1 Timoteo 2:7 - Nuevo Testamento Toba Sur

⁷ Ÿoqo'oyi ñi Dios aÿim ÿanagui da aÿim l'aqtaxanaxanec qataq lamaxashic, da sapaxaguen na saq judiopi, da sapaxaguenec da npi'iÿaxac qataq da lataxac mayi ÿataqta 'eesa. Da i'aqtaxanaxac ÿataqta 'eesa, sa ishit da aÿim tenataxanaxaic, cha'ayi sa'amaqten so Cristo.

Nuevo Testamento Toba Sombrero Negro

⁷ Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

La'aqtaqa Ñim Lo'onatac 'Enauacna 2013

⁷ Ỹoqo'oye Ñim Lo'onatac 'Enauacna aỹem ỹamaq da sa'axatem nam saishet da judiopi de'era no'on na'axaỹaxac. Qaq aỹem sapaxaguenec namayepi da ỹataqta 'eesa qataq dam naigui da qaipi'iỹa'a Ñim Lo'onatac 'Enauacna. ¡De'era ỹa'aqtaxanaxac ỹataqta 'eesa, saishet da satenataxaatac!

1 Timoteo 2:7 Referans Kwoze

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

2 Timoteo 1:11

Qaq ñi Dios ÿanagui da aÿim l'aqtaxanaxanec da sa'axat de'eda n'aqtac. Qataq aÿim ÿamaxalec da sapaxaguen na saq judiopi.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

Romanos 15:16

da aÿim lamaxashic naq'en so Jesucristo, da yaqto' so'onataxanoigui na saq judiopi. Qaq ÿoqo'oyi sa'axatem namayipi da n'aqtac mayi naigui da nca'alaxa mayi ÿan ñi Dios, da yaqto' sanot ñimayi nam saq judiopi, da 'eeta'am ñaq'en acam nachitaqtaxanaqte mayi ÿaÿamaxadeeta ñi Dios, cha'ayi mashi iÿotauga namayipi so Espíritu Santo.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Gálatas 1:20

Qaq ÿauaachigui ñi Dios nagui de'eda shiyiñi da qami' samaxalo, qaq damayi ÿataqta 'eesa.

Gálatas 1:16

nachi huaña, qaq aÿim ÿauattonaxanaxanguet so llalec, da yaqto' aÿim sa'axatem nam saq judiopi da l'aqtac mayi chigaqaigui da nca'alaxa. Qaq co'ollaq mashi ime de'eda, nachi aÿim sa ishit da huo'o ca ñinate'.

Romanos 11:13

Qalaxayi aÿim huo'o da i'aqtac qami' tachiguilo qami' mayi sa ishit da qami' judío lashi'. Cha'ayi ñi Dios aÿim ÿamaxalec nam sa ishit da judiopi, qaq ÿoqo'oyi aÿim ÿataqta shi'oxoden da i'onataxanaxac.

2 Pedro 2:5

Nataq'en sa ishit da ichoxonnai' ñi Dios som hua'au shiÿaxauapi. Chaqdata da npaxaashiguem naq'en so auot se'eso shiÿaxauapi mayi qauemaicpi. Qaq chaqsota so Noé nca'alaxateec, qataq soua lÿa't siete, cha'ayi somayi i'axattac da achaalataxac mayi qui'itta.

Gálatas 3:9

Qaq ÿoqo'oyi cam da'amqajnataxan nachi huo'o da nqouagaxa 'eeta'am so Abraham mayi 'amqajnataxanaxaic.

2 Corintios 11:31

Qaq ñim Dios mayi lta'a so qadataxala' Jesucristo, ñim chochaq tateec da ñi'oxonnataguec, ñimayi ÿaÿateeta da ÿataqta 'eesa de'eda i'aqtac.

Romanos 10:14

Qalaxayi ¿huá'ague ca 'eetec ca lataxac da qanqouagaxauna somayi, da huo'otaq sa ishit da qai'amaqten? qataq ¿huá'ago' ca 'eetec da qai'amaqten somayi, da huo'otaq sa ishit da qai'axaÿa da qai'axattac? qataq ¿huá'ago' ca 'eetec da qai'axaÿa somayi, da huo'otaq sa ishit da huo'o ca i'axat cam n'aqtaguec?

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

Hechos 22:21

Qalaxayi so qadataxala' aÿim 'enapega, 'eeta': “'Aue qome, qojec, cha'ayi ÿataqta qaÿoqtegue cam 'am samaxague, 'am samaxa qome nam sa ishit da judiopi.”

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Juan 7:35

Nachi nam judiopi maichi nnattega't, 'eeta': –¿Chaq huá'ago' ca dataigue damayi, da yaqto' qomi' sa ishit da sanataxa? ¿Qalqo' nqo'ona nam judiopi mayi nlagaxattac nam netaigui nam saq judiopi, da yaqto' ÿapaxaguen na sa ishit da judiopi?

Gálatas 2:16

Qalaxayi ñaqaiyita qomi' saÿajnaqta da sa ishit da huo'o ca 'oonolec da laÿamaxannatac ñi Dios, souaxat da i'ot na nqataxacpi mayi chigoqo'ot so Moisés, cha'ayi chaqdata da qai'amaqten so Jesucristo. Qaq ÿoqo'oyi qomi' nataq'en sa'amaqtenaq so Jesucristo, da yaqto' ishit da qomi' ÿaÿamaxadeete' ñi Dios souaxat de'eda qadpi'iÿaxac, qaq sa ishit da chigoqchigui da huo'otaq so'otaq na nqataxacpi. Cha'ayi sa ishit da huo'o ca chochi ÿaÿamaxadeeta ñi Dios souaxat da i'ottac na nqataxacpi.

Romanos 1:9

Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.

1 Corintios 9:1

Aÿim 'eesa da aÿim huosochiguiñi, qataq yalau'a da 'enec ca lamaxashic so Jesús. Cha'ayi aÿim ñauane' somayi som qadataxala'. Qaq qami' mayi nachiqami' naiguilo da i'onataxanaxac da so'onataxaatacot so qadataxala'.