1 Timoteo 3:13 - Nuevo Testamento Toba Sur

¹³ Cha'ayi ca ltaua ca nataxala' da 'onaxaic da l'onataxanaxac, nachi camayi ivitta'a da huo'o da lli'oxoyic, qataq sa ishit da ñi'ilec da i'axattac da lpi'iÿaxac mayi ÿachigoxoto'ot so Cristo Jesús.

Nuevo Testamento Toba Sombrero Negro

¹³ Qa'a jogaa'me necochaĝa'u jo'ne yiyamaĝatetedac ga'me 'lonataĝanaĝa'j, male 'uo da'me qoyec'atenec da'me yataqata ejoda, chayovida'a da'me male ja uatequeda'a da'me 'yaĝatetedac joda'me lepi'iyaĝac jo'ne yachiyoĝotedo'ot joñe'me Cristo Jesús.

La'aqtaqa Ñim Lo'onatac 'Enauacna 2013

¹³ Cha'aye ca ltaua ca nataxala' da 'onaxaic da lo'onataxanaxac, nache camaye ivitta'a da huo'o da llo'oxoyec, qataq huo'o naq 'enec qanqa'en qataq lpe'et na 'amqaanataxanaxaicpi maye quetague' So Cristo Jesús.

1 Timoteo 3:13 Referans Kwoze

Mateo 25:21

Nachi so n'aco' 'enapeco': “Ÿataqta ÿaÿamaqchiguiñi, 'am no'on nlatac, qataq 'aupactelec ca 'au'ot. Qaq cha'ayi 'am ÿataqta 'aupactelec da 'au'ot cam saq 'amaqtaq, qaq nagui ÿataqta lta'adaic qome ca 'am sepataxalec da 'aulo'ogue. Qaq nagui 'aupa'auo qome da aÿim 'antonaxaua.”

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

2 Timoteo 2:1

Qaq 'am ÿalec, 'auacongueto' qome da 'ad'añaxac mayi chigaqaigui da nqouagaxanaqtaic dam qomi' qoÿanema, cha'ayi ñi'adaqtau'a so Cristo Jesús.

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Filipenses 1:14

Qaq can qaÿaÿaten da aÿim qaicoñittai', nachi huac da 'enauac na qadqaÿañicpi da n'añaxat da i'axat da l'aqtac ñi Dios, qataq ÿataqta pi'iÿa'a so qadataxala'. Qaica ca ñi'itaique.

1 Corintios 16:15

Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

Hechos 21:35

Qaq co'ollaq qanayiitau'a ca lma' na huataxanaq, nachi ÿataqta qanachishiguem so Pablo souaxat da lhuaxanaxanaxac na shiÿaxauapi.

Hechos 6:15

Nachi se'eso nta'alpi qataq 'enauac som laÿipi mayi nso'ootañi, co'ollaq qaÿamato'ot so Esteban, nachi qaila'a na lashic da ÿataqta 'eeta'am da lashiguiÿaxac nam namaxashic piguem l'ecpi.

Hechos 6:8

Qaq se'eso Esteban, somayi ÿataqta nlaqchigui da l'añaxac ñi Dios qataq da lqouagaxanaqtaic ñimayi, nachi somayi i'ot na sa qaÿauanapega qataq na n'anecpi huaigui naq'en na shiÿaxauapi.

Hechos 6:5

Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

Lucas 19:17

Nachi so nta'a 'enapeco': “Aja', no'on, ÿaÿamaqchiguiñi, ÿataqta 'am no'on nlatac. Qaq cha'ayi ÿataqta 'aupactelec da 'au'ot dam saq 'amaqtaq mayi 'am qaipataxalec, qaq nagui sanagui da 'am nta'a da 'aulo'oguelo caua diez puebloyi.”

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

1 Timoteo 3:14

Huo'o da iyaxa da 'am ñauane'. Qalaxayi 'am samaxa ana'ana ÿide,