1 Pedro 4:1 - Nuevo Testamento Toba Sur

¹ Qaq ÿoqo'oyi de'eda 'eetec da so Cristo huo'o da nque'ejnaxac da l'oquiaxac, qami' nataq'en sa ishit da huo'o ca qai'iquiitega da qanque'etaxañi. Cha'ayi cam huo'o da nque'ejnaxac da l'oquiaxac, camayi ca'ai da ñi'itaxaloxo,

Nuevo Testamento Toba Sombrero Negro

¹ Chane'eja joñe'me Cristo 'uo ca'li da'me lachoĝodec qoyen da'me nejiyaĝauayaĝac, qama'le da'me ami 'noota qom nach'e ena'am oqui'tegue da'me jo'ne ami qoyamaĝalo'te. Qa'a joga'me jo'ne neualaĝae'ye' da'me qoyen lachoĝodec da'me nejiyaĝauayaĝac, nach'ega male ja en 'te lajo'vi naa'me loeco,

La'aqtaqa Ñim Lo'onatac 'Enauacna 2013

¹ Iuen da qami' lhuotte' da qanqui'ichiñi, qoñiita'am da 'eetec So Cristo da huo'o da nque'eenaxac co'ollaq hueta'a ana 'alhua. Cha'aye da qami' qanqui'ichiñi da qoñiita'am Somaye, nache saishet da qoquiito'ot da qauo'ocheetac na qarasouaxashechi.

1 Pedro 4:1 Referans Kwoze

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Romanos 6:11

Qaq ÿoqo'oyi nataq'en da qoñiita qoquiÿa'ai qome na nasouaxashitpi, nachi 'eeta'am qanqashiñi da 'ico' mashi qami' leuaxaiqa. Cha'ayi da qanachaalataxaqui lalamaxat qanqashiñi ñi Dios, cha'ayi mashi qoviito'ot so Cristo Jesús som qadataxala'.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Romanos 6:7

Cha'ayi ca shiÿaxaua da mashi ileu, nachi camayi huesoueguesop dam ñi'itaxaloxo.

Efesios 6:13

Qaq ÿoqo'oyi qai'añiiñi qome 'enauac na npaqtaxanaxatpi mayi ÿan ñi Dios, yaqto' ishit da qanachaachiÿa'agueta naua na'axa'te mayi qauemaiqa. Qaq da ime, nachi ÿataqta qanaÿamaxachiitai'.

Filipenses 2:5

Qataq qoñiita'am qome da lataxac da lhuennataxac so Cristo Jesús.

Romanos 6:2

¡'A'i, sa ishit! Cha'ayi qomi' mashi soqolqa'ai da ñi'itaxaloxo, qaq 'eeta'am da mashi 'ico' qomi' leuaxaiqa. Qaq ÿoqo'oyi ¿táloxochiyictoxo' da ña soqolaqtalec da so'otaqtac damayi?

Hebreos 12:3

Qaq ÿoqo'oyi qami' qauennachiÿa'a da 'eetec da nque'ejnaxac so Jesús co'ollaq n'añaxateguet da lachoxonnataxanaxac na shiÿaxauapi 'itaxaloxoicpi, yaqto' da qan'añaxataxaqui nachi 'eetai' sa ishit da nlautapiguiñi.

Hebreos 4:10

Cha'ayi ca inoxoneu'a da nmataxaua ñi Dios, camayi nmateeguesop 'enauac na l'onatacpi, 'eeta'am da 'eetec da nmateeguesop 'enauac na l'onatacpi ñi Dios.

1 Pedro 2:21

Cha'ayi nachida da huo'o mshi qami' iÿaxanalo ñi Dios. Cha'ayi so Cristo huo'o da nque'ejnaxac souaxat da qoñiita, da yaqto' qomi' ishit da qauloilec somayi, qataq qoquiitelec da lliquiaxac.

Marcos 3:3

Nachi so Jesús 'enapego' se'eso shiÿaxaua mayi daqaqta na lhuaq, 'eeta': –Ña qoñishiguem, 'anachajñigui na laiñi.