1 Timoteo 3:6 - Nuevo Testamento Toba Sur

⁶ Ca nataxala' sa ishit da huo'otaq chita'ague da da'amqajnataxan, cha'ayi sa iuena'a da huo'otaq taigui da n'amqajnaxaic, nachi ishit da que'emaxam qome, qanachi ishit da 'eeta'am da nhuaxanaguec co'olloxochiyi so shiÿaxaua lma'na.

Nuevo Testamento Toba Sombrero Negro

⁶ Nataq'aen ga'me jiyaĝaua jo'ne qoyen laje da'me Dios 'lonatac, 'noota qom ja yemta ya'uo da'me lepe'e, qaedi qaya'te 'uo ga'me 'yoĝodenaĝac nale jena'me jiyaĝadipi, qa'a qom en p'ajaye da'me ni'yoĝodela't, qama'le ja nomeguet da'me ja no'en, qama'le taue ga'me ne'uaĝanaguec, qa'a nach'e ena'am joca'li qoye'uaĝan ñe'me payac Satanás, yajouaĝat da'me mach'e li'yoĝodenataĝanaĝac.

La'aqtaqa Ñim Lo'onatac 'Enauacna 2013

⁶ Ca nataxala' saishet da huo'otaq cheta'ague da da'amqaanataxan, cha'aye saiuena'a da huo'otaq taigui da na'amqaanaxac, nache ishet da que'emaxam qome, nache ishet da 'eeta'am da nhuaxanaguec co'olloxocheye so pa'aguenataxanaxaic.

1 Timoteo 3:6 Referans Kwoze

1 Timoteo 6:4

que'eca shiÿaxaua chochi n'amqajnaxaic, qalaxayi qaica ca ÿaÿaten. Ÿoqo'oyi lqopitaxat da chochi nmitta'ai da ÿauotaique ncotaxaqui na n'aqtacpi. Qaq de'eda 'eeta'am ca yi'oqchigui lalolaxa. Qaq de'eda nachida da chigoqtapoigui da pa'aguenaxac, cotaxac, nshiunaxanaxac, qataq da qaipettega ca nÿa,

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

1 Pedro 2:2

Qami' qoñiita'amo' ca nogotolec chita'ague da ñiguiñi da ÿataqta qansoxochi da l'aqtac ñi Dios mayi 'eeta'am ca ÿataqta ndoteec lchi' aca nate'e, yaqto' damayi qami' nañaxa't naq'en, qataq qami' ividaxata'alo da qanca'alliiuec.

2 Corintios 12:7

Qaq de'eda ÿauanaqchic ÿataqta qaica ca 'en'am da lli'oxoyic. Qalaxayi da yaqto' sa ishit da sagaqten da ñi'amqajñigui, nachi aÿim qoÿanem da ñiqui'ic, 'eeta'am aca ÿaxat le da huo'otaq i'attaigui da i'oquiaxac. Damayi lamaxashic so shiÿaxaua lma'na da aÿim iuaxan.

1 Corintios 8:1

Qaq nagui qami' sa'axatema da lliquiaxac ca nallic mayi qanatameelec da qoÿanot ca nqolac. 'Eesa da 'enauac da qadauattonatac de'eda. Qalaxayi de'eda nauattonaxanaxac ÿashittagui naq'en da ñi'oxonnaxac ca shiÿaxaua. Chaqdata da nsoxoyic mayi nañaxat naq'en camayi.

1 Corintios 3:1

Ÿoqta 'eesa, qami' ÿaqaÿa't, da aÿim sa seshit co'ollaxa da setaxaiguilo qami' da se'enaxatteguema ca shiÿaxaua mayi netanguit so Espíritu Santo. Chaqdata da shiita'am ñaq'en qami' ca shiÿaxaua mayi ñaq quetaigui da lapachiyaxac, cha'ayi qami' 'ico' da ñaq nogotolec da qadpi'iÿaxaqui so Cristo.

Judas 1:6

Qataq som lamaxashicpi piguem l'ecpi ñi Dios mayi sa ishit co'ollaxa da ÿaÿamaxatec da l'onataxanaxac, chaqdata da ca'ai cam lalamaxat lma', nachi ñi Dios chochaq tateec naq'en da icoñitta'aguet na napalaxa somayipi, da iuatta'aguet naq'en ca pa'ateec na'a'q qom nmit 'enauacna.

2 Pedro 2:4

Cha'ayi ñi Dios sa ishit co'ollaxa da ichoxonnai' som lamaxashicpi mayi huo'o da lasouaxashit. Chaqdata da ÿamaxaña cam nhuaxanqa' naq'en, qataq icoñida'aguet na napalaxa, da yaqto' iuata'aguet naq'en ca na'a'q qom nmit 'enauacna.

2 Timoteo 3:4

Namayipi que'elaqtaxanaxaic, qataq saq llivigui lauel, qataq ÿashittagui da ñi'oxonnaxac, qataq ÿagaqainapeguec ca maichi lqochoxo, qaq sa ÿoqochi'iguet ñi Dios.

Lucas 10:18

Nachi so Jesús 'enapeco': –Aja', aÿim sauaachigui can najñi so Satanás, chigoqtot na piguem, 'eeta'am na nqashilgaxa.

1 Timoteo 3:7

Nataq'en iuen da no'on da n'aqtaguec naq'en na saq 'amqajnataxanaxaicpi, yaqto' sa ishit da sa qaÿauo'o ca 'enec qanqoÿin, yaqto' sa ishit da ilamqa'aguet ca lqoinaxanaxac so shiÿaxaua lma'na.