1 Pedro 4:17 - Nuevo Testamento Toba Sur

¹⁷ Cha'ayi mashi ivita yi laloqo' da qai'auaxaachiguiñi da qanmit ñi 'oonolec nam llalaqpi ñi Dios. Qaq da qai'auaxaachiguiñi da shinaqta, qaq ¿chaxan 'eetec qome ca loga't nam sa ishit da ÿalaxaguet da l'aqtac ñi Dios?

Nuevo Testamento Toba Sombrero Negro

¹⁷ Nayi male yovita da'me laloqo' da'me 'uo da'me nec'atenague'j jogaa'me jo'ne mach'e lec'oqo'tepi joñe'me Dios. Qama'le naq'aeta da'me male 'uo da'me qanec'atenaguec da'me qo'mi, qama'te ¿jach'e jogamaĝa eeta da'me loiquiaqa't jogaa'me ja yoqochideta na'me 'laqataĝanaĝac joñe'me Dios?

La'aqtaqa Ñim Lo'onatac 'Enauacna 2013

¹⁷ Mashe ivita ye laloqo' da Ñim Lo'onatac 'Enauacna nmit 'enauac na shiỹaxauapi, nache ỹa'auaxaachiguiñi da nmit na maiche lalamaxatpi. Qaq da ỹa'auaxaachiyiñi da qomi' nmi't qataq ỹauo'o da qanque'eenaxac, nache ¡chaq 'eetec ca taỹa'aguet nque'eenaxac nam saishet da ỹalaxaguet Ñim Lo'onatac 'Enauacna!

1 Pedro 4:17 Referans Kwoze

2 Ts 1:8

Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

1 Pedro 2:8

Qataq nataq'en yi lÿa nanettañi l'aqtac ñi Dios 'eeta': Se'eso coma' ishit da qaiqui'aqaisop, qataq qaisallilec. Qaq namayipi qui'aqañi souaxat da sa ishit da i'amaqten de'eda n'aqtaxanaxac. Qaq ñi Dios nataq'en nachi 'en'ac naq'en namayipi.

Romanos 2:9

Qaq ÿataqta huo'o qome da nque'ejnaxac qataq da nqui'ic 'enauac nam i'ottac da qauem. Qaq i'auaxaachiguiñi qome na judiopi, qataq nataq'en nam saq judiopi.

Lucas 23:31

Cha'ayi aca dadala qo'ipaq da hua'auñi da qai'otec de'eda, qaq ¿chaq huá'aguectaxa ca qoÿiitec acam ltoxoi?

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Hebreos 2:4

Ñi Dios nataq'en ÿataqta 'itchiguiñi de'eda n'aqtaxanaxac. Ÿoqo'oyi ÿauo'oi naua l'anqa, qataq nam i'ot da n'aalaxa, qataq qalota nam i'ot nam sa qaÿauanapigui, qataq chigoqchigui naq'en so Espíritu Santo da ñimayi ÿotta'a't naq'en da 'eetec da qomi' ÿanema, qaq ipacchigui da maichi 'eetapeguec.

Hebreos 2:2

Cha'ayi dam n'aqtac mayi qoÿan co'ollaxa soua hua'a'u vi'iyi, chigoqchigui qanqoÿin na namaxashic piguem l'ecpi, damayi qaÿachaxan da ÿataqta 'eesa. Qaq ÿoqo'oyi nam huo'o ca ÿasouaxat qataq sa ÿalaq, qalaq ÿataqta 'itchiguiñi da qaÿauo'o ca nhuaxanaguec.

Gálatas 5:7

Qaq qami' ÿataqta qauaÿamaqaichiguiñi co'ollaxa. Qalaq ¿chaq négue't cam chigoqchigui da huo'o mshi qami' qai'axañiiñi da qaualaqailec dam 'eesa lataxac?

Hebreos 11:8

So Abraham nataq'en chigoqchigui da lpi'iÿaxac co'ollaq ñi Dios iÿaxana, qalaq somayi ÿataqta ÿalaq da jec, nqo'ona so 'alhua mayi ÿachaxanapecot ñi Dios da ÿanem. Nachi somayi ca'ai so lma', sa ishit da ÿaÿaten cam dataigue.

Gálatas 3:1

¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

1 Pedro 2:5

Nataq'en qami' qoñiita'am qome ca coma' mayi ÿataqta nca'altauec, qataq ÿataqta qanañañiÿot ñi Dios, da yaqto' qami' do'onataxanalo da n'oxooshiguem aca maichi l'onaxanaxaqui mayi saq cha'a, qataq da ÿauo'oi qami' ltaxaÿaxanaxanqa naq'en na shiÿaxauapi da qan'aqtaxañi' ñimayi, qataq nshitaique da qai'añiitacot aca maichi qadachitaqtaxanaqchi mayi saq cha'a, qaq acamayi ÿataqta ÿaÿamaxadeeta ñimayi, cha'ayi huo'o da qadpi'iÿaxaqui so Jesucristo.