1 Pedro 5:1 - Nuevo Testamento Toba Sur

¹ Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

Nuevo Testamento Toba Sombrero Negro

¹ Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

La'aqtaqa Ñim Lo'onatac 'Enauacna 2013

¹ Sauotaique da sami' da iqataxac na lataxala'pi na 'amqaanataxanaxaicpi. Cha'aye aỹem nataqa'en aỹem nataxala' shena'am namayepi qataq sauaachigui da 'eetec da nque'eenaguec So Cristo. Nataqa'en qom ñe'eguelaq So Cristo da ỹachaxan dam qaica ca 'ena'am llo'oxoyec, nache aỹem ñeuanaua'a da llo'oxoyec Somaye. Qaq da iqataxac 'eeta':

1 Pedro 5:1 Referans Kwoze

Lucas 24:48

Qaq nachi qami' qome mayi qau'axachiiuec 'enauac de'eda qadauanaqchiqui.

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

2 Juan 1:1

Aÿim mayi aÿim qadquedoxonqui, samaxa ana ÿide aca ÿaqaÿa mayi lca'aguishi ñi Dios qataq cam llalaqpi mayi ÿataqta ÿauotaxatpi. Qaq saqaÿimta da sauotec camayipi, cha'ayi nataq'en 'enauac nam ÿauattoota dam n'aqtac mayi ÿataqta 'eesa.

1 Pedro 5:4

yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

1 Pedro 1:7

Cha'ayi dam qadpi'iÿaxaqui qami' 'eeta'am ca oro da iuen da qaÿi'iguenec ca nodec, da yaqto' qaÿaÿaten da ÿoqta no'on. Qaq ca npi'iÿaxac mayi nala'aguet da ñi'iguenataguec, nachi ÿataqta napacalec da lyac ca oro mayi taÿa'a da imeuo. Qaq ÿoqo'oyi qami' de'eda qadpi'iÿaxaqui da huo'otaq nachi 'eetec de'eda da qaÿi'iguen, nachi ÿataqta qaÿaÿamaxadeeta, qataq huo'o da lli'oxoyic qataq ñi'oxonnataguec qom ivita da nachaxan ca Jesucristo.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

Hechos 11:30

Qaq 'eda da qoÿiitec. Nachi qaÿamaq aso nachitaqtaxanaqte da qaÿamaxa so nataxala'pi mayi netaña yi Judea, idoi' qanqoÿin so Bernabé qataq so Saulo.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

Filemón 1:9

qalaxayi aÿim sepacapegue' da 'am ñachoxodeetot, souaxat da nsoxoyic. Aÿim Pablo nagui mashi aÿim ÿi'axaiqui qataq aÿim qaicoñittai', souaxat da sasoilec so Cristo Jesús,

Tito 1:5

Se'eso na'a'q co'ollaq 'am ñi'onaxataña yi 'alhuolec Creta, cha'ayi ñishitaique da 'auaÿamaxajñi na saxana sematpi, qataq da 'edeuo na lataxala'pi na 'amqajnataxanaxaicpi mayi netaña na pueblopi. Qaq 'eda da 'am sepataxalec da 'au'axat:

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

1 Timoteo 5:19

Sa ishit da 'auqocha'a ca chochi npa'aguenataguec ca lataxala' na 'amqajnataxanaxaicpi, chaqdata da huo'otaq dos, huo'otaq tres, caua da'aqtaxa'n.

1 Timoteo 5:1

Sa ishit da 'audolec ca ntaxaÿaxac sa nsatta ca nquedoxonec. Chaqdata da 'auchittot da qonapega, 'au'enaxatchigui ca yi'oqchigui 'adta'a. Qataq da qonapega ca nsoq, 'au'enaxatchigui ca maichi 'adqaÿa.

Filipenses 1:19

cha'ayi aÿim saÿaten da saqca ca da da ñachaalataxac, cha'ayi qami' aÿim qanqouagaxauñiitalec, qataq da ltaunaxanaxac so Espíritu Santo mayi netanguit co'ollaxa so Jesucristo.

2 Corintios 5:1

Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

Hechos 21:18

Qaq so lÿa na'a'q nachi so Pablo nataq'en qomi' ñoqo'onaxau'a so Santiago. Qaq somayi nachi hueta'aguet 'enauac so laÿipi nataxala'pi.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Hechos 20:17

Qaq so Pablo co'ollaq hueta'a yi Mileto, nachi damaxasoxoneu'a na lataxala'pi na 'amqajnataxanaxaicpi mayi netaña yi Éfeso.

Hechos 15:6

Nachi soua Jesús lamaxa'shi qataq soua lÿa't nataxala'te ÿauo'oi so ltaxaÿaxa'c, da yaqto' qailaique ca lataxac de'eda.

Hechos 15:4

Nachi so Pablo qataq so Bernabé co'ollaq ivildeu'a yi Jerusalén, nachi na 'amqajnataxanaxaicpi qataq soua Jesús lamaxa'shi, qataq soua nataxala'te ÿataqta ÿoqochi'igueta soomayi. Nachi soomayi i'axattrac 'enauac nam i'oteque ñi Dios soomayi.

Hechos 2:32

Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui.

Hechos 1:22

chigoqchiguiña co'ollaq chita'ague da nachilaxan so Juan somayi qataq ivitta'a co'ollaq somayi taigue da piguem. Qaq ÿoqo'oyi naamayi no'on da huo'o ca qalca'au'a da qomi' qaÿalecnoiguilo, yaqto' nataq'en i'axat da somayi mashi qaltaq qanca'alaxateec.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

2 Corintios 5:8

Qaq ÿataqta huo'o de'eda qanaquitaxac. Qaq ÿoqo'oyi huo'o da qadyaxa da saxanaxauec da ñachaataqtaigui de'eda qad'oquiaxac, nachi qolaq da yaqto' souaqta'aguet so qadataxala'.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

3 Juan 1:1

Aÿim mayi aÿim nquedoxonec, 'am samaxa ana ÿide, 'am ñauochaxaua ÿaqaÿa Gayo, cha'ayi ÿataqta 'eesa da 'am ÿauotaxat.