1 Pedro 4:14 - Nuevo Testamento Toba Sur

¹⁴ Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.

Nuevo Testamento Toba Sombrero Negro

¹⁴ 'Noota qom ami made'tapolqa qom 'uo ga'me ami ye'ue'tape yajouaĝat da'me ademii'teguet joñe'me Cristo, qa'a da'me 'lonaĝa ñe'me Dios Lepaqal nach'e eta't ami uetauelo.

La'aqtaqa Ñim Lo'onatac 'Enauacna 2013

¹⁴ Da huo'otaq huo'o ca qami' isheueeta'ape souaxat da qarpi'iỹaxaqui So Cristo, qaq no'on da que'eca qansheunaguiiqui, 'eeta'am qanqa'eñi ca qana'achecỹaxaqui maye chegoqo'ot Ñim Lo'onatac 'Enauacna. Qaq de'era naigui da som ỹo'oxoraic Saqcha'a La'añaxac Ñim Lo'onatac 'Enauacna, nache 'eetai' da qami' hueta'agueta.

1 Pedro 4:14 Referans Kwoze

1 Pedro 3:14

Qaq nai'ctaxa da huo'otaq huo'o da qanque'ejnaxaqui souaxat da qui'itta qanachaalataxaqui, qalaxayi ÿataqta qami' machiyiñi. Qataq sa ishit da huo'o ca qayi'iitega, qataq saq qami' qaicolanaqchi't.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Mateo 5:11

Qataq ÿataqta qauamaichiguiñi qom qami' ishiueeta'pe na shiÿaxauapi, huo'otaq da sa ishit da qami' iyacna'pe qataq da qami' ÿasaxalguete na ÿotta'a't shipegaxanaxacpi, souaxat da aÿim qoquiitague'.

1 Pedro 3:16

Qataq ÿataqta qan'onaxachiila't, yaqto' da qadvilÿaxaqui ÿataqta machiguiñi, yaqto' nam sa iyacnapec da detaxaÿa da no'on qadataxaqui, souaxat da qau'amaqchiñiitac so Cristo, namayipi ishit da maichi n'aloxon souaxat naua maichi l'aqtaqa.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

Juan 15:21

Qaq 'enauac qome ne'ena qami' qai'oteque souaxat aÿim, cha'ayi namayipi sa ishit da ÿauatton ñim aÿim namaq.

Santiago 5:11

Cha'ayi qomi' saÿajnaqta da ÿataqta machiguiñi ca inoxonaqchitteec na nque'ejnaxaguesat. Qami' mashi qau'aqaitega da lhualaxavic so Job, qataq mashi qauaÿajñiita da 'eetec ñi Dios somayi co'ollaq ividaxateec da nque'ejnaxac. Cha'ayi ñimayi ÿataqta soxodaic qataq choxonnataxanaxaic.

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

Hebreos 11:26

Qataq 'eeta'am da ÿataqta sallaxanec naq'en da huo'otaq sa ishit da qaiyacnapec souaxat da huasoilec so Cristo, qaq sa ishit da 'eeta'am naq'en 'enauac na yi'oqchigui nsallaxa yi Egipto. Cha'ayi somayi ÿataqta ilota'a que'eca lshiitenaxanaxac ñi Dios mayi ÿami' qominchiyi somayi.

Gálatas 1:24

Nachi ÿi'oxodeetac ñi Dios, souaxat aÿim.

Juan 9:34

Nachi qoÿinapego' somayi, qoÿiita': –'Am mayi ÿataqta 'ananacteueegue' na 'adasouaxashitpi, qalaq ¿tá'ainco' yi 'anshitaique da qomi' 'auapaxague'n? Huaña, nachi qaÿamaqhuec somayi asom laponaxaqui namayipi.

Juan 9:28

Nachi somayipi ÿi'inai' somayi, nachi qoÿiitega, qoÿiita': –'Am peta'a qoquetague' se'eso shiÿaxaua; qomi', qalaxayi soqolaqtague' so Moisés.

Juan 8:48

Nachi na judiopi 'eetega somayi, 'eeta': –Qomi' ÿataqta 'eesa de'eda qad'aqtac co'ollaq shinaqtac da chochi 'am Samaria l'ec qataq huo'o ñi 'ad'ec leguemaxaic.

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

2 Pedro 2:2

Qaq ÿataqta qalota qome na quegue da qauem lataxac namayipi. Qaq souaxat namayipi nachi ÿataqta qauem da n'aqtaguec da llic da n'aqtac mayi ÿoqta 'eesa.

Hechos 18:6

Qalaxayi somayipi ÿataqta ncotatague' somayi qataq ishiueetac, nachi so Pablo ichigo'q soua alogo, damayi l'anaxat da jec. Nachi 'enapego' somayipi, 'eeta': –Qami' maichi qanasouaxachiila't qom ivita da qadellivi; aÿim sa ishit da qami' ÿasouaxashi'te. Qaq nagui dam saÿa'ague, aÿim saigui qome nam sa ishit da judiopi.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Hechos 28:22

Qaq ÿoqo'oyi qomi' sauoqtaique da 'am ñi'axaÿaxanaxa ca 'eetec ca 'adhuennataxac. Cha'ayi saÿajnaq da 'enauaque naua 'ale'u qanpa'agueetega de'eda dalaxaic n'amqajnataxanaxac.

2 Corintios 4:10

Qaq nai'ctaxa cam sataxague, qalaq 'eeta'am da sachoqtac dam nalaataguec so Jesús, yaqto' ishit da qaila'a da nachaalataxac somayi da nachattaigui da qad'oquiaxac.

2 Corintios 4:16

Qaq ÿoqo'oyi sa ishit qome da saq ñi'añaxataq. Nai'ctaxa da 'ico' taÿañicda da qad'oquiaxac, qalaxayi dam saq cha'a qanachaalataxac na'axa'tesat da nqochiitashiguem.

1 Pedro 4:16

Qalaxayi cam huo'o da nque'ejnaxac souaxat da quetague' so Cristo, qaq no'on da camayi sa ishit da ncoqtac. Chaqdata da ÿi'oxoden ñi Dios, souaxat da quetague' somayi.