1 Pedro 4:19 - Nuevo Testamento Toba Sur

¹⁹ Qaq ÿoqo'oyi ca maichi chigoqchigui ñi Dios da huo'o naq'en da nque'ejnaxac, qaq no'on da camayi quetot da i'ottac ca ÿaÿamaqchiguiñi. Chaqdata da ipa'axano'ot naq'en ñi Dios da nachaalataxac mayi maichi l'onatac, cha'ayi ñimayi ÿataqta ipacchigui ca 'enapec.

Nuevo Testamento Toba Sombrero Negro

¹⁹ Chane'eja jogaa'me jo'ne choĝodache yajouaĝat da'me yauote da'me jo'ne chiyaqayi da'me loequenataĝanaĝac joñe'me Dios, 'noota qom nach'e eta'ajalo quetedalegue da'me 'noota jo'ne 'yetetedac, qama'le yep'aĝado'ot joñe'me Dios da'me 'loyaĝac jo'ne mach'e 'lonatac, qa'a joñe'me yataqata yepaquetelegue ga'me enaac.

La'aqtaqa Ñim Lo'onatac 'Enauacna 2013

¹⁹ Qaq ỹoqo'oye nam huo'o da nque'eenaxac souaxat da maiche ỹasheeteguet Ñim Lo'onatac 'Enauacna, nache iuen da queto'ot da ỹo'ottac cam ỹaỹamaqchiguiñi qataq hua'aqta'a da Ñimaye ilotague', cha'aye Ñimaye maiche lo'onatac da nachaalataxac camaye qataq ỹataqta ipacchigui cam ỹachaxanapec.

1 Pedro 4:19 Referans Kwoze

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

1 Pedro 3:17

Cha'ayi ÿaÿamaqchiguiñi da qami' qanque'etaxañi, souaxat da qau'ochiitac ca ÿaÿamaqchiguiñi, da huo'otaq ÿaÿamaxadeeta ñi Dios. Qaq saq 'en'am da qai'ottac ca sa ÿaÿamaxañi.

1 Pedro 2:15

Cha'ayi ñi Dios nshitaique da qami' qau'ochi ca ÿaÿamaqchiguiñi, yaqto' qaica ca llic naq'en ca l'aqtac nam qaica ca ÿaÿajnapec qataq 'oopaicpi.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Hechos 7:59

Qaq co'ollaq ña qaÿasaqtalec so Esteban, nachi somayi nqouagaxaueetac, 'eeta': –'Am ÿataxala' Jesús, 'auaconguet qome ñi shicapegue' iqui'i.

Lucas 23:46

Nachi so Jesús i'alaq, 'eeta': –'Am ita'a, 'am sepataxalec nagui da maichi 'aulo'ogue na iqui'i. Qaq co'ollaq mashi nasaxauec de'eda l'aqtac, nachi ileu.

1 Pedro 3:20

Somayipi nachiso so sa ishit da ÿalaq som hua'a'u vi'iyi mayi huetaiguilo so Noé, co'ollaq ñi Dios huo'o da lhualaxavic da iuatta'a da qai'attega't aso notaxaqui, co'ollaq vichigui da 'oocholqa soua shiÿaxa'u mayi nca'aleeguesopa so 'etaxat.