1 Pedro 3:9 - Nuevo Testamento Toba Sur

⁹ Qataq sa ishit da qavi'iguelaxachiÿa'aguet ca sa ÿaÿamaxañi, qataq ca qanshiunaguiiqui. Chaqdata da qai'añiim ca no'on ca shiÿaxaua, cha'ayi ñi Dios qami' iÿaxanalo, da yaqto' qauacoñiiguet da lqouagaxanaqtaic.

Nuevo Testamento Toba Sombrero Negro

⁹ Ena'te a'viyelaĝachiyeguet ga'me ja no'en joga'me ja no'en jo'ne ami qo'yeteque, uotaĝa ga'me anejouenaguequi, dite da'me a'viyelaĝachiyeguet da'me adichoĝodenataĝanaĝaqui, qa'a joñe'me Dios ami yiyaĝanalo joca'li qaedi auacoñiyeguet da'me mach'e lichoĝodenataĝanaĝac.

La'aqtaqa Ñim Lo'onatac 'Enauacna 2013

⁹ Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

1 Pedro 3:9 Referans Kwoze

Romanos 12:17

Qataq sa ishit da huo'o ca qavi'iguelaxachiÿa'aguet ca sa ÿaÿamaxañi. Chaqdata da qanpogoxoiñiÿapegue' ca no'on, yaqto' 'enauac qami' qaÿaÿamaxadeete'.

Romanos 12:14

Qataq ÿataqta qauchoxoyiñi cam saq qami' iyacna'pe. Qataq qauÿaxañiÿot ñi Dios, da yaqto' ÿanem ca no'on lliquiaxac namayipi, qaq sa ishit da nachica ca sa ÿaÿamaxañi.

1 Ts 5:15

Ÿataqta qanchilliÿa'a't, saqca ca ishiitena'aguet ca sa ÿaÿamaxañi da i'otec ca lÿa. Chaqdato' da qami' qanpogoxoiñiÿapegue' da qau'ochiic ca ÿaÿamaqchiguiñi ñi 'oonolec da qoñiita qataq 'enauac na laÿipi shiÿaxauapi.

Mateo 5:44

Qalaxayi qami' shinapegalo da ÿataqta qauauochiic ca qami' ipa'agueeta'pe, qataq qauasaqailec ca no'on ca qami' ishiueeta'pe, qataq qau'ochiic ca ÿaÿamaqchiguiñi cam qami' nquiÿategalo, qataq qanatamñiitalec cam qami' ishiueeta'pe, qataq cam qami' sa iyacna'pe.

Efesios 4:32

Chaqdato' da qami' soxodaiqa, qataq choxonnataxanaxaiqa, ñi 'oonolec ÿataqta ichoxoden ca lÿa da huo'o ca ÿasouaxat, yaqto' ishit da qoñiita'am ñi Dios da ÿachigoxotchigui so Cristo da qami' ichoxode'n.

Mateo 5:39

Qalaxayi aÿim qami' shinapegalo da sa ishit da qau'enaxachiÿa'aguet cam huo'o ca qami' i'oteque. Chaqdata da huo'otaq huo'o ca iuaxangui ana 'adamelque, qalaq 'ai'anem ana lÿa.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Hebreos 6:14

Nachi 'enapeco': “Ÿataqta lta'adaic qome da ÿoqouagaxanaqtaic 'am sanem, qataq ÿataqta qalota qome ca 'ai'alaqpi 'am sanem.”

Lucas 18:18

Nachi anac som 'oonolec nam nataxala'pi. Nachi inat so Jesús, 'eeta': –'Am soxodaic mayi 'auapaxaguenataxaatac, ¿chaq huá'ague ca shiitec, da yaqto' aÿim taÿot ca nca'alaxa mayi chochaq tateec?

Lucas 10:25

Nachi nachajñi som dapaxaguenataxaatapeguec na nqataxacpi da nqo'oneu'a so Jesús da detaxaÿapegue' da chochi ÿi'iguen. Nachi inat, 'eeta': –'Am mayi 'auapaxaguenataxaatac, ¿chaq huá'ague ca shiitec da yaqto' ishit da senoxoneu'a cam nca'alaxa mayi chochi tateec?

Mateo 19:29

Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

Romanos 8:30

Qaq nam lca'aguishicpi co'ollaxa ñi Dios, nachi nataq'en iÿaxana. Qaq nam lÿaxanataguishicpi ñimayi nataq'en ÿanagui da ÿataqta ÿaÿamaxadeeta qataq nhuanau'a naq'en da lli'oxoyic.

Marcos 10:17

Nachi so Jesús qaltaq jec, nachi anac so shiÿaxaua nqalgoqta'ague. Nachi i'adoto naua l-llicte, nachi inattac somayi, 'eeta': –'Am soxodaic mayi 'auapaxaguenataxaatac, ¿huá'ago' ca shiitec, da yaqto' senoxoneu'a da nca'alaxa mayi qaica ca loga't?

Gálatas 3:14

Qaq damayi nachi qoÿina'ac, yaqto' da lqouagaxanaqtaic ñi Dios mayi ÿachaxanapecot co'olloxochiyi so Abraham, damayi qoÿami' nam sa ishit da judiopi da chigoqchigui qanqoÿin so Cristo Jesús; qaq yaqto' 'enauaque qomi' ishit da chigoqchigui da qadpi'iÿaxac da saconaxaguet som Espíritu Santo mayi ÿachaxanapec co'olloxochiyi ñi Dios.

Hebreos 12:17

Qaq qami' qauaÿajñi da co'ollaq imat da imen, nachi co'ollaq ivita so na'a'q da so Esaú nshitaique da ÿaconguet da no'on lliquiaxac mayi ÿami' so lta'a, nachi somayi qaimaqa'aguet. Nai'ctaxa da ÿataqta noÿiitac, qalaxayi mashi sa ishit da nadalaxat ca 'eetec dam mashi i'ot.