1 Timoteo 3:1 - Nuevo Testamento Toba Sur

¹ De'eda ÿataqta 'eesa: Da huo'otaq huo'o ca nshitaique da lataxala' na 'amqajnataxanaxaicpi, qalaq ÿataqta ÿaÿamaqchiguiñi 'onaxaic yim tategueu'a n'onataxanaxac.

Nuevo Testamento Toba Sombrero Negro

¹ Da'me dojo' yataqata eja: ga'me jetaque yelolegue ga'me Dios c'oqo'tepi, qama'le yataqata onaĝaic da'me dojo' jo'ne en 'lonatac.

La'aqtaqa Ñim Lo'onatac 'Enauacna 2013

¹ Ỹataqta 'eesa da huo'otaq huo'o ca nshetaique da lataxala' na 'amqaanataxanaxaicpi, qalaq ỹataqta ỹaỹamaqchiguiñi, 'onaxaic yem tategueua'a no'onataxanaxac.

1 Timoteo 3:1 Referans Kwoze

Tito 1:7

Cha'ayi ca qaipataxalec da ilo'ogue na 'amqajnataxanaxaicpi, camayi ilo'ogue 'enauac na l'onataxanaxacpi ñi Dios. Ÿoqo'oyi iuen da qui'itta naq'en da nachaalataxac. Sa ishit da hua'auaqchaqaic da damaxasoxon, qataq sa ishit da lemataqaic, sa ishit da taxaic, sa ishit da sa lhuanguit da lalemataic, sa ishit da quetaigui da latenataxanaxac da nmitta'a aca plata.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Pedro 5:2

Da ÿaqataxac 'eeta': Ÿataqta qauloÿigue qome na 'amqajnataxanaxaicpi mayi qami' ipataxalguete ñi Dios da qauloÿigue. Qau'enaxachiichigui cam ilotague' aca qagueta. Ÿataqta qanpa'ataxayiñiilec, cha'ayi nachida da 'eetapeguec ñi Dios. Sa ishit da chochi qami' qaÿamaqta'pe, qataq sa ishit da chochi qanaquichiita'a aca plata. Chaqdata da ÿataqta qanasapachiitelec da qad'onataxanaxaqui.

1 Timoteo 1:15

Qaq de'eda ÿataqta 'eesa, sa ishit da qaÿoqolguet, cha'ayi so Cristo Jesús naÿa ana 'alhua da nca'alaxateec na shiÿaxauapi 'itaxaloxoicpi. Qaq aÿim, mayi aÿim ÿacteec da aÿim 'itaxaloxoic.

1 Pedro 2:25

Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.

Hebreos 12:15

Qataq maxatchaxa qome da qoñiita da sa ishit da huo'o ca ÿaxaneec da ltaunaxanaxac ñi Dios mayi ÿaatac, yaqto' sa ishit da huo'o ca 'oonolec da qoñiita da 'eeta'am aca huoue shinataxanaxai mayi ishit da n'aqchit ana laÿipi.

2 Timoteo 2:11

Qaq de'eda ÿataqta 'eesa: Da seleuaqtañi' so Jesús, nachi 'en'am qanachaalataxaua;

1 Timoteo 4:9

Qaq de'eda ÿataqta 'eesa, sa ishit da qaÿoqolguet.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Lucas 15:10

Qaq aÿim shinapec nataq'en da ÿataqta huo'o da ntonaxac nam Dios lamaxashicpi piguem l'ecpi, da huo'otaq ÿaxaadeec naua n'onataxaco ca shiÿaxaua 'itaxaloxoic.

Tito 3:8

Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

Efesios 4:12

Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

Hechos 1:20

Cha'ayi naua n'aqtaqa mayi nanettalguete ana nede l'enaxat Salmos, nanettañi da 'eeta': Ca lma' ca mayi ÿataqta tojlec, qataq qaica ca netalec. Qataq so lÿa n'aqtac 'eeta': Da l'onataxanaxac huo'o qome ca talec qanqoÿin.

1 Pedro 4:15

Qaq da huo'o ca 'oonolec da qoñiita da huo'o da nque'ejnaxac, qalaxayi sa ishit qome da souaxat da laataxanaxaic, huo'otaq cachaxaic, huo'otaq cam i'ottac na qauem, qataq tatapegueu'a ca sa lalamaxat.

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

Romanos 11:13

Qalaxayi aÿim huo'o da i'aqtac qami' tachiguilo qami' mayi sa ishit da qami' judío lashi'. Cha'ayi ñi Dios aÿim ÿamaxalec nam sa ishit da judiopi, qaq ÿoqo'oyi aÿim ÿataqta shi'oxoden da i'onataxanaxac.