1 Timoteo 1:13 - Nuevo Testamento Toba Sur

¹³ Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

Nuevo Testamento Toba Sombrero Negro

¹³ qa'ejole ca'li ja 'noe'n nale gaa'me ñenaĝatedegue jo'ne je'n yeloteda'a nale ñe'me Jesús, jecaa'tape jogaa'me lalemaĝaje'te nataq'aen da'me je'ue'tape, jeetapegalo ja 'noe'n. Qalaĝaja ñe'me Jesús yataqata jayem yichoĝoden, qa'a yajouaĝat da'me maliaĝa ja jep'iya'a joñe'me, nataq'aen yataqata ja jayaten joga'me jauotac, yataqata jejomac.

La'aqtaqa Ñim Lo'onatac 'Enauacna 2013

¹³ Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

1 Timoteo 1:13 Referans Kwoze

Hechos 8:3

Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.

1 Pedro 2:10

Qami' co'ollaxa sa ishit da qami' lalamqa'te ñi Dios, qalaxayi nagui qalaq ÿataqta qami' lalamqa'te. Co'ollaxa qaica da huo'o ca qami' ichoxodeeta'pe, qalaxayi nagui ñimayi ÿataqta qami' ichoxode'n.

Hechos 9:13

Nachi co'ollaq hua'aqchigui de'eda so Ananías, nachi 'enapeco': –'Am ÿataxala', ÿataqta qalota na aÿim da'aqtaxanem que'eca shiÿaxaua qataq 'enauac nam qauem mayi i'otec nam netaña yi Jerusalén mayi 'am i'amaqteetac.

Hebreos 4:16

Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

Hechos 3:17

Qaq aÿim saÿaten, qami' ÿaqaÿa't, da co'ollaq qami' qataq nam qadataxala'aipi qaualauachi so Jesús, qalaq sa ishit da ÿoqta qauaÿajñiita dam qau'ochiitac.

Lucas 23:34

Qaq co'ollaq mashi qaiuaxaatapegueuo so Jesús, nachi 'eeta': –'Am ita'a, 'auchoxoden qome namayipi, cha'ayi sa ÿaÿaten dam i'ottac. Nachi som huataxanaqpi nallittapiguilo soua alogo so Jesús da chaq negue't ca talguete soomayi.

1 Timoteo 1:16

Qalaxayi ñaqaiyita ñi Dios aÿim ichoxoden, cha'ayi ñimayi nshitaique da aÿim l'auaxanec da do'onataxana naq'en so Jesucristo da ÿachaxana na shiÿaxauapi da lhualaxavic lta'adaic. Cha'ayi ÿauotaique da aÿim naloqnaxanaxat, yaqto' ca shiÿaxaua ishit da i'amaqten so Jesús, qaq ÿaconguet da nca'alaxa mayi chochi tateec.

Filipenses 3:6

Qaq da lataxac da qanayicteguelo naua 'ena'pe naua nqataxaco, qalaq ÿataqta sa ishit da huo'o ca aÿim qaÿasaxalec ÿasouaxashit.

Gálatas 1:13

Qataq sogote da qau'aqaitapeguelec co'ollaxa da 'eetec da ÿataxac can ñaq shictaigui dam 'eetec da l'amqajnataxanaxac na judiopi. Qataq sogote da qauaÿajñi da shiitec da ÿayiloxo co'ollaq secanaxaatapigui nam lalamaxatpi ñi Dios da ñishitaique da ñilaxajñi.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

1 Corintios 7:25

Qaq ca shiÿaxaua mayi saxanaxa da huadon, aÿim qaica ca ÿaqataxac chigoqo'ot so qadataxala' da sanem. Qalaxayi sami' da iuennataxac, cha'ayi aÿim mashi sevi' da aÿim npe'et souaxat da lchoxonnataxanaxa so qadataxala'.

Hechos 22:4

Qaq aÿim co'ollaxa ÿataqta secaatac nam quetague' de'eda n'aqtac, chochi ivitta'a da huo'o na salauat. Nachi saconeu'a da secoñi' na ÿallippi qataq na 'alpi, da yaqto' sanaigui añi ncoñitaxanaxaqui.

Hechos 9:5

Nachi so Saulo denataxan, 'eeta': –'Am ÿataxala', ¿négue't 'am? Nachi se'eso nvilÿaxac qataq 'enapeco': –Qomyi nachaÿim Jesús, nachaÿim mayi aÿim 'aucaatac. 'Am 'eeta'am da maichi 'anque'emaqchittapeguela't, qoneta'am da 'eetec ca nauegaxanaxala' huaca da maichi ÿasottapeeguet aca n'adaxanaqte.

Hechos 9:1

Qaq so Saulo ñaq queto'ot da ÿadeetega da ÿalauat na i'amaqteetac so qadataxala'. Qaq ÿoqo'oyi somayi nqo'oneu'a so lta'a na ntaxaÿaxanaxanecpi da qaitaxaÿapegue' ñi Dios.

Lucas 12:47

Qaq cam nlatac mayi ÿaÿateeta cam 'eetapeguec cam n'aco', qalaxayi sa ishit da naÿamaxattai', qataq sa ÿalaq, qaq camayi ÿataqta lta'adaic da nhuaxanaguec.