1 Timoteo 1:7 - Nuevo Testamento Toba Sur

⁷ Namayipi nshitaique da apaxaguenaxala' da dapaxaguenataxanec na lqataxacpi ñi Dios. Qalaxayi ÿataqta sa ÿaÿaten dam i'axattac, nataq'en dam dapaxaguenataxaatapeguec mayi 'eetega ÿataqta 'eesa lataxac.

Nuevo Testamento Toba Sombrero Negro

⁷ Nataq'aen maco nach'egaua jetaque dapaĝaguenataĝaneque daa'me Dios 'laqataqa, qalaĝaja nale doje'y qama'le yataqata ja yayate'n joga'me nenaĝatedegue, nataq'aen joga'me en yeloteguet nale dapaĝaguenataĝa'n, qalaĝaja yepetapegalo yataqata eja ga'me yauotedac.

La'aqtaqa Ñim Lo'onatac 'Enauacna 2013

⁷ Namayepi nshetaique da paxaguenaxala' da dapaxaguenataxanec na namaxasoxonaxacpi maye chegoqo'ot so Moisés qataq 'eetega ỹataqta 'eesa da huo'o ye la'aqtac qataq dam dapaxaguenataxaatapeguec, qalaxaye namayepi ivira'a nataqa'en da saishet da ỹaỹaten dam ỹa'axattac.

1 Timoteo 1:7 Referans Kwoze

Romanos 1:22

Qaq nai'ctaxa namayipi da 'eetega da ÿajnaxanaxaicpi, qamaq qaica ca ÿaÿajnapec.

2 Pedro 2:12

Qalaxayi ne'ena shiÿaxauapi ÿataqta 'eeta'am na shiguiÿacpi mayi qaica ca ÿaÿajnapec. Chochi quetague' da lmejnaxanaxac, qataq ñiguiñi da yaqto' taÿa'a da qaÿaconeu'a qataq da qaÿalauat. Namayipi ÿataqta sa iyacnapec da detaxaÿa cam sa ishit da ÿaÿaten. Qalaxayi namayipi 'eeta'am qome da l-leuaxa na shiguiÿacpi,

1 Timoteo 6:4

que'eca shiÿaxaua chochi n'amqajnaxaic, qalaxayi qaica ca ÿaÿaten. Ÿoqo'oyi lqopitaxat da chochi nmitta'ai da ÿauotaique ncotaxaqui na n'aqtacpi. Qaq de'eda 'eeta'am ca yi'oqchigui lalolaxa. Qaq de'eda nachida da chigoqtapoigui da pa'aguenaxac, cotaxac, nshiunaxanaxac, qataq da qaipettega ca nÿa,

Gálatas 3:5

Ñim Dios mayi qami' ÿanema co'olloxochiyi so n'Espíritu, qataq ÿachaxan nam i'ot da n'aalaxa da huaigui naq'en da qoñiita, qaq ¿chaq tá'ainco' yi i'ot? Ñimayi i'ot namayipi, qalaxayi sa ishit da souaxat da qami' qau'ochiitac na nqataxacpi mayi chigoqo'ot so Moisés. Mayi souaxat da qami' qau'amaqchiñi da qau'aqaichigui co'ollaxa n'aqtac.

2 Timoteo 3:7

qataq nshitaique da huo'o ca ÿaÿaten, qalaxayi sa ishit da ivideguet da ÿaÿaten da ÿoqta 'eesa lataxac.

Gálatas 3:2

Ñaq aÿim qau'aqtaxañiim nagui de'eda, 'eeta': ¿Qami' peta'a qauachigoxochiichigui da qau'ochiitac na nqataxacpi mayi chigoqo'ot so Moisés da huo'o mshi qauacoñiiguet so Espíritu mayi chigoqo'ot ñi Dios? loqo' chaq ¿chigoqchigui can qau'amaqchiñi da qau'aqaichigui?

Gálatas 4:21

Qami' mayi qauauoitaique da qoviito'ot na nqataxacpi mayi chigoqo'ot so Moisés, qaq aÿim qau'axachiim nagui de'eda 'eeta': ¿Sa ishito' peta'a da qan'axaÿaxañiitegacnaxa da 'enapec na nqataxacpi?

Mateo 15:14

Qaq ÿoqo'oyi sa ishit qome da qauqochiÿa namayipi. Cha'ayi namayi sa nauaañi qataq lauegaxala' nam sa nauaañipi. Qaq cam sa nauaañi da huo'otaq ÿauecta'aguet cam 'eeta'am sa nauaañi, nachi caamayi ishit da tayingui acam nshide.

Hechos 15:1

Qaq se'esoua na'axa'te, nachi huo'oi soua nvilyi' shiÿaxa'u chigoqda'ague da Judea da nqo'ooda yi Antioquía. Nachi soomayi ÿapaxagueetrapeguec na 'amqajnataxanaxaicpi da ca nshitaique da qanca'alaxateec, qalaq camayi iuen da qaÿauo'o ca n'anaxashit na l'oc, cha'ayi damayi nachi lamaxasoxonaxac so Moisés.

Mateo 21:27

Nachi somayipi 'enapega so Jesús, 'eeta': –Aque', sa saÿatenaq. Nachi so Jesús 'enapeco': –Aÿim nataq'en sa ishit da qami' sa'aqtaxanema ca sachigoxota'ague de'eda shinec da so'ot de'eda.

Lucas 2:46

Qaq co'ollaq mashi inoxoodeec soua tres na'axa'te, nachi qaÿanata somayi, huetaigui aso n'onaxanaxaqui late'edai, nso'ootañi, datataigui som dapaxaguenataxaatapeguec na nqataxacpi, n'axaÿaxaatega qataq huo'o na nnataxanaxacpi.

Santiago 3:1

Qami' ÿaqaÿadolqa, sa ishito' qome da saqalota na dapaxaguenataxanapec da qoñiita, cha'ayi mashi qauaÿajñi da qomi' mayi sapaxaguenataxanaqtac, qomi' naÿalguete ca saq llalcolec qanhuaxanaguec, saq shinaqa'am na qadaÿipi.