1 Pedro 4:2 - Nuevo Testamento Toba Sur

² da yaqto' cam taÿa'ague da qanachaalataxaqui, qanachaachiitaigui cam 'eetapeguec ñi Dios, nachi sa ishit da qau'ochi ca 'eetapeguec da qadapachiyaxaqui.

Nuevo Testamento Toba Sombrero Negro

² qaedi male ja que'teguelo naa'me ch'e lamaico da'me nejiyaĝauayaĝac. Nach'edata da'me male yauotac da'me jo'ne chiyaqayi da'me loequenataĝanaĝac joñe'me Dios, nayi yemeda naa'me noloqo'ote.

La'aqtaqa Ñim Lo'onatac 'Enauacna 2013

² Qaq damaye ỹachaxan da qaỹa'axañiiuec da qoquiitegueto naua qauema qarqopitaxanaqtaicolli', huaña nache dam ñaq huo'o qanachaalataxaqui qoquiilec da qauo'oche dam ỹataqta 'eetapeguec Ñim Lo'onatac 'Enauacna.

1 Pedro 4:2 Referans Kwoze

1 Pedro 1:14

Qaq cha'ayi qami' qoñiita'am ca ñalec mayi ÿataqta laxadaic, sa ishit qome da qau'ochi nam qoñiitapeguecpi co'ollaq saxanaxa da qauauattoñi ñi Dios.

Efesios 6:6

Da qau'onataxañiitac, qalaq sa ishit da chaqdata da qami' ilotaguilo namayipi da chochi qauauoitaique da qami' ÿaÿamaxadeete'. Chaqdata da 'eeta'am da qami' l-lataqa so Cristo da ÿataqta imauec da qadquiyaqteÿaxaqui da qau'ochi 'enauac na 'eetapeguecpi ñi Dios.

Romanos 6:11

Qaq ÿoqo'oyi nataq'en da qoñiita qoquiÿa'ai qome na nasouaxashitpi, nachi 'eeta'am qanqashiñi da 'ico' mashi qami' leuaxaiqa. Cha'ayi da qanachaalataxaqui lalamaxat qanqashiñi ñi Dios, cha'ayi mashi qoviito'ot so Cristo Jesús som qadataxala'.

2 Corintios 5:15

So Cristo ileualec 'enauac na shiÿaxauapi, yaqto' cam ña nca'altauec, qalaq sa ishit da maichi lalamaxat da nachaalataxac. Chaqdata da lalamaxat som ileualec qataq nca'aleeguesop qanqoÿin.

Efesios 2:3

Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

Romanos 6:2

¡'A'i, sa ishit! Cha'ayi qomi' mashi soqolqa'ai da ñi'itaxaloxo, qaq 'eeta'am da mashi 'ico' qomi' leuaxaiqa. Qaq ÿoqo'oyi ¿táloxochiyictoxo' da ña soqolaqtalec da so'otaqtac damayi?

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

Romanos 14:7

Cha'ayi sa ishit da huo'o ca 'oonolec da shinaqta da maichi lalamaxat da nachaalataxac, qataq qaica ca chochi maichi lalamaxat da l-leuaxa.

1 Pedro 2:1

Qaq ÿoqo'oyi no'on qome da qai'axañiiuec 'enauac na ÿotta'a't sa ÿaÿamaxañisat. Sa ishito' da qauatenataxañiitac, qataq sa ishit da dos naua qoquiitagueto, qataq sa ishit da qaupa'aguiñiitac ca qadÿai, qataq sa ishit da qami' n'aqtaqa l'o'.

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

Marcos 7:21

Cha'ayi añim lquiyaqte ca shiÿaxaua mayi nachañi añi chigaqaigui na qauem lhuennataxapi, da huotaique ncachitapegue' aca sa lhua, qataq da quishishaxac, nalaataxanaxac,

Marcos 3:35

Cha'ayi ca i'ot ca 'eetapeguec ñi Dios, qaq nachica ca 'eeta'am ca ÿaqaÿa, qataq aca ÿate'e.

1 Juan 2:17

Qalaxayi ana 'alhua taÿa'a da imeuo, qataq lÿauegue' 'enauac nam qauem nhuennataxacpi mayi huetalec anamayi. Qalaxayi cam i'ot cam 'eetapeguec ñi Dios, nachi camayi nachi 'eetai' da nachaalataxac.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

1 Ts 5:18

Nai'ctaxa da huo'o na qami' huelguete, qalaxayi nachi 'en'am qai'añiitacot da qan'achiquiaxaqui ñi Dios. Cha'ayi nachida da 'eetapeguec ñi Dios da qoñiita, cha'ayi mashi qau'amaqchiñi so Cristo Jesús.

Colosenses 1:9

Qaq ÿoqo'oyi qomi' se'eso na'a'q can huo'o da qad'axaÿaxac, nachi qolaqtot da qami' ñoqouagaxaunaqtapeguelguete, seÿaxanaqtacot ñi Dios da ña qami' ÿauattonaxanaxanque cam 'eetapeguec ñimayi, qataq da qami' ÿanema na ÿotta'a't naÿajneguesat qataq da nauattonaxanaxac mayi chigoqo'ot so Espíritu.

Efesios 5:17

Qaq ÿoqo'oyi sa ishit qome da qaica ca qauaÿajñiÿapec. Chaqdata da qanpogoxoiñiÿapegue' da qauaÿajñi cam 'eetapeguec so qadataxala'.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Romanos 7:4

Qaq nachi 'eetec nataq'en qami' ÿaqaÿadolqa mayi qan'ayiitau'a da l'oquiaxac so Cristo, 'eeta'am da mashi qaullivi, da yaqto' qoquiÿa'ai na nqataxacpi, da yaqto' ishit da 'ico' qaltaq qauadoñi. Nachi nagui qaq qami' lalamqa'te so Cristo som nca'alaxateeguesop naq'en ñi Dios da nleuaxa, da yaqto' so'onataxanqot ñi Dios da so'otaq ca ÿaÿamaqchiguiñi.

Juan 1:13

Qaq namayipi sa ishit da 'eeta'am da lañoxoc na llalaqpi na yi'oqchigui shiÿaxauapi. Mayi da ñiguiñi, qalaq chigoqchigui da lqopitaxanaqtaic, huo'otaq da lhuennataxac namayipi, cha'ayi namayipi ÿataqta llalaqpi ñi Dios.

Mateo 21:31

Qaq ¿chaq négue't se'esoua dos ñalqa cam i'ot da 'eetapeguec so lta'a? Nachi somayipi 'enapeco': –Qomyi som hua'auchiguiñi. Nachi so Jesús 'enapeco': –Ÿoqta 'eesa de'eda qami' sa'axatema da nam ÿacootapeeguet ana nshiitenaqte ca nta'a qataq anam quishiguetaxaipi, namayipi l'auaxanec da inoxoneu'a da l'onataxanaxac ñi Dios da ilo'ogue 'enauacna.

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Mateo 7:21

Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Colosenses 3:3

Cha'ayi qami' mashi qadleuaxauai so Cristo, qaq nagui da qanachaalataxaqui hueto'ot somayi da n'attau'a ñi Dios.

Mateo 20:4

Nachi 'enapega somayipi, 'eeta': “Qami' nataq'en qanqo'oñiuga qome yi ÿanaxanqa' da qauqataxañi. Aÿim ÿataqta sepagaqchiichigui qome aca lashiue ca qad'onataxanaxaqui.” Nachi somayipi jec.