1 Timoteo 3:11 - Nuevo Testamento Toba Sur

¹¹ Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

Nuevo Testamento Toba Sombrero Negro

¹¹ Nataq'aen jogaa'me yauo' jo'ne jetaque uedaue jena'me jenjo', 'noota ta'le yauo' jo'ne onaĝayaqa loec, ja 'noota ta'le quejaĝail, 'noota ta'le yataqata joĝodail, uotaĝa yataqata ejoda nale 'uo ga'me yauote.

La'aqtaqa Ñim Lo'onatac 'Enauacna 2013

¹¹ Aca 'alo nataqa'en iuen da no'on da na'aqtaguec, qataq saishet da na'aqtaqa lo'o'. Nachaqrata da sa daỹactac, qataq da huo'o ca camachaqca, nache qaipi'iỹa'a.

1 Timoteo 3:11 Referans Kwoze

Tito 2:3

Nachi 'en'am qonapega na ÿi'axaina'pi da ÿataqta quetelec da lataxac aca quetague' ñi Dios, qataq sa ishit da n'aqtaqa l'o', qataq sa ishit da taxai. Chaqdata da dachaxanataxana ca no'on,

Tito 3:2

Sa ishit da quetapeguelec ca lÿa. Chaqdata da huo'o da lhualaxavic qataq da lsoxoyic. Qataq huosotta da lataxac da huetapegue' ca camachaqca shiÿaxaua.

1 Timoteo 3:2

Ÿoqo'oyi ca lataxala' na 'amqajnataxanaxaicpi sa ishit da huo'otaq sa ÿaÿamaxañi da n'aqtaguec. Chaqdata da 'oonole naq'en aca lhua, qataq ÿataqta ilotegue da lliquiaxac, nloteec, qataq qaica ca taÿapegueu'a. Qataq ÿataqta nloshiguem, sa ishit da sa ilo'oguet da lÿa da namaxasoxoic. Qataq ÿaÿaten da dapaxaguenataxan.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

2 Timoteo 3:3

Namayipi sa dechoxonnataxan, qataq sa nauote' ca lÿa, qataq n'aqtaqa l'o', sa ishit da maichi ntel-la't, qataq yiloxoic, qataq sa ishiteguet na ÿaÿamaqchiguiñi.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

1 Timoteo 6:2

Qaq ca namaxashic da huo'otaq huo'o ca n'aco' 'amqajnataxanaxaic, qalaq sa ishit da huo'otaq sa ÿalaxalec, lamaaxa da da'amqajnataxan. Chaqdata da ÿataqta huelec da lalaxayic, cha'ayi ca do'onataxaatacot, 'eeta'am l'amqajnataxanaxaua, qataq ÿataqta nauochaxaua lqaÿa. Qaq de'eda shiitega ÿataqta 'auapaxaguenataxanec qataq 'au'axat.

1 Timoteo 1:12

Sanot da ñi'achiquiaxac ñi qadataxala' Jesucristo mayi aÿim ÿanem co'olloxochiyi da i'añaxac da souapegue' de'eda, cha'ayi ñimayi saq llalcolec da lpe'e naq'en aÿim, qataq aÿim ipataxalec da l'onataxanaxac.

Juan 6:70

Nachi so Jesús 'enapeco': –¿Sa ishito' da qami' doce da qami' llica'agui'shi? Qalaq da 'oonolec da qoñiita ÿaatañi da lataxac so shiÿaxaua lma'na.

Mateo 4:1

Qaq co'ollaq mashi ime de'eda, nachi so Espíritu Santo ÿauega so Jesús ca tojlec 'alhua, da yaqto' so shiÿaxaua lma'na ÿi'iguen somayi.

Romanos 1:29

Nachi namayipi ÿataqta nlaqchigui 'enauac na ñi'itaxaloxosat, quishiguetaxac, qauemsat, qataq da qanmitta'ai añi plata, qataq na sa ÿaÿamaxañisat. Namayipi quiÿaxanaqtaqaicpi, laataxanaxaicpi, loquiaxaicpi, tenataxanaxaicpi, qauemaicpi, qataq n'aqtaqa l'o'pi.