1 Pedro 4:4 - Nuevo Testamento Toba Sur

⁴ Qaq namayipi ÿataqta nhualeguet da qami' sa ishit da qaualliquiitau'a nam chochaq tateec qauem mayi i'ottac. Qaq ÿoqo'oyi namayipi sa qami' iyacna'pe da qami' detaxaÿalo.

Nuevo Testamento Toba Sombrero Negro

⁴ Qalaĝaja nayi da'me male ja aualequechiñe da'me napacalo'te ja 'noe'n q'ae'n da'me nejiyaĝauayaĝa'j jogaa'me ja p'etaqadayaqa; qo'che' jogaa'me male loualeteguet qama'le ami ye'ue'tape.

La'aqtaqa Ñim Lo'onatac 'Enauacna 2013

⁴ Qalaxaye nagui qami' mashe saishet da qaualliquiitaigui namayepi, ỹoqo'oye namayepi saishet da qami' iyacna'ape da qami' detaqtegalo.

1 Pedro 4:4 Referans Kwoze

1 Pedro 3:16

Qataq ÿataqta qan'onaxachiila't, yaqto' da qadvilÿaxaqui ÿataqta machiguiñi, yaqto' nam sa iyacnapec da detaxaÿa da no'on qadataxaqui, souaxat da qau'amaqchiñiitac so Cristo, namayipi ishit da maichi n'aloxon souaxat naua maichi l'aqtaqa.

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

Hechos 18:6

Qalaxayi somayipi ÿataqta ncotatague' somayi qataq ishiueetac, nachi so Pablo ichigo'q soua alogo, damayi l'anaxat da jec. Nachi 'enapego' somayipi, 'eeta': –Qami' maichi qanasouaxachiila't qom ivita da qadellivi; aÿim sa ishit da qami' ÿasouaxashi'te. Qaq nagui dam saÿa'ague, aÿim saigui qome nam sa ishit da judiopi.

Judas 1:10

Qalaxayi ne'ena shiÿaxauapi ÿataqta qauema naua l'aqtaqa da detaxaÿa cam sa ishit da ÿauatton. Qaq nam lataxacpi mayi chochi ÿachigoxotchigui da lmejnaxanaxac da ÿauatton, qalaq 'eeta'am da lauattonaxanaxac ca shiguiÿac mayi qaica ca ÿaÿaten. Qaq do'onataxana, qalaxayi maichi que'emaxam.

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

2 Pedro 2:22

Qalaxayi tachigui namayipi da i'axat som naloqnaxanaxat mayi 'eeta': “Ca pioq maichi ipacta da chic ca alolaxat, qataq aca cos late'e mayi chita'ague da qaiÿotac, qalaq ipacta da ncogangui ca nshaxa.”

2 Pedro 2:12

Qalaxayi ne'ena shiÿaxauapi ÿataqta 'eeta'am na shiguiÿacpi mayi qaica ca ÿaÿajnapec. Chochi quetague' da lmejnaxanaxac, qataq ñiguiñi da yaqto' taÿa'a da qaÿaconeu'a qataq da qaÿalauat. Namayipi ÿataqta sa iyacnapec da detaxaÿa cam sa ishit da ÿaÿaten. Qalaxayi namayipi 'eeta'am qome da l-leuaxa na shiguiÿacpi,

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

Lucas 15:13

Qaq co'ollaq saxanaxa da qaÿa'aguelo soua na'axa'te, nachi som ñalec n'asa imen 'enauac som lalamaxat. Nachi aso lashiue ÿachi da nqo'ona so lÿa 'alhua, som huaña co'ollaq chochi ÿi'en aso alom, qataq taigui da qauem da lliquiaxac.

Efesios 5:18

Qataq sa ishit qome da qami' taxaiqa, cha'ayi damayi ÿaueca'a da nlaxajñi ca shiÿaxaua. Chaqdato' da ÿataqta qami' nlaqchiguilo so Espíritu Santo.

Mateo 23:25

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' ndoteec na pa'auec ana ÿomaxaqui qataq na nqui'axaqui da qauÿoitac, qalaxayi na pa'auo namayipi ÿataqta da'aichigui na qauachigoxochiÿaigui da qadcachaxaqui qataq da qadqopitaxanaqtaiqui.