1 Pedro 4:12 - Nuevo Testamento Toba Sur

¹² Qami' ÿaqaÿadolqa, sa ishit qome da qadhualliÿa'aguet nam sa nsatta qañi'iguenataguiiqui mayi qami' novitalo da 'eeta'am da huo'otaq qami' huanguilo cam ÿapacteec sa ishit da qaÿauanapigui.

Nuevo Testamento Toba Sombrero Negro

¹² Ami yaqaya'olqa, ena'te adoualiya'a ga'me anapiyenaguequi jo'ne ami novitalo, 'me ena'am ga'me dole' jo'ne ami yaviyaĝa't, da'me uotaĝa ami uañelo ga'me jo'ne ja qoyauana ca'li.

La'aqtaqa Ñim Lo'onatac 'Enauacna 2013

¹² Qami' ñauochaxau' ỹaqaỹarolqa maye qoquiitague' So Cristo, saishet da qami' ỹe'elaqche't qom qaviyeeguet na lqalaiguesat maye ỹe'eguen da qarpi'iỹaxaqui Ñim Lo'onatac 'Enauacna. Cha'aye damaye saishet da sa qaỹauanapega.

1 Pedro 4:12 Referans Kwoze

2 Timoteo 3:12

Qaq ÿataqta 'eesa da 'enauac na nshitaique da nañanot da quetague' so Cristo Jesús, nataq'en nque'etaxangui qome da ncanaguec.

1 Pedro 5:9

Qalaxayi ÿataqta qanachaachiÿa'aguet, qataq sa ishit da qai'axañiiuec da qadpi'iÿaxaqui, cha'ayi qami' qauaÿajñiitac da 'enauac na qad'amqajnataxanaxauaipi mayi neta'alo naua lÿa't 'ale'u nachi nque'etaxanaxac de'eda.

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

1 Corintios 3:13

Ca l'onatac ñi 'oonolec yi'oq qom ivita ca pa'ateec na'a'q. Cha'ayi que'eca na'a'q anac ca nodec, qaq que'eca nodec ÿavigaxat na ÿotta'a't n'onatacpi. Huaña, qanachi yi'oq ca yi'oqta no'on l'onatac ñi 'oonolec.

1 Pedro 4:4

Qaq namayipi ÿataqta nhualeguet da qami' sa ishit da qaualliquiitau'a nam chochaq tateec qauem mayi i'ottac. Qaq ÿoqo'oyi namayipi sa qami' iyacna'pe da qami' detaxaÿalo.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.