1 Timoteo 3:16 - Nuevo Testamento Toba Sur

¹⁶ Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Nuevo Testamento Toba Sombrero Negro

¹⁶ Qaya'te noqoleguetaĝanaĝac da'me jenjo' 'lonataĝanaĝac jena'me jenjo' qadepe'e ladic jo'ne yataqata t'adaic nataq'aen onaĝaic: Cristo naequena ca'li qaedi yadenaĝat da'me qanejiyaĝauayaĝac, qalaĝaja onolec joñe'me da'me qoyen yataqata eja joñe'me Lepaqal, nataq'aen yema joga'me piyem laje' yauata ca'li. Qama'le qo'yaĝatema yema gaa'me jiyaĝadipi, nataq'aen jena'me aleua laje'pi 'yamaqaten da'me dojo', nataq'aen da'me joote qoyavije'ma di'me 'lachaqa' joñe'me Dios.

La'aqtaqa Ñim Lo'onatac 'Enauacna 2013

¹⁶ Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

1 Timoteo 3:16 Referans Kwoze

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Romanos 16:25

Qaq ÿoqo'oyi nagui shi'oxodenaq qome ñi Dios ñim ishit da ÿataqta da'añi naq'en da qadpi'iÿaxaqui, da yaqto' nateeteguet naq'en dam sa'axattac n'aqtac mayi chigaqaigui da nca'alaxa qataq da napaxaguenataxanaxac mayi n'aqtaguec so Jesucristo. Cha'ayi damayi ÿataqta nateeteguet dam saq cha'a 'eetapeguec ñi Dios mayi qomi' ÿaÿajnaxanaxanque. Damayi chochi saq cha'a naq'en ñimayi co'ollaq saxanaqaca ana 'alhua.

Lucas 24:4

Nachi ÿataqta huo'o da lcolanqa' soomayi, qataq sa ÿaÿate'n ca 'eeteque co'ollaq qaila'alo soua dos shiÿaxa'u nachattrañi, huaqta'ato soomayi. Soua alogo ÿataqta qashilectrapiguiñi.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

1 Juan 1:2

Qaq se'eso chigaqaigui da nca'alaxa co'ollaq nachaxan, nachi qomi' sauanaqchigui, qataq sa'axataqtac somayi. Qataq qami' sa'axataxama se'eso chigaqaigui da nca'alaxa mayi chochaq tateec, som hueta'aguet co'ollaxa ñi qadta'a Dios, qataq qomi' nachaxanalo.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

Colosenses 2:2

Qaq huo'o da ñiloquiaxac, cha'ayi ñishitaique da namayipi da'añi da lquiyaqteÿaxac, qataq ntaungui da nsoxoyic, qataq qaica ca iueetac dam aquitaxac mayi chigaqaigui da nauattonaxanaxac, da yaqto' ÿauattoota dam saq cha'a mayi ÿachaxan ñi Dios, mayi nachiso so Cristo.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Colosenses 1:6

De'eda n'aqtac mayi qami' qai'axatema co'ollaxa, damayi ÿataqta nquictashiguem qataq huo'o da alaÿaxac 'enauaque naua 'ale'u, da 'eeta'am da qoñiita co'ollaq qan'axaÿaxañiÿa da lqouagaxanaqtaic ñi Dios, huaña, nachi qauaÿajñi da de'eda nqouagaxanaqtaic ÿataqta 'eesa.

Lucas 22:43

Nachi anac som namaxashic piguem l'ec da ÿanem da l'añaxac somayi.

Mateo 3:16

Qaq co'ollaq mashi qanachilaxan so Jesús, nachi ca'ai so 'etaxat. Huaña, nachi 'ico' qaÿauatoigui na piguem, nachi so Jesús ÿauaateguet so n'Espíritu ñi Dios, 'eeta'am na qoto' da naÿaña somayi.

1 Juan 3:5

Cha'ayi qami' mashi qauaÿajñi da so Jesucristo somayi anaÿa ana 'alhua, da yaqto' ÿapalaxat 'enauac na qadasouaxashitpi. Qaq somayi ÿataqta qaica ca 'oonolec lasouaxashit.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

1 Timoteo 3:9

Nataq'en ÿauattoota ca saq cha'a ltaxac da qadpi'iÿaxac, qataq da lavilÿaxac ÿaÿamaqchiguiñi.

Juan 20:12

Nachi ila'alo soua dos namaxa'shi piguem lashi', lapagaxaiqa naua alogo, nso'ootraña som qaÿachaña co'ollaxa so Jesús. So 'oonolec soomayi nso'ootaña so n'axanqa', qaq so lÿa neta'ague da nchinnaqa'.

Mateo 1:23

Aca 'alo saxanaxa da huadon, qalaq hualaxai qome, nachi huo'o ca llalec. Qaq camayi l'enaxat qome da Emanuel. De'eda n'enaxat 'eeta': Ñi Dios qomi' hueta'agueta.

Apocalipsis 7:9

Qaq can ime de'eda, nachi sela'a so ÿotta'a't shiÿaxauapi mayi ÿotta'a't na l'aqtacpi. Somayipi nachattañi, datatau'a so so'onqa' qataq som qagueta llalec. Qaq somayipi ÿataqta qalota, qaica ca ishit da naloqten. Qaq somayipi lapagaxaiqa naua alogo, qataq lasoqta'a ana chaic laue.

1 Pedro 1:20

So Cristo nal'ena da qaÿaqataxaatapigui' co'ollaq saxanaqaca ana 'alhua da qoÿan, qalaxayi chaqnacta nagui da mashi pa'atreec naua na'axa'te, nachi yi'oq somayi, souaxat da qoñiita.

Hebreos 7:7

Qaq sa ishit da huo'o ca ÿoqolguet de'eda, da cam doqouagaxanaqta nachica cam 'amaqtaq, qaq saq 'en'am cam qanqouaguec.

Efesios 6:19

Nataq'en aÿim qanqouagaxauñiitalec, yaqto' ñi Dios aÿim ÿanema naua i'aqtaqa da ivita da setaqa, qataq yaqto' aÿim qadamchigui da sa'axat dam saq cha'a co'ollaxa n'aqtaguec da nca'alaxa, da yaqto' qaÿaÿaten.

Efesios 1:9

qataq da qomi' ÿauattonaxanaxanque dam lhuennataxac mayi saq cha'a qataq dam 'eetapeguec mayi huotaique da i'ot.

Gálatas 4:4

Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.

1 Corintios 15:47

So hua'auchiguiñi shiÿaxaua qaÿachigoxotaigui ana 'alhua, qaq somayi 'alhua l'ec. Qalaxayi so ÿaqa'aguet shiÿaxaua som qadataxala', somayi chigoqo'ot na piguem.

1 Corintios 2:7

De'eda naÿajnec mayi sa'axataqtac, damayi naÿajnec saq cha'a mayi chigoqo'ot ñi Dios. Damayi nachida da maichi 'eetapeguec ñimayi co'ollaq saxanaqaca ana 'alhua da ÿauotaique qadca'alaxa chochaq tateec.

Romanos 10:18

Qalaxayi aÿim senataxan, shiita': ¿Namayipi sa ishit peta'a da hua'axaÿa de'eda n'aqtaxanaxac? ¡'A'i, sogote da hua'aqtega! Cha'ayi naua ñiyigui'shi l'aqtaqa ñi Dios 'eeta': Naua l'aqtaqa so n'aqtaxanaxanecpi ima 'enauac na huetalec ana 'alhua da hua'axaÿa, qataq naua l'aqtaxanaxaco ivida'alo 'enauaque naua pa'atreec laÿil ana 'alhua.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Gálatas 2:8

Qaq ñim Dios mayi ÿanagui da Jesús lamaxashic naq'en so Pedro, da yaqto' da'aqtaxanem na judiopi, nachiñi ñi aÿim ÿanagui da Jesús lamaxashic naq'en aÿim, da yaqto' sa'aqtaxanem nam saq judiopi.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

Hechos 10:34

Huaña, nachi so Pedro da'aqtaxan, 'eeta': –Nagui aÿim saÿaten da ñi Dios ÿoqta 'eesa da sa ishit da lca'atagui 'enauac na shiÿaxauasat.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Juan 16:28

Aÿim sachigoqtot co'ollaxa ñi ita'a da ñanaÿa ana 'alhua, qalaxayi nagui aÿim shica'ai ana 'alhua da shi'iguelaxa ñi ita'a.

Lucas 24:51

Qaq co'ollaq mashi ÿanem da nqouagaxa somayipi, nachi ca'ai da qaÿaueegue da piguem.

Apocalipsis 17:7

Nachi som namaxashic aÿim 'enapega, 'eeta': –¿Tá'ainco' yi ÿataqta huo'o da 'ad'aalaxa? Nagui 'am sa'axatem dam naigui saq cha'a añi'añi 'alo qataq yim shiguiÿac mayi netalec, yim siete na lqaicpi qataq diez ana lcouepi.

Apocalipsis 17:5

Qataq asomayi nanettalec na latap so n'enaxat mayi saq cha'a ca naigui. 'Eeta': “Nam ÿataqta 'amaqtaqaic Babilonia, nachana ana late'e ana quishiguetaxaipi qataq 'enauac nam i'ot da nqaigaxa mayi huetalec ana 'alhua.”

Hebreos 8:1

Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

2 Ts 2:7

Cha'ayi dam saq cha'a ñi'itaxaloxo mashi sogote da do'onataxaatac. Qalaxayi chochi iuatta'a da qanqat dam nllitañi.

2 Ts 1:10

que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

Hechos 1:19

Qaq nam shiÿaxauapi mayi netaña yi Jerusalén co'ollaq ÿaÿaten de'eda, nachi ÿanagui se'eso 'alhua da l'enaxat N'onaxa mayi lashiue so ntago'q, qaq na maichi l'aqtaqa Hacéldama.

Juan 17:5

Qaq nagui, 'am ita'a, ñishitaique da sootau'a na 'adaÿi, da aÿim 'ai'anem da ÿi'oxoyic mayi saatañi co'ollaq 'am sooto'ot co'ollaq saxanaqaca ana 'alhua.

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

Juan 6:62

Qaq ¿huá'ago' ca qoñiitec qone' da huo'otaq qami' qauloÿa'a na shiÿaxaua llalec da ÿi'iguelaxashiguema yim hueta'a co'ollaxa?

Lucas 2:32

Namayi nachina na 'ico' ncoÿadaxanaqte mayi icoÿadelec nam sa ishit da Israel l'ecpi, nataq'en i'ot da lli'oxoyic nam Israel llalaqpi nam 'adalamaxatpi.

Marcos 16:5

Nachi qainoxonoigui aso huachiqui. Huaña, nachi qaila'a so nsoq nso'ootañi, hueta'ague na aloic, logodaiqa soua alogo lapagaxaiqa. Nachi soomayi ÿataqta ñi'i'.

Marcos 1:13

Nachi so Jesús hueta'a somayi cuarenta na'axa'te, huetangui na ishiyipi. Nachi anac so Satanás da ÿi'iguen somayi, qataq anac na lamaxashicpi ñi Dios da itauaatac somayi.

Mateo 28:2

Nachi nque'elaxatta da huo'o so lacholaxanaxa ana 'alhua, cha'ayi so lamaxashic piguem l'ec ñi qadataxala', somayi chigoqtot na piguem da naÿaña aso huachiqui. Nachi nqat so coma' lta'adaic mayi lapoxot asomayi, nachi nso'ootalec.

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Mateo 4:11

Nachi so shiÿaxaua lma'na, somayi ca'ai so Jesús, nachi anac so namaxashicpi piguem l'ecpi da qaitauan somayi.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Romanos 10:12

Cha'ayi qaica ca ÿaqa'a ca lataxac da qanca'alaxateec na judiopi qataq nam sa ishit da judiopi. Cha'ayi so qadataxala' nachiso so lataxala' 'enauac namayipi, qataq somayi ÿataqta sa naloqnañi ca ÿanem cam nqouagaxaueetega somayi.

Romanos 3:4

¡'A'i, sa ishit! Chaqdata da ñi Dios ÿataqta 'eesa da ipacchiguilo naua l'aqtaqa, qaq nai'ctaxa da 'enauac na shiÿaxauapi shipecaicpi. Cha'ayi nachi 'enapec naua ñiyigui'shi l'aqtaqa, 'eeta': Da 'autaqa, nachi qaila'a da ÿataqta 'eesa da qonapec, qataq 'anachatteec qome da qaica ca 'adasouaxashit, qom 'am qanmit.

Romanos 16:26

Qalaxayi nagui mashi qaichoxot, chigoqchiguilo qanqoÿin naua ñiyigui'shi l'aqtaqa ñi Dios mayi ÿilyiñi da n'onaxatrañi som hua'au l'aqtaxanaxanecpi. Qaq damayi nateeteguet dam lamaxasoxonaxac ñim Dios mayi chochaq tateec. Qaq de'eda saq cha'a mayi 'eetapeguec ñi Dios, damayi ÿauattonaxanaxanec nagui naq'en na ÿotta'a't shiÿaxauapi, da yaqto' i'amaqten ñimayi qataq ÿalaxaguet.

2 Corintios 1:19

Cha'ayi so llalec ñi Dios, l'enaxat Cristo Jesús, som sa'axattac qataq soua iÿa't Silvano qataq Timoteo co'ollaq qami' souaqta'agueta, somayi sa ishit da saq ÿataxalec ca l'aqtac. De'eda n'aqtaxanaxac mayi chigoqo'ot so Cristo ÿataqta 'eesa,

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

1 Juan 3:8

Qalaxayi cam quetot da i'otta'pe naua lasouaxashi'te, camayi quetague' som shiÿaxaua mayi lma'na. Cha'ayi somayi nal'ena da ÿataqta 'itaxaloxoic co'ollaq chita'ague huo'o ana 'alhua. Qaq ÿoqo'oyi so llalec ñi Dios anac da yaqto' nlaxajñi 'enauac nam l'onataxanaxacpi somayi.

Lucas 20:44

Qaq ¿huá'ago' ca 'eetec so David da llalec cam nta'a mayi nca'alaxaqui, yi som David ÿamata'ac camayi da lataxala'?