1 Pedro 4:5 - Nuevo Testamento Toba Sur

⁵ Qalaxayi namayipi taÿa'a da i'axatem 'enauac nam i'ottacpi ñim Dios mayi mashi naÿamaxattai' da nmit nam lasouaxashitpi na shiÿaxauapi mayi nca'altauecpi qataq nam mashi saqcapi.

Nuevo Testamento Toba Sombrero Negro

⁵ Qalaĝaja gaa'me male taida'a da'me 'yaĝadetem yema joga'me 'yetetedac joñe'me Jesucristo, nach'eñe jo'ne joote niyamaĝateta't qaedi naloqote'n joga'me jiyaĝadipi jo'ne nec'aletedaye choqodia'me joote yele'u.

La'aqtaqa Ñim Lo'onatac 'Enauacna 2013

⁵ ¡Qalaxaye namayepi mashe saqaỹaloq da ỹa'axatem 'enauac nam ỹo'ottacpi Ñim Lo'onatac 'Enauacna, Ñim nmitna maye mashe naỹamaxattai' da nmit na shiỹaxauapi maye nca'altauecpi qataq nam mashe ileupi!

1 Pedro 4:5 Referans Kwoze

Santiago 5:9

Qami' ÿaqaÿa't, saqco' qome ca quetapeguelec ca lÿa, yaqto' sa ishit da qaÿauo'o ca qadasouaxashichi. Cha'ayi ñi Dios mayi nmit na nasouaxashitpi, mashi sa qaÿapeque da nvi'.

Hechos 10:42

Nachi somayi qomi' ÿamaxalguete da sa'aqtaxanaxam 'enauac na shiÿaxauapi, da sa'axataq da ñi Dios ÿanagui somayi da nachiso so nmit qome na lasouaxashitpi nam ña nca'altauecpi qataq nam mashi ileu.

2 Timoteo 4:1

Qaq de'eda ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo mayi anac qome da nachaxan da nta'a, qataq nmit ñi 'oonolec na shiÿaxauapi mayi ña nca'altauec qataq na mashi ileu. 'Am shinapega

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Mateo 12:36

Qaq aÿim qami' shinapegalo da que'eca na'a'q qom qanmit 'enauacna, nachi 'enauac qome na shiÿaxauapi maichi iuennachigui nam l'aqtacpi mayi qaica ca naigui mayi nasaxauec co'ollaxa.

Lucas 16:2

Nachi se'eso n'aco' iÿaxaneuga somayi, nachi 'enapega, 'eeta': “¿Chaq huá'ague ca 'eetec da aÿim qan'axateu'a, souaxat 'am? Ña 'analoqna't qome da 'ad'onataxanaxac. Ime, qaq aÿim 'andou'a. Cha'ayi sa ishit qome da queta da 'am 'aulotague' yi ima'.”

Romanos 14:9

Cha'ayi so Cristo ileu qataq ÿi'iguelaxalec da nca'aleec, da yaqto' somayi nachiso so lataxala' nam saqcapi qataq nam ña nca'altauecpi.