1 Timoteo 2:5 - Nuevo Testamento Toba Sur

⁵ Cha'ayi 'oonolec ñi Dios, nataq'en 'oonolec so shiÿaxaua mayi ishit da ÿi'iguelaxateguet da nmane' naq'en ñi Dios na shiÿaxauapi. Somayi l'enaxat Jesucristo.

Nuevo Testamento Toba Sombrero Negro

⁵ Qa'a jayatenaq queda'me qaya'te Dios laqaya jo'ne p'ajaye, nataq'aen onolec ga'me jiyaĝaua jo'ne qadetaĝayaĝanaĝanec uotaĝa dauegaqataĝanot joñe'me Dios, nach'eñe ñe'me Cristo Jesús,

La'aqtaqa Ñim Lo'onatac 'Enauacna 2013

⁵ 'Oonolec Ñim Lo'onatac 'Enauacna, qataq nataqa'en 'oonolec so chegoqchigui da ishet da qomi' ỹaueegueta da selagaqtapiguiñi da souaqto'ot Ñim Lo'onatac 'Enauacna: Somaye nacheso So Jesucristo, maye shiỹaxaua.

1 Timoteo 2:5 Referans Kwoze

Gálatas 3:20

Qalaxayi sa ishit da qaiuen ca chochi ntaxaÿaxanaxanec da huo'o ca ÿachaxanapec ca 'oonolec shiÿaxaua. Qaq ñim Dios 'oonolec, qaica ca lÿa.

1 Corintios 8:6

qalaxayi qomi' saÿajnaq da 'oonolec ñi qadta'a, l'enaxat Dios. Ñimayi mayi chigoqchigui 'enauac nam huetalecna, qaq qomi' i'o't da qomi' lalamqa'te. Qataq 'oonolec so qadataxala', l'enaxat Jesucristo, som ÿachigoxotchigui ñi Dios 'enauac nam huetalecna, nataq'en qomi'.

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.

Hebreos 12:24

cam hueta'a so Jesús mayi nachiso so qadtaxaÿaxanaxanec nagui da dalaxaic qanaÿamaxataxac da qanaÿamaxate' ñi Dios, qataq cam hueta'a soua ltago'q so Jesús mayi qaichigoxosoxonalo. Soomayi ÿataqta napacalec da 'eetec soua ltago'q so Abel da qomi' da'aqtaxanema.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Romanos 10:12

Cha'ayi qaica ca ÿaqa'a ca lataxac da qanca'alaxateec na judiopi qataq nam sa ishit da judiopi. Cha'ayi so qadataxala' nachiso so lataxala' 'enauac namayipi, qataq somayi ÿataqta sa naloqnañi ca ÿanem cam nqouagaxaueetega somayi.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Hebreos 8:6

Qaq se'eso 'oonolec qadtaxaÿaxanaxanec, qalaq somayi da l'onataxanaxac da ntaxaÿaxanaxanec ÿataqta ÿacteec da 'onaxaic, qaq saq 'en'am so hua'auchiguiñi. Cha'ayi somayi nachiso so qomi' detaqleguete nagui de'eda dalaxaic aÿamaxataxac mayi ÿataqta 'onaxaic, dam chigoqchigui nam qaÿachaxanapecpi mayi ÿacteec da no'on.

Efesios 4:6

qataq 'oonolec ñi Dios ñim 'enauac qadta'a. Ñimayi imattalec 'enauacna, qataq do'onataxaatapoigui 'enauac da shinaqta, qataq 'enauac qomi' hueta'agueta.

1 Corintios 8:4

Ÿoqo'oyi ca nallic mayi qanatameelec da qoÿanot ca nqolac, saÿajnaq da na nqolacpi mayi huetalecna ÿataqta qaica ca 'enec, cha'ayi 'oonolec ñi Dios, qaica ca lÿa.

Mateo 1:23

Aca 'alo saxanaxa da huadon, qalaq hualaxai qome, nachi huo'o ca llalec. Qaq camayi l'enaxat qome da Emanuel. De'eda n'enaxat 'eeta': Ñi Dios qomi' hueta'agueta.

Apocalipsis 1:13

Qaq na laiñi se'esoua siete ncoÿadaxanaxaqui' sela'a so 'oonolec 'eeta'am na shiÿaxaua llalec. Qaq soua alogo ÿataqta ivildañi, qataq so lasot alaxa naguelec ana ltogue, somayi chigaqaigui na oro.

Mateo 1:1

Ana'ana nachana ana nanedaxalate som hua'au lta'alpi so Jesucristo som chigoxoguet so nta'a David qataq so Abraham.

Hechos 4:12

Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.

Romanos 1:3

Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David.

1 Timoteo 6:13

Qaq nagui qomi' ÿauaachiguilo ñi Dios mayi chigoqtacot da lca'alaxa 'enauacna, nataq'en ñi Jesucristo mayi i'axat da lpi'iÿaxac co'olloxochi qaÿataxaato'ot so nta'a Poncio Pilato. Ÿoqo'oyi nagui 'am shinapega

1 Juan 2:1

Qami' ÿalqolqa, shiyiñi de'eda da qami' samaxalo, yaqto' sa ishit da huo'o ca qau'ochi qadasouaxashichi. Qalaxayi da huo'otaq huo'o ca huo'o ca lasouaxashit, qalaxayi huo'o so ishit da qomi' detaqleguete da detaxaÿapegue' ñi qadta'a. Somayi nachiso so Jesucristo som i'ot ca ÿaÿamaqchiguiñi.

Lucas 14:22

Qaq co'ollaq mashi ñi'iguelaq so nlatac, nachi da'aqtaxan, 'eeta': “'Am ñi'aco', mashi sogote da so'ot 'enauac da aÿim 'auamaxalec, qalaxayi ñaqaiyita ñaq huo'o yi ndaqa'.”