1 Pedro 4:11 - Nuevo Testamento Toba Sur

¹¹ Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

Nuevo Testamento Toba Sombrero Negro

¹¹ Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

La'aqtaqa Ñim Lo'onatac 'Enauacna 2013

¹¹ Da huo'o ca qoỹanem da ỹaỹaten da ltaxaỹaxac, qaq no'on da ỹa'axat da la'aqtac Ñim Lo'onatac 'Enauacna. Qataq da huo'o ca ỹaỹaten da itauan na laỹepi, nache iuen da ỹo'ot, ỹachegoxotchigui da la'añaxac maye chegoqo'ot Ñim Lo'onatac 'Enauacna maye ỹami' da ỹo'ot damaye. Qaq huaña, nache 'enauac nam qauo'oche, chegoqchigui da na laỹepi shiỹaxauapi ỹo'oxoren Ñim Lo'onatac 'Enauacna, chegoqchigui So Jesucristo som chochaq tatec da llo'oxoyec qataq da la'añaxac. Aja', nache 'eetec.

1 Pedro 4:11 Referans Kwoze

1 Corintios 10:31

Qaq da huo'otaq qauqui'ii, huo'otaq qanÿomi, huo'otaq huo'o ca lÿa qau'ochi, qaq no'on da qai'añiitoigui qanqashiñi da 'enauac qaÿi'oxoden ñi Dios.

Efesios 6:10

Qaq nagui qami' ÿaqaÿa't, ÿataqta qan'añaxachi qome, cha'ayi qan'ayiitau'a so Cristo da qauachigoqoichigui da l'añaxac somayi mayi qaica ca ÿaqalanapec.

1 Pedro 4:10

Qataq ñi 'oonolec ÿataqta iloteguet ca nshitaxat mayi ÿanem ñi Dios da do'onataxaalec na laÿipi, qoñiita'am ca ÿataqta ÿaÿaten da ilo'ogue na ÿotta'a't lachitaqtaxanaxatpi ñi Dios.

Hechos 7:38

Qataq nachiso so Moisés som huetaigui so shiÿaxauapi co'ollaq huaña so tojlec 'alhua. Qataq nachiso so detaqtague' so namaxashic piguem l'ec co'ollaq huaña aso qasoxonaxa l'enaxat Sinaí, qataq hueta'aguet som hua'au qadta'alpi. Qataq nachiso so ÿaconguet co'ollaxa da n'aqtac mayi chigaqaigui da nca'alaxa, da yaqto' qomi' ÿanema.

Efesios 4:29

Qataq sa ishit da qauema naua qad'aqtaqalli'. Chaqdata da qan'onaxachi' naua qad'aqtaqalli', yaqto' ishit da nquiguishiguem, qataq huo'o da n'achiquiaxac cam qami' n'axaÿaxaategalo.

Romanos 3:2

Qomyi qalota, qataq qalota na lataxaguesat da namayipi napacalec ca lÿa. Cha'ayi da hua'auchiguiñi 'eeta': Ñi Dios ipataxalec co'ollaxa na judiopi da l'aqtac.

Santiago 1:19

Ÿoqo'oyi qami' ÿaqaÿa't, qami' ñauochaxa'u, ñi 'oonolec da qoñiita no'on da ÿataqta lhuotta da n'axaÿaxan, qalaxayi iuen da npottelec da ltaxaÿaxac, qataq saqaÿoqchiguinguit da lalemataic.

Colosenses 4:6

Naua qadtaxaÿaxacolli' ÿataqta qaÿaÿamaxadeete' qome qataq ÿataqta qanqopitalo. Ñi 'oonolec da detaxaÿapegue' ca lÿa, qalaq ÿaÿaten da ÿaÿamaxatchiguiñi ca lataxac.

1 Corintios 12:4

Saq 'en'a't na nshitaxanaxatpi mayi qoÿanem na shiÿaxauapi, qalaxayi 'oonolec so Espíritu mayi chigoqo'ot.

1 Pedro 2:5

Nataq'en qami' qoñiita'am qome ca coma' mayi ÿataqta nca'altauec, qataq ÿataqta qanañañiÿot ñi Dios, da yaqto' qami' do'onataxanalo da n'oxooshiguem aca maichi l'onaxanaxaqui mayi saq cha'a, qataq da ÿauo'oi qami' ltaxaÿaxanaxanqa naq'en na shiÿaxauapi da qan'aqtaxañi' ñimayi, qataq nshitaique da qai'añiitacot aca maichi qadachitaqtaxanaqchi mayi saq cha'a, qaq acamayi ÿataqta ÿaÿamaxadeeta ñimayi, cha'ayi huo'o da qadpi'iÿaxaqui so Jesucristo.

Hebreos 5:12

Cha'ayi nagui da mashi qaÿoqteguelo naua vi'iyi, nachi qami' ishíttaxa da mashi qauapaxaguenataxañiitac. Qalaxayi nagui qami' ñaq 'eetalec da qaviñiitac da qami' qaÿapaxaguenque ca llic naua huesoteguelo lapaxaguenataxanaxaco ñi Dios. Cha'ayi qami' qavi'iguelaqÿa da qaica ca qad'añaxaqui, ÿoqo'oyi iuen da qami' qaiqui'axanque ca nchi', qaq sa ishit da nachica ca nallic mayi sa nsatta.

1 Timoteo 6:16

Ñimayi mayi chochi tateec, qataq huetaigui na n'edaxa mayi sa ishit da qanhuogou'a. Qaica ca shiÿaxaua ishit da ila'a. Ñimayi mayi hueto'ot da lli'oxoyic qataq da l'añaxac chochi tateec. Aja', nachi 'eetec de'eda.

1 Timoteo 1:17

Ÿoqo'oyi nagui sanaxam ñi qadta'a Dios da qayi'oxonnataxanaxa qataq da qadyacnataxanaxac mayi chochi tateec. Ñimayi qaica ca loga't, qataq sa ishit da qaila'a. Ñim Dios mayi qaica ca lÿa 'en'am, qataq ÿajnaxanaxaic. Aja', nachi 'eetec de'eda.

1 Corintios 3:10

Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

1 Pedro 5:11

Qaq ñimayi mayi lalamaxat da lli'oxoyic qataq da l'añaxac mayi chochaq tateec. Aja', nachi 'eetec.

Santiago 1:26

Da huo'o ca ipi'itaxaatega da ÿataqta 'amqajnataxanaxaic, qalaxayi sa ishit da icoñidai' ñi lachaxat, camayi maichi natenachittapeguela't. Qaq da l'amqajnataxanaxac ÿataqta saqca ca naigui.

Filipenses 2:11

qataq yaqto' 'enauac qai'axat da ÿoqta 'eesa da so Jesucristo nachiso so qadataxala', nachi ÿataqta qaÿi'oxoden ñi qadta'a Dios.

Efesios 5:20

Qataq nachi 'eetai' qome da qai'añiitacot da qantonaxaqui ñi qadta'a Dios souaxat 'enauac na lataxaguesat, cha'ayi qami' qoviito'ot so qadataxala' Jesucristo.

1 Corintios 6:20

cha'ayi ñi Dios co'olla qami' deshijnaxanalo, qalaq ÿataqta sa nalañi da qadashiichiÿaxaqui. Ÿoqo'oyi ÿataqta qaumachiÿo'ot ñi Dios da lli'oxonnataxanaxac da qad'oquiaxaqui qataq ñi qoquiÿapegue' qadqui'ii, cha'ayi naamayi lalamqa'te ñi Dios.

Romanos 11:36

Cha'ayi 'enauac na huetalec na chigoqo'ot ñi Dios, qaq 'enauac l'onatacpi ñimayi, qataq maichi lalamaxatpi. Qaq ÿoqo'oyi ¡nachi 'eetai' da shi'oxodenaqtac ñi Dios! Aja', nachi 'eetec.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

2 Corintios 9:13

Qataq camayipi ishit da ÿi'oxodeetac ñi Dios, cha'ayi de'eda qadtaunaxanaxaqui ichoxot da qami' ÿataqta qaualaqaiguet da no'on qad'axaÿaxac mayi i'axat da n'aqtaguec so Cristo. Nataq'en camayipi ishit da ÿi'oxodeetac, souaxat aca qadtaunaxanaqchi mayi qau'ochi da qauamaqaÿa camayipi qataq nataq'en 'enauac nam laÿipi.

Romanos 16:27

¡Qaq ñim Dios, mayi qaica ca lÿa qataq ÿajnaxanaxaic, nachi 'eetai' qome da qaÿi'oxodeetac, souaxat so Jesucristo! Aja', nachi 'eetec.

Juan 13:31

Qaq co'ollaq mashi pa'auec so Judas, nachi so Jesús 'enapeco': –Nagui qaÿachaxan da lli'oxoyic na shiÿaxaua llalec, qataq da lli'oxoyic ñi Dios qaÿachaxan da chigoqchigui qanqoÿin namayi.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

Efesios 1:19

qataq yaqto' qauaÿajñi dam ÿataqta lta'adaic qataq qaica ca loga't l'añaxac mayi do'onataxaatapoigui da shinaqta mayi sa'amqajnataxanaq. Qaq de'eda qaica ca 'en'am l'añaxac, nachida da ÿachaxan ñi Dios

1 Ts 2:4

Chaqdata da ñi Dios qomi' ÿi'igue'n. Qaq co'olla qomi' ÿaÿamaxadeete' nachi qomi' ipataxalguete da sa'axataq da l'aqtac mayi chigaqaigui da nca'alaxa. Qa nachida da huo'o mshi sa'aqtaxanaqtac. Sa ishit da ñimitaqtaique da chochi qomi' ÿaÿamaxadeeta'pe naua qadquiyaqte.

Tito 2:1

Qaq 'am 'au'axat qome da 'enapec da no'oita napaxaguenataxanaxac.

Tito 2:15

Qaq 'eda qome da 'auapaxaguenataxanec. Ÿataqta 'au'añaqtaxan, qataq 'anloqteneec ca shiÿaxaua. Ÿataqta sa 'aldetalec da 'au'axat de'eda, yaqto' sa ishit da 'am qanamattaña.

Hebreos 13:7

Qataq qauennachiÿa'a qome som qadataxala'aipi mayi qami' i'axatema co'ollaxa da l'aqtac ñi Dios; qauennachiÿa'a dam 'eetec da naigui da nachaalataxac, nachi ÿataqta qau'enaxachiichigui da 'eetec da lpi'iÿaxac.

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

1 Pedro 4:16

Qalaxayi cam huo'o da nque'ejnaxac souaxat da quetague' so Cristo, qaq no'on da camayi sa ishit da ncoqtac. Chaqdata da ÿi'oxoden ñi Dios, souaxat da quetague' somayi.