1 Pedro 5:4 - Nuevo Testamento Toba Sur

⁴ yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

Nuevo Testamento Toba Sombrero Negro

⁴ qaedi qom novitequena joñe'me jo'ne p'ajaye 'me 'nouatoqo't ena'uaque joga'me p'etaqadaiquipi, qama'le da'me ami male auacoñiyeguet jaga'me lomataĝanaqate jo'ne nach'e eta't 'uo da'me 'lonaĝa, nach'e eta't ja pal.

La'aqtaqa Ñim Lo'onatac 'Enauacna 2013

⁴ Yaqto' qom ñe'eguelaq So Cristo maye Lataxala' nam ilotague' na 'amqaanataxanaxaicpi, nache qami' qauacoñiiguet ca qaica ca 'ena'am da llo'oxoyec qansheetenaguiiqui maye qaica ca loga't.

1 Pedro 5:4 Referans Kwoze

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

1 Corintios 9:25

'Enauac na naÿamaxattac da tau'a ca qomitaxac, ÿataqta ndenguet 'enauac nam ishit da n'aqchit. Namayipi 'eetec de'eda, cha'ayi nshitaique da nauec aca ado'o mayi qo'ipaq laue acam saqaÿaloq da daqaqa. Qalaxayi qomi' sauoqtaique da ñauegaq acam sa ishit da huo'o ca loga't.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

1 Pedro 1:4

qataq i'ot da qami' ishit da qauacoñiiguet naq'en cam ÿachaxanapec ñi Dios mayi hueta'ague da piguem, cam sa ishit da qailaxachigui qataq sa ishit da qaishipaxanaqchit qataq sa ishit da daqaqtañi da 'eeta'am aca huoue lauoxo.

Apocalipsis 3:11

Qaq aÿim saqaÿaloq da ñanac. Qaq ÿoqo'oyi 'auaÿamaxattec qome ca 'am hueto'ot, yaqto' sa ishit da huo'o ca ÿacona ca 'anshiitenaxat.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

1 Pedro 2:25

Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.

1 Pedro 5:2

Da ÿaqataxac 'eeta': Ÿataqta qauloÿigue qome na 'amqajnataxanaxaicpi mayi qami' ipataxalguete ñi Dios da qauloÿigue. Qau'enaxachiichigui cam ilotague' aca qagueta. Ÿataqta qanpa'ataxayiñiilec, cha'ayi nachida da 'eetapeguec ñi Dios. Sa ishit da chochi qami' qaÿamaqta'pe, qataq sa ishit da chochi qanaquichiita'a aca plata. Chaqdata da ÿataqta qanasapachiitelec da qad'onataxanaxaqui.

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

Apocalipsis 1:7

Qaq ¡ña qauloÿa, na Cristo nactaigui na l'oc! Qaq 'enauac qome da qaila'aguet, qaq ivida'a qome nam ique'emaqchit ishit da ila'a namayi. Qaq 'enauac qome na ÿotta'a't shiÿaxauapi mayi huetalec ana 'alhua ÿataqta noÿiitagui qome qaila'aguet. Aja', nachi 'eetec.

Juan 10:11

Aÿim mayi nachaÿim no'on qagueta l'o. Ca no'on qagueta l'o, camayi ÿaalec da nachaalataxac ana qaguetapi.