1 Timoteo 2:15 - Nuevo Testamento Toba Sur

¹⁵ Qalaxayi aca 'alo ishit da qanca'alaxateec da ÿataqta huelec da ntela'a da lco'oxoc, qataq quetot da lpi'iÿaxac qataq da lsoxoyic, qataq ÿataqta iqui'itaxatta da nachaalataxac, qataq ntel-la't.

Nuevo Testamento Toba Sombrero Negro

¹⁵ Qalaĝaja jaga'me yauo qonec'alaĝategue nale qo'uaĝai, chayovida'a da'me c'oe, qom yataqata en chimaqategue ga'me lepe'e choqoga'me loqopich'i, qom joĝodai nataq'aen qom yiyamaĝatetac da'me nejiyaĝauayaĝac.

La'aqtaqa Ñim Lo'onatac 'Enauacna 2013

¹⁵ Qalaxaye na 'alpi ishet da qanca'alaxatec da ỹataqta huelec da ntela'a da lco'oxoc, qataq da ỹa'amaqten So Jesucristo, qataq ỹataqta ỹauotec na laỹepi qataq huetaigui da ntela'a da lataxac qataq iqui'itaxatta da nachaalataxac.

1 Timoteo 2:15 Referans Kwoze

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

1 Timoteo 2:9

Nataq'en ñishitaique da na 'alpi ÿataqta ÿaÿamaxatta da n'otaxac, qataq ÿaÿaten da ntel-la't, sa ishit da ñi'oxonnaxai. Yaqto' 'ique' n'otaxat da ÿaÿamaqchiguiñi 'onataxac. Sa ishit da nachida da yi'oqchigui da huo'otaq i'ot na laue, huo'otaq ca 'otaxat chigaqaigui na oro huo'otaq perlas, huo'otaq ÿauo'o aca lapoto da saqaÿoqteu'a naq'en.

Lucas 2:7

Nachi huaña yimayi co'ollaq ñiguiñi so l'auaxanec llalec. Nachi lpataxangui so lapo', ime, nachi ÿachangui aso lqui'axaqui na nlo shiguiÿacpi, cha'ayi souaxat da qaica ca lma't soomayi som noÿic mayi n'ochaqa'.

1 Timoteo 1:14

Ÿoqo'oyi aÿim ÿanem da lqouagaxanaqtaic ÿataqta saq llalcolec, nataq'en da npi'iÿaxac, nataq'en da nsoxoyic mayi 'enauac qomi' qoÿanema souaxat da ñi'adaqtau'a so Cristo Jesús.

1 Corintios 12:23

Qataq ca pa'aigue ne'ena nogoxoshitpi ca 'eeta'am da qaica ca naigui, qaq nachica ca ÿacteec da qadtelaxa. Qataq ca pa'aigue ca 'eeta'am ñaqashinaq da qaica ca lli'oxoyic, qaq nachica ca ÿacteec da seyacnaq.