna 2013

¹ So Saqcha'a Na'añaxac Qui'itta ỹataqta ỹataqtegue da la'aqtaxanaxac da ỹa'axattra'agueta caua pa'atre'c na'axa'te da huo'o qome na ỹaxaañi da lpi'iỹaxac Ñim Lo'onatac 'Enauacna. Cha'aye ỹatenachet na saqcha'a tenataxanaxaicpi, qataq ỹalaxaguet na lapaxaguenataxanaxacpi nam lamaxashecpi so pa'aguenataxanaxaic.

1 Timoteo 4:1 Referans Kwoze

2 Pedro 2:1

Qalaxayi nataq'en som llalaqpi so Israel co'olloxochiyi huo'o so 'eetega da l'aqtaxanaxanecpi ñi Dios, qalaxayi saq 'en. Qaq nachi 'eetec nataq'en nagui da qoñiita huo'o na dapaxaguenataxaatapeguec da sa lataxac. Namayipi n'otaxaateuo na lapaxaguenataxanaxacpi mayi ishit da deque'emaqtaxan, ivida'a da nqolguete' so qadataxala' mayi nca'alaxateec namayipi. Nachi namayipi maichi quetau'a da saqaÿaloq ca nhuaxanaguec.

Judas 1:18

da i'axattrac de'eda 'eeta': “Caua pa'atreec na'axa'te, qaq huo'o qome na shiÿaxauapi mayi ÿataqta ÿi'inai' da n'amqajnataxanaxac, qataq chochi quetague' nam maichi 'eetapeguecpi mayi qauem.”

2 Pedro 3:3

Qataq qami' qauennachiÿa'a qome de'eda 'eeta': Caua pa'atreec na'axa'te, nachi huo'o qome ca shiÿaxauapi ÿataqta ÿi'inai' da qad'amqajnataxanaxaqui. Camayipi quetaiguilo naua n'onataxaco mayi qauema.

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

2 Corintios 11:3

Cha'ayi de'eda 'eetec so n'adaxanaq mayi sa nqalaataxaic co'ollaq ÿatenachit aso Eva. Nachida da i'ot da icolanaxa da sa iuena'a da nataq'en ishit da qami' qaÿatenachi't, nachi da qadhuennataxaqui ishit da dashiueguesop dam huesochiguiñi qad'amqajnataxanaxaqui so Cristo.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

1 Juan 4:6

Qomi', qalaxayi qomi' lalamqa'te ñi Dios. Qaq nam ÿauatton ñi Dios nachi ÿataqta qomi' n'axaÿaxanalo. Qaq nam sa ishit da lalamaxatpi ñi Dios, qalaq sa ishit da qomi' n'axaÿaxanalo. Qaq ÿoqo'oyi qomi' ishit da sauattonaq cam hueto'oto naua nhuennataxaco mayi ÿataqta 'eesoda qataq cam hueto'oto naua nhuennataxaco mayi desomaxanaqtaxa'n.

Juan 16:13

Qalaxayi qom anac cam Espíritu mayi ÿoqta 'eesa, nachi camayi qami' ÿapaxaguenque 'enauac nam lataxaguesat mayi 'eesa; cha'ayi camayi sa ishit da maichi nalligoxottela't ca l'aqtaxanaxac, chaqdata da i'axat 'enauac nam hua'aqchigui, qataq qami' ÿaÿajnaxanaxanque cam ñaq naÿa'cna.

1 Juan 2:18

Qami' ÿalqolqa, mashi nvildeuo naua pa'atreec na'axa'te, qaq qami' qauaÿajñi da huo'o qome ca anatai' mayi npa'aguene' so Cristo. Qaq nagui mashi qalota na yi'oq nam npa'aguene' somayi. Ÿoqo'oyi qomi' saÿajnaq da mashi nvildeuo naua pa'atreec na'axa'te.

Apocalipsis 2:11

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi camayi sa ishit da nque'etaxangui da lqui'ic ca ÿaqa'aguet nleuaxa.”

2 Timoteo 4:4

Qataq ÿapoguilo naua ltela lauaco da sa ishit da n'axaÿaxana da 'eesa lataxac. Chaqdata da n'axaÿaxaata'ai na ÿotta'a't n'aqtaxanaxac mayi n'ajnaxaic.

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.

Apocalipsis 3:6

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

Apocalipsis 2:29

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

1 Pedro 1:20

So Cristo nal'ena da qaÿaqataxaatapigui' co'ollaq saxanaqaca ana 'alhua da qoÿan, qalaxayi chaqnacta nagui da mashi pa'atreec naua na'axa'te, nachi yi'oq somayi, souaxat da qoñiita.

Apocalipsis 18:2

Qataq ÿataqta alam da lavilÿaxac, detaqtac, 'eeta': –Mashi noxonec yim lta'adaic la ciudad l'enaxat Babilonia. Mashi noxonec. Qaq yimayi lma' nagui na lamaxashicpi so shiÿaxaua lma'na, qataq nqañoxotaqa' 'enauac na saq cha'a qauemaicpi, qataq laÿoqo' nam maÿopi mayi nshipaxan qataq nqaigaxatpi.

Colosenses 2:18

Qaq sa ishit qome da qauauaqaita'a da sa qami' talguete naq'en ca qanshiitenaxachi nam shiÿaxauapi mayi chochi huomoigui da 'ico' qaica ca n'amqajnaxac qataq natameetacot na namaxashic piguem l'ecpi. Cha'ayi namayipi taigui da i'ot cam sa ishit da ÿoqta ÿauaachigui, qataq chochi ÿashittagui da ñi'oxonnaxac, souaxat naua maichi lhuennataxaco da lapachiyaxac.

1 Corintios 10:20

Da shiitega 'eeta': Na sa ishit da ÿauatton ñi Dios, namayipi da ivita da ÿauo'o na lachitaqtaxanaxat, qanachi ne'ena lachitaqtaxanaxat taÿot na lamaxashicpi so shiÿaxaua lma'na, qaq sa ishit da nachiñi ñi Dios. Qaq sa saÿamaxaden da qami' qan'ayiitau'a na lamaxashicpi so shiÿaxaua lma'na.

Apocalipsis 20:8

Nachi nnoxooshiguem da qaltaq ÿatenachit 'enauac nam ÿotta'a't shiÿaxauapi mayi huetalec ana 'alhua. Nachi nqo'ona da ÿatenachit ñi Gog qataq Magog. Nachi laÿona't na nallippi naamayi, da yaqto' deloqui. Qaq namayipi qalota, 'eeta'am na lsochi na coma' mayi hueto'ot na loigue aso auaxai.

Apocalipsis 19:20

Qaq se'eso shiguiÿac, qalaq qaicoñi', nataq'en so 'eetega l'aqtaxanaxanec ñi Dios mayi i'ottac na n'anecpi mayi sa qaÿauanapega da yaqto' qai'amaqten so shiguiÿac. Qaq chigoqchigui ne'ena n'anecpi se'eso 'eetega da n'aqtaxanaxanec da ÿatenachit nam nashiiteguet aso l'anaxanaqte so shiguiÿac, qataq da ÿi'oxoden so n'enaqtac lqui'i. Qaq se'eso shiguiÿac qataq som 'eetega da n'aqtaxanaxanec, soomayi nachi nca'altrauec qanqoÿin da qaÿasaxayingui so lta'adaic nodec mayi huaña da ÿavictac na quiquiaxadaic.

Apocalipsis 18:23

Qataq sa ishit da 'edoigui ana 'adcoÿadaxanaxaquipi, qataq nachi sa ishit da qai'axaÿa ca laÿac cam huadona't, qaq nai'ctaxa da na 'admenaxanaxanecpi co'ollaxa ndoteec na 'añaxaicpi mayi huetalec ana 'alhua, qataq ÿataqta 'auatenachit 'enauac co'ollaxa na ÿotta'a't shiÿaxauapi da 'audolec da 'ayi'iyaqnataxanaxac.

Apocalipsis 13:14

Qaq chigoqchigui ne'ena i'ot n'anecpi mayi i'ot da n'aalaxa mayi qaÿashiitem da i'ot da ÿauaachigui naq'en som hua'auchiguiñi shiguiÿac, da yaqto' ÿatenachit 'enauac nam huetalec ana 'alhua. Nachi damaxasoxoolec da qai'ot ca n'enaqtac lqui'i se'eso shiguiÿac mayi huo'o co'ollaxa so lque'emaxa ÿiilonec lliguiñi, qalaxayi ñaqaiyita ishit da nca'aleec.

Apocalipsis 9:20

Qalaxayi nam n'onañi shiÿaxauapi mayi sa ishit da ileema se'esoua napaxaco ñaqaiyita sa ishit da ÿaxaayiñi naua qauema mayi i'otta'pe. Qataq sa ishit da ÿaxaañi da natameetacot nam saq cha'api qauemaicpi, qataq nam nqolacpi mayi chigaqaigui qanqoÿin na oro, plata, bronce, coma', qataq na qo'ipaq mayi sa ishit da demejnaxan, qataq sa ishit da hua'aqa, qataq sa ishit da queuoÿapigui'.

Apocalipsis 3:22

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

Apocalipsis 3:13

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi.”

Apocalipsis 2:17

Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Apocalipsis 2:7

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

1 Corintios 12:11

Qalaxayi nachisota so 'oonolec Espíritu mayi chigoqo'ot 'enauac ne'enapi. Somayi maichi chigoqchigui da naloqneec na ÿotta'a't lshitaxanaxatpi da ÿanem ñi 'oonolec shiÿaxaua.

Hechos 28:25

Qaq cha'ayi sa ishit da 'eeta'a't somayipi, nachi huo'o na jec. Nachi so Pablo 'enapeco': –Ÿataqta tachigui da l'aqtaxanaxac so Espíritu Santo co'ollaq ÿachigoxotchigui so Isaías da 'enapega naq'en so hua'au qadta'alpi, 'eeta':

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Apocalipsis 16:14

Qaq soomayi nachisoua soua lamaxa'shi so Satanás mayi i'ottac na n'anecpi mayi i'ot da n'aalaxa. Qaq soomayi huenoxoodeec, da yaqto' laÿona't 'enauac na nta'alpi mayi huetalec ana 'alhua, da ÿaqataxaatai' da deloqui que'eca na'a'q mayi lvidaxaqui da ÿauo'o ca nhuaxanaguecna ñim Dios mayi qaica ca ÿaqalanapec.

Mateo 18:7

Qaq ¡ÿataqta sa ÿaÿamaxañi da huo'o nam shiÿaxauapi mayi i'oteguet ca lasouaxashit ca lÿa ana 'alhua! Qaq damayi nachi 'eetai' qome da huo'o. Qalaxayi ÿataqta ¡choxodaxaso' qome ca shiÿaxaua mayi chigoqchigui ne'ena nasouaxashitpi!

Lucas 17:1

Nachi so Jesús 'enapega so lapaxaguenatacpi, 'eeta': –Aÿim saÿateeso'o' da huo'o qome ca ishit da ÿauo'o naq'en ca lasouaxashit na shiÿaxauapi, qalaxayi ¡choxodaxaso' qome que'eca shiÿaxaua mayi huo'o naq'en ca lasouaxashit ca lÿa!

Hechos 20:23

Cha'ayi chaqdata da saÿaten da huo'otaq huo'o yi sovita nam la ciudatpi mayi sovida'a, nachi so Espíritu Santo aÿim da'aqtaxaatapeguem da huo'o qome ca ñicoñitaguec, qataq ÿataqta qalota da ñique'ejnaxac.

Hechos 21:11

Somayi qomi' namaqtegalo. Nachi somayi ÿacona so nsaataxaqui so Pablo, nachi maichi icoñiyiguilo naua lchil qataq naua lhua'q. Nachi 'enapeco': –So Espíritu Santo 'enapec da l'aqtaxanaxac yi cam judiopi mayi lma' yi Jerusalén nachi 'eetec qome de'eda ñim lalamaxat ne'ena saataxaqui da icoñi'. Ime, nachi ÿaneu'a na sa ishit da judiopi.

1 Corintios 2:10

Qaq 'eda da qomi' ÿauattonaxanaxanque ñi Dios, chigoqchigui naq'en so Espíritu Santo, cha'ayi somayi nmittac 'enauac, qataq ivida'a da ÿaÿaten na saq cha'a 'eetapeguecpi ñi Dios.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

Santiago 3:15

Cha'ayi de'eda naÿajnec sa ishit da nachida da naÿajnec mayi chigoqo'ot ñi Dios. Damayi nachida da naÿajnec lma'na, chigaqaigui da lqopitaxanaqtaic na shiÿaxauapi, qataq nataq'en so shiÿaxaua lma'na.