1 Timoteo 1:5 - Nuevo Testamento Toba Sur

⁵ Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

Nuevo Testamento Toba Sombrero Negro

⁵ Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

La'aqtaqa Ñim Lo'onatac 'Enauacna 2013

⁵ Dam ỹoqta 'eetapeguec de'era namaxasoxonaxac, damaye iuen da ñi 'oonolec ỹauotec ca lỹa, qaq de'era lauotaxanaqtaic ỹataqta chegoqchiguinguit añi lquiyaqte maye qui'itta, qataq da ỹaỹamaqchiguiñi ntoonaxac qataq da huesota lpi'iỹaxac.

1 Timoteo 1:5 Referans Kwoze

1 Timoteo 1:19

Cha'ayi mashi huo'o na ilamaqhuec, ca'ai da lpi'iÿaxac, souaxat da sa ÿalaxalec da lavilÿaxac ÿaÿamaqchiguiñi.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

2 Timoteo 2:22

'Auataueguesopo' qome na lqopitaxanaqtaiguesat da nogotshic. Qoquetelco' da achaalataxac qui'itta, qataq da npi'iÿaxac, qataq da nsoxoyic. 'Anpogoxoinapegue' da qaica ca da 'enauac nam mashi qui'itte' naua lquiyaqte mayi iÿaxaatega da l'enaxat so qadataxala' Jesús da nqouagaxaunot.

2 Timoteo 1:5

Qataq naxa da tachigui iuel dam 'adpi'iÿaxac mayi huosota. De'eda huosota npi'iÿaxac mayi hua'auteguet aso 'adcote Loida qataq aso 'adate'e Eunice. Qaq nagui saÿateeta da nataq'en 'am hueto'ot de'eda npi'iÿaxac.

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

1 Pedro 3:16

Qataq ÿataqta qan'onaxachiila't, yaqto' da qadvilÿaxaqui ÿataqta machiguiñi, yaqto' nam sa iyacnapec da detaxaÿa da no'on qadataxaqui, souaxat da qau'amaqchiñiitac so Cristo, namayipi ishit da maichi n'aloxon souaxat naua maichi l'aqtaqa.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

2 Pedro 1:7

qataq da qaÿauotec ca nÿa, qataq da qadsoxoyiqui.

Romanos 10:4

Cha'ayi som Cristo nachiso so loga't nam nqataxacpi mayi chigoqo'ot so Moisés, qataq chigoqchigui somayi da 'enauac nam i'amaqten somayi, nachi ishit da ÿaÿamaxadeeta ñi Dios.

Tito 1:15

Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.

1 Timoteo 3:9

Nataq'en ÿauattoota ca saq cha'a ltaxac da qadpi'iÿaxac, qataq da lavilÿaxac ÿaÿamaqchiguiñi.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

1 Pedro 4:8

Qalaxayi ÿataqta ÿacteec qome qanqashiñi da qalota da qadsoxoyiqui, cha'ayi da nauotaxanaqtaic i'oteu'a da ÿataqta qalota na nasouaxashitpi qaÿapalaxat.

Santiago 4:8

Qanquiquiÿot ñi Dios, qaq ñimayi sa qami' iÿotapigui. Qami' 'itaxaloxoicpi, qai'axañiiuec da qauacoñiigui ca sa ÿaÿamaxañi. Qami' mayi qanshiitaique da qauauochiic ñi Dios qataq na huetalecna, nal'en da qauqui'itaxachiite' qome naua qadquiyaqchilli'.

Hechos 23:1

Nachi so Pablo co'ollaq ÿamataigui so nta'alpi mayi loicnatac na lataxaguesat. Nachi 'enapeco': –Qami' ÿaqaÿañicpi, aÿim chochi ivitta'a nagui da qaica ca da da ivilÿaxac, qaq ñi Dios ÿaÿaten.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

1 Corintios 13:1

Aÿim da huo'otaq setaxaiguilo naua l'aqtaqa na shiÿaxauapi, qataq naua l'aqtaqa na chigaqshiguem lamaxashicpi ñi Dios, qalaxayi da qaica ca isoxoyic, nachi shiita'am aca qataqui mayi lamtapigui, huo'otaq aca nasaquiaxanata mayi qaÿasaquiaxaatac.

Romanos 14:15

Qaq ÿoqo'oyi ca nallic mayi qollictac, da huo'otaq ishit da ique'emaqchit da lhuennataxac ca 'ad'amqajnataxanaxaua, nachi 'am sa ishit qone' da qoquetaigui da 'adsoxoyic. Qaq sa ishit qome da huo'o ca 'auqataqchit nam ileualecpi co'ollaxa so Cristo, souaxat da 'am 'anshitaique da qollic nam ÿotta'a't nallic.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

Hechos 24:16

Qaq ÿoqo'oyi aÿim ÿataqta ñipogoxoueetapegue' da ÿataqta saqca ca da da ivilÿaxac, da yaqto' qaica ca hueto'ot ÿasouaxashit ñi Dios, nataq'en 'enauac na shiÿaxauapi.

Hechos 15:9

Ñi Dios sa ishit da qomi' lca'ataguilo, da yaqto' iÿotauga namayipi. Cha'ayi ñimayi iÿoi' nataq'en naua lquiyaqte namayipi, chigoqchigui naq'en da lpi'iÿaxac.

Mateo 12:35

Cam no'on shiÿaxaua da detaqa, qalaq no'o'n naua l'aqtaqa, cha'ayi dam ÿaÿamaqchiguiñi huetagui añi lquiyaqte. Qataq cam qauem shiÿaxaua da detaqa, qalaq qauema naua l'aqtaqa, cha'ayi dam qauem huetagui añi lquiyaqte.

Mateo 5:8

Qataq ÿataqta machiguiñi qome nam qui'itta da lquiyaqteÿaxac, cha'ayi namayipi nauane' qome ñi Dios.

1 Juan 3:23

Qaq dam lamaxasoxonaxac ñimayi 'eetega da qomi' sa'amaqtenaq so llalec Jesucristo, qataq 'eetega da ñi 'oonolec da shinaqta ÿataqta ÿauotec ca lÿa. Nachida da qomi' ÿamaxalguete.

Hebreos 13:18

Qanqouagaxauñiitalec qome da shinaqta, cha'ayi qomi' saÿajnaqta da qaica ca da da qadvilÿaxac. Cha'ayi sauoqtaique da ÿataqta qaica ca da 'enauac da qoyiquiaxac.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Romanos 12:9

Ÿataqta 'eesa qome da qadsoxoyiqui ñi 'oonolec da ÿauotec ca lÿa. Qataq ÿataqta sa qauojñiÿa'aguet qome ca sa ÿaÿamaxañi, qataq qoquiigue ca ÿaÿamaqchiguiñi.

1 Timoteo 1:18

'Am ÿalec Timoteo, 'am sami' da ÿaqataxac, cha'ayi ñishitaique da qoquetalec da 'auloctapeguelec da 'ad'onataxanaxac, qalaxayi nachida da 'adpi'iÿaxac, qataq da ÿaÿamaqchiguiñi 'advilÿaxac. 'Aupactelco' qome da 'an'aqtaguec mayi chigaqaigui na Dios l'aqtaxanaxanecpi.

1 Juan 3:10

Huaña, nachi ishit da qaÿaÿaten cam ÿoqta 'eesa da llalaqpi ñi Dios qataq cam llalaqpi so shiÿaxaua mayi lma'na, cha'ayi cam sa ishit da i'ot ca ÿaÿamaqchiguiñi, huo'otaq sa ishit da ÿauotec ca lqaÿa, nachi camayi sa ishit da lalamaxat ñi Dios.