1 Pedro 5:8 - Nuevo Testamento Toba Sur

⁸ Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Nuevo Testamento Toba Sombrero Negro

⁸ Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

La'aqtaqa Ñim Lo'onatac 'Enauacna 2013

⁸ Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

1 Pedro 5:8 Referans Kwoze

Efesios 6:11

Qataq qai'añiiñi qome 'enauac na npaqtaxanaxatpi mayi ÿan ñi Dios, yaqto' ishit da qanaloÿa'aguet 'enauac na latenataxanaxacpi so shiÿaxaua lma'na.

Santiago 4:7

Qaq ÿoqo'oyi ÿataqta qanañañiÿot da qauatailec ñi Dios. Qataq qanachaachiÿa'aguet so shiÿaxaua lma'na. Qaq somayi dataueguesopa qami'.

Efesios 4:27

Sa ishit qome da qauauo'oi ca lligueuo so shiÿaxaua mayi lma'na.

1 Pedro 1:13

Qaq ÿoqo'oyi no'on da ÿataqta qauaÿamaxachiichiguiñi cam qau'ochi, qataq ÿataqta qanloiteec, qataq ÿataqta qaumachiÿo'ot 'enauac da qadpi'iÿaxaqui ñi Dios souaxat da lqouagaxanaqtaic mayi qami' ÿanema qom ivita da nachaxan so Jesucristo.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Lucas 22:31

Nataq'en 'enapeco' so qadataxala': –Simón, Simón, ña 'aula'a so Satanás mashi qami' iÿaxaneu'alo da 'ico' qami' ichigo'q, 'eeta'am naq'en da qaichigoq ca trigo.

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

Apocalipsis 12:12

Qaq ÿoqo'oyi 'am piguem, qataq 'enauac na 'am netalec, ÿataqta qauamaichiguiñi qome. Qalaxayi ÿataqta choxodaicpiolec qome na netalec ana 'alhua qataq asom auaxai. Cha'ayi so shiÿaxaua lma'na ÿataqta dalemata. Qaq somayi qami' huenoteeguesopa, cha'ayi somayi ÿaÿateeta'a da mashi sa qaÿapeque ca laloqo'.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Mateo 13:39

Qaq so depa'aguenataxaatac mayi ÿaañi aso huoue, qalaq nachiso so shiÿaxaua lma'na. Qaq da qanqat na ala so trigo, qalaq nachica cam loga't ana 'alhua. Qaq som daqataxaatacpi, qalaq nachina na namaxashicpi piguem l'ecpi.

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Mateo 24:42

Qaq qami' ÿataqta qanloiteec qome, cha'ayi sa qauaÿajñi ca laloqo' da ñi'iguelaq na qadataxala'ai.

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.

Lucas 21:34

Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

Tito 1:8

Chaqdata da nloshiguem, sa ishit da sa ilo'oguet ca lÿa da namaxasoxoic, qataq nqopita da i'ot ca ÿaÿamaqchiguiñi. Nloteec, no'on da lataxac, qui'itta, ilotegue da nachaalataxac.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Tito 2:6

Nachi 'en'am 'au'añaqchit na nsoxotpi, yaqto' ishit da nloteec.

Tito 2:2

Qonapega da ÿi'axaiquipi da ÿataqta ilotegue da lliquiaxac, qataq no'on da n'aqtaguec, nloteec, qataq no'oita da lpi'iÿaxac, qataq da lsoxoyic, qataq da lhualaxavic.

1 Timoteo 2:15

Qalaxayi aca 'alo ishit da qanca'alaxateec da ÿataqta huelec da ntela'a da lco'oxoc, qataq quetot da lpi'iÿaxac qataq da lsoxoyic, qataq ÿataqta iqui'itaxatta da nachaalataxac, qataq ntel-la't.

Apocalipsis 20:2

Qaq se'eso namaxashic, somayi ÿaconeu'a so 'ico' da'ail'oc som l'atchiguiñi n'adaxanaq mayi nachiso so shiÿaxaua lma'na, l'enaxat Satanás, nachi icoñidai' mil vi'iyi.

Tito 2:4

yaqto' na 'alpi mayi saxanaxa da ÿi'axaina'pi ishit da ÿauotec ca lhua qataq na llalaqpi,

1 Timoteo 3:11

Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

1 Timoteo 2:9

Nataq'en ñishitaique da na 'alpi ÿataqta ÿaÿamaxatta da n'otaxac, qataq ÿaÿaten da ntel-la't, sa ishit da ñi'oxonnaxai. Yaqto' 'ique' n'otaxat da ÿaÿamaqchiguiñi 'onataxac. Sa ishit da nachida da yi'oqchigui da huo'otaq i'ot na laue, huo'otaq ca 'otaxat chigaqaigui na oro huo'otaq perlas, huo'otaq ÿauo'o aca lapoto da saqaÿoqteu'a naq'en.

Mateo 4:1

Qaq co'ollaq mashi ime de'eda, nachi so Espíritu Santo ÿauega so Jesús ca tojlec 'alhua, da yaqto' so shiÿaxaua lma'na ÿi'iguen somayi.

1 Timoteo 3:2

Ÿoqo'oyi ca lataxala' na 'amqajnataxanaxaicpi sa ishit da huo'otaq sa ÿaÿamaxañi da n'aqtaguec. Chaqdata da 'oonole naq'en aca lhua, qataq ÿataqta ilotegue da lliquiaxac, nloteec, qataq qaica ca taÿapegueu'a. Qataq ÿataqta nloshiguem, sa ishit da sa ilo'oguet da lÿa da namaxasoxoic. Qataq ÿaÿaten da dapaxaguenataxan.

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Mateo 4:11

Nachi so shiÿaxaua lma'na, somayi ca'ai so Jesús, nachi anac so namaxashicpi piguem l'ecpi da qaitauan somayi.

Marcos 4:15

Qaq huo'o na shiÿaxauapi mayi 'eeta'am aso nanguishi mayi tajlec so nqa'aic. Namayipi n'axaÿaxaatega da n'aqtac. Qalaxayi da qaÿata'ague da hua'axaÿa, nachi anac so Satanás, nachi deuotaxanec na n'aqtacpi mayi qoÿanoigui añi lquiyaqte.

2 Corintios 2:11

yaqto' so Satanás sa ishit da huo'o ca lligueuo da shinaqta, cha'ayi qomi' mashi saÿajnaqte' naua n'onataxaco.

Apocalipsis 12:10

Nachi sa'axaÿa so n'aqtac ÿataqta alam, chimqot na piguem, 'eeta': –Mashi nvi' da nca'alaxa, qataq da n'añaxac, qataq da l'onataxanaxac da ilo'ogue 'enauacna ñi qadta'a Dios, qataq da lamaxasoxonaxac som namaq nta'a nca'alaxaqui. Cha'ayi mashi qaÿamaqhuec som ÿasaqtapeguelec na lasouaxashit na qadqaÿañicpi som na'axa'tesa'chi qataq pesa'chi da ÿi'iguelaqtau'a ca netaña ñi qadta'a Dios.