1 Timoteo 1:19 - Nuevo Testamento Toba Sur

¹⁹ Cha'ayi mashi huo'o na ilamaqhuec, ca'ai da lpi'iÿaxac, souaxat da sa ÿalaxalec da lavilÿaxac ÿaÿamaqchiguiñi.

Nuevo Testamento Toba Sombrero Negro

¹⁹ Oquetalegue da'me adepe'e nataq'aen nach'e eta't auen onaĝaic ga'me adelnataĝac, qa'a uo'oe jogaa'me male ja yauote ga'me onaĝaic lelnataĝa'j, qama'le queda'e da'me lepe'e'.

La'aqtaqa Ñim Lo'onatac 'Enauacna 2013

¹⁹ Qataq 'ana'añaxatec da 'arpi'iỹaxac qataq da no'on 'arvilỹaxac. Cha'aye mashe huo'o na ilamaqauec, ca'ai da lpi'iỹaxac, souaxat da sa ỹalaxalec da ỹaỹamaqchiguiñi lavilỹaxac.

1 Timoteo 1:19 Referans Kwoze

1 Timoteo 3:9

Nataq'en ÿauattoota ca saq cha'a ltaxac da qadpi'iÿaxac, qataq da lavilÿaxac ÿaÿamaqchiguiñi.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.

1 Timoteo 6:9

Qalaxayi na nshitaique da sallaxanec, sa ishit da nalo'oguet ca ñi'iguenaguec, ivitta'a da 'ico' lpachigui na saqalota lqopitaxanaqtaicpi mayi qaica ca naigui. Namayipi ishit da n'aqchit ca shiÿaxaua, qataq 'ico' iyiiñi naq'en, qataq ividaxatta'a da nlaxajñi.

Tito 1:9

Qataq ÿataqta n'añaxattec da n'aqtac mayi 'eesa lataxac dam mashi qaÿapaxaguenec, yaqto' nataq'en ishit da i'añaqchit ca lÿa da idolec da no'oita napaxaguenataxanaxac, qataq nloqteneec ca depa'aguenataxaatac.

Apocalipsis 3:8

Aÿim saÿaten 'enauac nam 'au'ottacpi. Qaq aÿim 'am sanem ñi 'ico' lasom ÿauattaigui mayi sa ishit da huo'o ca ÿapogui. Cha'ayi nai'ctaxa da saqalligueme da 'ad'añaxac, qalaxayi ÿataqta 'aualaxalec da i'aqtac, qataq sa ishit da aÿim 'ancoqtapeguelec.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

2 Timoteo 4:4

Qataq ÿapoguilo naua ltela lauaco da sa ishit da n'axaÿaxana da 'eesa lataxac. Chaqdata da n'axaÿaxaata'ai na ÿotta'a't n'aqtaxanaxac mayi n'ajnaxaic.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

1 Timoteo 6:21

Cha'ayi na queueegue de'eda qoÿiitega naÿajnec, nachi ÿashaxaneec da ca'ai naq'en da npi'iÿaxac. Qaq ñi Dios 'am ÿami' qome ca no'on 'iquiaxac. Aja', nachi 'eetec de'eda.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

Gálatas 5:4

Qaq qami' mayi qaupi'itaxañiitega da qami' ÿaÿamaxadeete' ñi Dios souaxat da qau'ochiitac nam nqataxacpi, nachi qami' ÿataqta qoquiÿa'ai so Cristo qataq da lsoxoyic ñi Dios.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

Mateo 6:27

Cha'ayi ¿négue't ca 'oonolec da qoñiita da huo'otaq ÿapacteec da lhuogoqchic, nachi ishit da nquigaxatshiguem da lalogaxa?

1 Timoteo 6:12

'An'añaxajleco' qome da 'adpi'iÿaxac, yaqto' ishit da 'anauec da achaalataxac mayi chochi tateec. Cha'ayi de'eda achaalataxac nachida da huo'o mshi Dios 'am iÿaxana, qataq mashi ime da 'anachaachisop da 'au'axat da 'adpi'iÿaxac, qataq saqalota na 'am ÿauaachigui.

2 Timoteo 2:18

Soomayi ilamaqdauec, queda'ai da 'eesa lataxac, 'eetrega da mashi 'ico' qanca'alaxateeguesop na leuaxaicpi na mashi da'amqajnataxan. Qaq nachida da huo'o mshi huo'o na n'aqchit naq'en da lpi'iÿaxac.