1 Timoteo 2:1 - Nuevo Testamento Toba Sur

¹ Qaq da hua'auchiguiñi i'aqtac 'eeta': Ñishitaique da saqata da qanayictot da qouagaxaunaxac, da qanqouagaxaueelec 'enauac na shiÿaxauapi, da qanqouagaxaunot ñi Dios, nataq'en da qoÿanot da 'achiquiaxac.

Nuevo Testamento Toba Sombrero Negro

¹ Chane'eja cha'li ami je'elopeque da'me anachoĝodeñilo'te yema ga'me jiyaĝadipi, anetameñilo'te jogaa'me, auajelaĝañilo'te choqoda'me auañem adamaiqui ñe'me Dios queda'me netelalo ena'uac.

La'aqtaqa Ñim Lo'onatac 'Enauacna 2013

¹ Qaq da hua'auchiguiñi iqataxac 'eeta': Ñeshetaique da qoqueto'ot da 'anqouagaxaueetalec 'enauac na shiỹaxauapi ana 'alhua, qataq 'aatacot da 'ana'achecỹaxac Ñim Lo'onatac 'Enauacna souaxat 'enauac nam 'am ỹo'otec qataq 'aỹaxanot da 'am ỹachaxana da lqouagaxanaqtaic qataq da 'am itaua'n.

1 Timoteo 2:1 Referans Kwoze

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

Santiago 5:16

Qaq ÿoqo'oyi ñi 'oonolec da qoñiita da'aqtaxanem ca lÿa ca lasouaxashit, qataq ñi 'oonolec nqouagaxaueelec ca lÿa, yaqto' qami' qanatade'n. Da nqouagaxaunaxac ca no'on shiÿaxaua ÿataqta huo'o naq 'enec.

Efesios 5:20

Qataq nachi 'eetai' qome da qai'añiitacot da qantonaxaqui ñi qadta'a Dios souaxat 'enauac na lataxaguesat, cha'ayi qami' qoviito'ot so qadataxala' Jesucristo.

2 Timoteo 2:24

Cha'ayi ca lamaxashic so qadataxala' sa ishit da quetaigui da petaxaic. Chaqdata da nauote' 'enauac na laÿipi, qataq ÿaÿaten da dapaxaguenataxan, qataq huo'o da lhualaxavic,

1 Timoteo 2:4

Cha'ayi ñimayi nshitaique da 'enauac qanca'alaxateec na shiÿaxauapi, qataq ividaxatta'a da ÿaÿateeta da lataxac mayi ÿataqta 'eesa.

Filipenses 1:3

Aÿim naxa da tachigui yi iuel da qoñiita, nachi qaltaq saatacot da ñi'achiquiaxac ñi Dios.

Hebreos 6:11

Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

Tito 3:2

Sa ishit da quetapeguelec ca lÿa. Chaqdata da huo'o da lhualaxavic qataq da lsoxoyic. Qataq huosotta da lataxac da huetapegue' ca camachaqca shiÿaxaua.

Tito 2:11

Cha'ayi ñi Dios qomi' ÿachaxanalo da lqouagaxanaqtaic mayi naigui da lca'alaxa na 'enauac shiÿaxauapi.

1 Timoteo 5:5

Cha'ayi da huo'o aca pa'ai da huo'otaq ndoguiñi qataq qaÿalata'a't, qalaxayi mashi hueto'ot ñi Dios da naquitaxac, qataq queto'ot da nqouagaxaunaxac na na'axa'tesat qataq na pesa'chi.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.

Hechos 17:30

Ñim Dios mayi sa ishit co'ollaxa da iloguilo naua n'enaxaco na shiÿaxauapi soua hua'a'u vi'iyi. Qalaxayi nagui ñimayi 'enapega na shiÿaxauapi mayi netalguete naua ÿotta'a't 'ale'u, da yaqto' ÿaxaadeec naua n'onataxaco.

1 Ts 3:12

Qaq ñim qadataxala' Jesús nañaxat qataq chochi huañi naq'en da qadsoxoyiqui, yaqto' qanchoxonñiÿa't qataq qavidaxachiÿauga 'enauac na shiÿaxauapi, 'eeta'ama qomi' da ÿataqta qami' sauotaxaque.

Romanos 6:17

Qalaxayi huo'o da qan'achic ñi Dios souaxat da qoñiita mayi qami' l-lataqa co'olloxochiyi da ñi'itaxaloxo, qalaxayi nagui ÿataqta imauec da qadquiyaqteÿaxaqui da qaualaqaiguet dam lataxac da napaxaguenataxanaxac mayi qami' qoÿanema.

Romanos 1:8

Qaq aÿim sa'auaxaachiguiñi da sachigoxotchigui so Jesucristo da sanot da ñi'achiquiaxac ñi ita'a Dios souaxat da qoñiita 'enauac, cha'ayi 'enauaque na laÿil qan'aqtaxaatapigui da qadpi'iÿaxaqui.

2 Corintios 8:6

Qaq ÿoqo'oyi qomi' ñachoxodenaqtacot so Tito, da yaqto' nachi 'eetai' da quetot naq'en da qoñiita de'eda nachitaqtaxanaxac mayi sogote co'ollaxa da i'ottac can qami' huetaiguilo.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.