1 Timoteo 3:7 - Nuevo Testamento Toba Sur

⁷ Nataq'en iuen da no'on da n'aqtaguec naq'en na saq 'amqajnataxanaxaicpi, yaqto' sa ishit da sa qaÿauo'o ca 'enec qanqoÿin, yaqto' sa ishit da ilamqa'aguet ca lqoinaxanaxac so shiÿaxaua lma'na.

Nuevo Testamento Toba Sombrero Negro

⁷ Nataq'aen 'noota ta'le yataqata qouatec'a yema jena'me jiyaĝadipi, chayovida'a jogaa'me ja p'iida'a da'me 'noota, qaedi ja qoyachalegue da'me ne'uaĝanaĝanaĝac, uotaĝa male payac yoqovin da'me 'lonataĝanaĝac.

La'aqtaqa Ñim Lo'onatac 'Enauacna 2013

⁷ Nataqa'en iuen da no'on da na'aqtaguec da chegaqaigui nam saishet da 'amqaanataxanaxaicpi, yaqto' saishet da ivireguet cam ỹo'ot da lcoxo da ỹauaachigui namayepi, qataq yaqto' saishet da ilamaqa'aguet ca lqoinaxanaxac so pa'aguenataxanaxaic.

1 Timoteo 3:7 Referans Kwoze

2 Corintios 8:21

Cha'ayi qomi' ñipogoxoinaqtapegue' da so'otaq ca ÿaÿamaqchiguiñi, qaq sa ishit da sauoqtaique da nachaqñita ñi qadataxala' da qomi' ÿauaachiguilo, nataq'en 'enauac na shiÿaxauapi.

2 Timoteo 2:26

yaqto' nal'en da ntouen, qataq ca'ai da lqoinaxanaxac so shiÿaxaua lma'na mayi lcoñitaguishic da i'ot naq'en ca maichi 'eetapeguec.

Colosenses 4:5

Qataq ÿataqta qanaÿajnaxanaqchiñi da qautaqaitague' nam saxanaxa da da'amqajnataxan. Ÿataqta qauqopitaxañiÿapec naua no'on na'axa'te, da huo'o ca qaddaqa'ai.

1 Timoteo 6:9

Qalaxayi na nshitaique da sallaxanec, sa ishit da nalo'oguet ca ñi'iguenaguec, ivitta'a da 'ico' lpachigui na saqalota lqopitaxanaqtaicpi mayi qaica ca naigui. Namayipi ishit da n'aqchit ca shiÿaxaua, qataq 'ico' iyiiñi naq'en, qataq ividaxatta'a da nlaxajñi.

1 Ts 4:12

da yaqto' na saxanaxa da da'amqajnataxan 'onaxaic naq'en da qan'aqtaguiiqui, qataq yaqto' sa ishit da saqca ca lhuenec ñi 'oonolec da qoñiita.

2 Corintios 6:3

Qaq sa ishit da huo'o ca 'ico' ñaqanaxataqtac, yaqto' sa ishit da qauem da n'aqtaguec da qad'onataxanaxac.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.

Hechos 6:3

Qaq ÿoqo'oyi qami' qadqaÿa't, qanmichiÿapigui qome caua siete shiÿaxa'u da qoñiita, cam nachi 'eetai'salo da npe'e'te, qataq huo'o na ÿaÿate'n, qataq nlaqchiguilo so Espíritu Santo, qaq nachicaua ca qaupataqailguete de'eda n'onataxanaxac.

Tito 2:8

Qataq na 'adapaxaguenataxanaxaco ÿataqta no'oite' naq'en, yaqto' sa ishit da huo'o ca n'aqtaguec da 'au'axattac. Nachaqdata da n'aloxon naq'en ca depa'aguenataxaatac, cha'ayi sa ishit da huo'o ca qami' ÿasaxalguete l'aqtac sa ÿaÿamaxañi.

Tito 2:5

nataq'en nloteec, qataq qui'itta, ÿaÿaten da ilo'ogue da lma'ÿaxac, soxodai, qataq ÿalaxaguet ca lhua, yaqto' sa ishit da qauem ca n'aqtaguec da l'aqtac ñi Dios.

1 Ts 5:22

Qadvichiÿa'aguet 'enauac na ÿotta'a't sa ÿaÿamaxañi.

1 Timoteo 5:14

Ÿoqo'oyi ana pa'ai mayi saxanaxa da ÿi'axaina', 'onaxaic da qaltaq huadon, yaqto' huo'o ca llalaqpi, qataq ishit da ilo'ogue ca lma'. Yaqto' qaica ca lligueuo ca depa'aguenataxaatac da huo'otaq ÿasaxalec ca sa ÿaÿamaxañi.

1 Corintios 5:12

Cha'ayi aÿim sa ishit da sa'aualec da ñimit ca saxanaxa da da'amqajnataxan. Ñim Dios mayi nmit qome namayipi. Qaq qami' mayi ishit da qanmichi na mashi da'amqajnataxan. Qaq ÿoqo'oyi qanqachiiuec ñi'iñi 'itaxaloxoic mayi qami' netanguilo.

Hechos 22:12

Qaq yimayi nachi netaña so shiÿaxaua l'enaxat Ananías. Qaq somayi ÿataqta ÿalaxalec nam lqataxacpi so Moisés, qaq nam judiopi mayi lma' yi Damasco ÿataqta no'on naq'en da n'aqtaguec somayi.

Hechos 10:22

Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

Marcos 4:11

Nachi somayi 'enapeco': –Ñi Dios qami' ÿaÿajnaxanaxanque nam lataxacpi saq cha'a da l'onataxanaxac da ilo'ogue 'enauacna. Qaq nam laÿipi mayi pa'atauec, qalaq qaÿauota'a na naloqnaxanaxat da qai'aqtaxanem;

3 Juan 1:12

'Enauac na shiÿaxauapi ÿataqta no'on da l'aqtaxanaxac da i'axattac ca Demetrio. Nataq'en da n'aqtac mayi ÿataqta 'eesa, damayi i'axat da no'on lataxac camayi. Qaq qomi' nataq'en sa'axataqtac, qataq qami' qauaÿajñiita da de'eda qad'aqtac ÿataqta 'eesa.

1 Timoteo 3:6

Ca nataxala' sa ishit da huo'otaq chita'ague da da'amqajnataxan, cha'ayi sa iuena'a da huo'otaq taigui da n'amqajnaxaic, nachi ishit da que'emaxam qome, qanachi ishit da 'eeta'am da nhuaxanaguec co'olloxochiyi so shiÿaxaua lma'na.