1 Timoteo 1:20 - Nuevo Testamento Toba Sur

²⁰ Qanachi 'eetec da huaiguilo soua Himeneo nataq'en so Alejandro. Ÿoqo'oyi soomayi sangueta so Satanás, yaqto' sa ishit da nachi 'eetra'ac da quetralec da sa iyacna'pe ñi Dios.

Nuevo Testamento Toba Sombrero Negro

²⁰ Daajo' yajouaĝat jaa'me Himeneo choqoñe'me Alejandro, qama'le naajo' jamaĝalo'te joñe'me payac Satanás, qaedi male yataqata yayate'n queda'me ja 'noota qom ch'e ye'uetedac joñe'me Dios.

La'aqtaqa Ñim Lo'onatac 'Enauacna 2013

²⁰ Qaq nache 'eetec da huaiguilo soua Himeneo nataqa'en so Alejandro. Ỹoqo'oye soomaye sanegueta so pa'aguenataxanaxaic, yaqto' saishet da nache 'eetra'ac da quetralec da sa iyacna'ape Ñim Lo'onatac 'Enauacna.

1 Timoteo 1:20 Referans Kwoze

2 Timoteo 2:17

Qataq naua lapaxaguenataxanaxaco nquictrauec, 'en'am aca n'axaiste late'e. Qaq 'eda da 'eetec soua Himeneo qataq so Fileto.

1 Corintios 11:32

Qalaxayi ñimayi da huo'otaq ila'a da huo'o ca qadasouaxashit, nachi qomi' iuaxa'n, cha'ayi nshitaique da sa ishit da salegaqtoigui ca nhuaxanaguec na sa da'amqajnataxanpi.

2 Ts 3:15

Qalaxayi sa ishit da 'ico' qanpa'aguenaxauai. Chaqdata da ÿataqta qauqachiÿa, qoñiiteguem ca qadqaÿai.

Apocalipsis 3:19

Cha'ayi aÿim ÿataqta sevidaxato'ot, qataq saÿamaxajñi ca lasouaxashit cam ÿataqta sauotec. Qaq ÿoqo'oyi 'an'añaxat qome, qataq 'ai'axaadeec naua 'an'onataxaco.

Hechos 19:33

Qalaxayi huo'o na ÿalectauopi na da'aqtaxanem da 'eetec de'eda naponaxac so Alejandro, nachi nam judiopi ÿamaqhuo somayi da yaqto' dataÿa'aguet 'enauac somayipi. Nachi somayi ÿachaxaashiguem na lhuaq, da yaqto' ÿi'imaqtom naq'en na shiÿaxauapi, nachi nshitaique da da'aqtaxanem namayipi da na judiopi sa ishit da lasouaxashit de'eda.

Apocalipsis 13:1

Ime, nachi aÿim sooto'ot na loigue aso auaxai. Nachi sauaateguet so shiguiÿac lta'adaic, chigoqchiguingui aso auaxai. Qaq somayi siete na lqaicpi, qataq diez ana lcouepi. Qaq añi 'oonole ana lcouepi ÿaatañi ana nado'o na nta'a. Qaq ñi 'oonolec naua lqaigo, qalaq huetalguete naua l'enqa'te mayi ÿataqta npa'agueneto ñi Dios.

2 Timoteo 3:2

Cha'ayi da n'onataxac na shiÿaxauapi 'eeta': maichi nauojla't, qataq quetague' da lqopitaxanaqtaic ana plata, qataq ñi'oxonnaxaic, qataq 'otanaxanaxaic. Namayipi sa iyacnapec ñi Dios, qataq sa ÿalaxalguete caua lta'al, qataq 'agaqaic, qataq qaica naq'en ca 'enec da n'amqajnataxanaxac.

2 Timoteo 2:14

Qoquetot da 'auennataxanaxanec na shiÿaxauapi de'eda shiitega. Qaq nagui 'am ÿauaachigui ñi qadataxala' Dios da 'auqata namayipi da nal'en ÿaxaañi da chochi ncotatapigui na n'aqtacpi. Cha'ayi de'eda cotaxac qaica ca naigui. Chaqdata da n'aqchit na n'axaÿaxaatega.

2 Corintios 10:6

Qataq ÿataqta qaica ca shigaqtega da sauoqo'o ca nhuaxanaguec 'enauac nam sa ishit da ÿalaq, lamaaxa qom huo'otaq mashi nalochiguiñi da qadalaxayiqui.

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

Mateo 18:17

Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

1 Timoteo 5:15

Cha'ayi mashi huo'o ana pa'ai mayi ca'ai so Cristo da quegue so Satanás.

Hebreos 12:5

¿Qami' peta'a mashi sa qantouñiic da lqataxac ñi Dios da 'eeta'am ca shiÿaxaua da huaqattega ca lalamaxat llalec? Naua ñiyigui'shi l'aqtaqa ñi Dios 'eeta': 'Am ÿalcolec, sa ishito' qome da saqca ca 'ai'anaigui da lapaxaguenataxanaxac ñi qadataxala' Dios qom 'eeta'am da 'ico' 'am nlaxa, qataq sa ishit da 'an'aloxootac qom 'eeta'am da 'am nhuogaxa.