1 Timoteo 1:14 - Nuevo Testamento Toba Sur

¹⁴ Ÿoqo'oyi aÿim ÿanem da lqouagaxanaqtaic ÿataqta saq llalcolec, nataq'en da npi'iÿaxac, nataq'en da nsoxoyic mayi 'enauac qomi' qoÿanema souaxat da ñi'adaqtau'a so Cristo Jesús.

Nuevo Testamento Toba Sombrero Negro

¹⁴ Qalaĝaja joñe'me Qadejaliaĝanec yataqachiñe t'adaic ga'me lichoĝodenataĝanaĝac jo'ne jayem yanem, qama'le yataqata 'uo da'me yepe'e jo'ne janem ñe'me, choqoga'me yoqopich'iyaĝac jo'ne onaĝaic, nach'eda jo'ne qo'mi uauelo qom jep'iyaqa joñe'me Qadec'alaĝaiqui Cristo Jesús.

La'aqtaqa Ñim Lo'onatac 'Enauacna 2013

¹⁴ Ỹoqo'oye aỹem ỹanem da ỹataqta lta'araic lqouagaxanaqtaic, nataqa'en da npi'iỹaxac, nataqa'en da nsoxoyec maye 'enauac qomi' ỹanema souaxat da ña'araqtaua'a So Cristo Jesús.

1 Timoteo 1:14 Referans Kwoze

2 Timoteo 1:13

Qoquetelco' da lliquiaxac da 'am sami' napaxaguenataxanaxac mayi no'on. Qouetaiguio' da npi'iÿaxac qataq da nsoxoyic mayi qomi' qoÿanema, cha'ayi mashi ñi'adaqtau'a so Cristo Jesús.

1 Corintios 15:10

Qalaxayi da lqouagaxanaqtaic ñi Dios nachida da huo'o mshi aÿim nagui, qaq de'eda ñoqouagaxa sa ishit da saqca ca naigui. Cha'ayi aÿim ÿacteec da i'onataxanaxac, ñapacalec 'enauac na laÿipi namaxashicpi. Qalaxayi sa ishit da nachaÿim, nachida da lqouagaxanaqtaic ñi Dios mayi aÿim ÿanem.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

2 Corintios 13:14

Qataq qauacoñiiguet qome da lqouagaxanaqtaic so qadataxala' Jesucristo qataq da lsoxoyic ñi Dios, qataq qauacoñiiguet so Espíritu Santo da qami' hueta'agueta. Aja', nachi 'eetec.

Romanos 16:20

Qaq ñim Dios mayi chigoqo'ot da nlagaxayic saqaÿaloq qome da nlaxajñi da l'añaxac so Satanás da ÿacho'oto na qadapia'chilli', da yaqto' qauapiilec. Qaq so qadataxala' Jesucristo qami' ÿanema qome ca qanchoxonnataguiiqui.

1 Juan 4:10

Qaq 'eda da huo'o mshi saÿajnaq da lauotaxanaqtaic ñi Dios da ñimayi hua'auñi da qomi' ÿauoteque. Ÿoqo'oyi qomi' namaxalo so llalec, da yaqto' chigoqchigui naq'en somayi da ÿapalaxat na qadasouaxashitpi. Qaq sa ishit da nachiqomi' chigoqchiguilo da sauotaxac ñimayi.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

Apocalipsis 22:21

Qaq som qadataxala' Jesucristo ÿanem qome 'enauac da qoñiita ca qanchoxonnataguiiqui. Aja', nachi 'eetec.

1 Ts 5:8

Qalaxayi qomi' mayi souaqtaigui na yi'oqchiguiñi na'a'q, ÿataqta seloqtegue da qoyiquiaxac. Sanaxañi da qadpi'iÿaxac qataq da qadsoxoyic, se'enaxataqchigui ca ale da ÿaañi aca ishit da npaxatalec ana ltogue. Qataq sanaxañi da qanaquitaxac da qomi' qanca'alaxatreec, 'eeta'am aca ado'o alaataxaqui mayi ÿaañi ca ale.

Hechos 15:11

Chaqdata da qomi' sa'amaqtenaq da yica'alaxauec, qalaxayi sachigoxosoqchigui da lqouagaxanaqtaic so qadataxala' Jesús, qaq nachi shinaqta'am namayipi.

1 Corintios 3:10

Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

2 Corintios 4:15

Qaq 'enauac de'eda yi'oq, yaqto' qami' qauaÿamqaiñi, yaqto' da qalota na ÿaconguet da lqouagaxanaqtaic ñi Dios, qaq qalota nataq'en na ÿaatacot da n'achic, qaq damayi naigui da lli'oxoyic ñi Dios.

Gálatas 1:13

Qataq sogote da qau'aqaitapeguelec co'ollaxa da 'eetec da ÿataxac can ñaq shictaigui dam 'eetec da l'amqajnataxanaxac na judiopi. Qataq sogote da qauaÿajñi da shiitec da ÿayiloxo co'ollaq secanaxaatapigui nam lalamaxatpi ñi Dios da ñishitaique da ñilaxajñi.

1 Timoteo 2:15

Qalaxayi aca 'alo ishit da qanca'alaxateec da ÿataqta huelec da ntela'a da lco'oxoc, qataq quetot da lpi'iÿaxac qataq da lsoxoyic, qataq ÿataqta iqui'itaxatta da nachaalataxac, qataq ntel-la't.

1 Timoteo 4:12

Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

1 Timoteo 6:11

Qalaxayi 'am, 'am lamaxashic ñi Dios, 'auataueguesop 'enauac ne'ena sa ÿaÿamaxañi. Ÿataqta 'anañanot ñi Dios. Qoquetelco' da achaalataxac qui'itta, qataq da npi'iÿaxac, nsoxoyic, nhualaxavic, qataq huosotta da 'adquiyaqteÿaxac.

2 Timoteo 2:22

'Auataueguesopo' qome na lqopitaxanaqtaiguesat da nogotshic. Qoquetelco' da achaalataxac qui'itta, qataq da npi'iÿaxac, qataq da nsoxoyic. 'Anpogoxoinapegue' da qaica ca da 'enauac nam mashi qui'itte' naua lquiyaqte mayi iÿaxaatega da l'enaxat so qadataxala' Jesús da nqouagaxaunot.

Tito 2:2

Qonapega da ÿi'axaiquipi da ÿataqta ilotegue da lliquiaxac, qataq no'on da n'aqtaguec, nloteec, qataq no'oita da lpi'iÿaxac, qataq da lsoxoyic, qataq da lhualaxavic.

Mateo 20:9

Ime, nachi anac som do'onataxanpi co'ollaq mashi inoxootapiguiñi aso nala'. Nachi ñi 'oonolec somayipi ÿaconguet aso 'oonole denario mayi nshiitenaqte ca do'onataxan yi 'oonolec na'a'q.