1 Pedro 3:8 - Nuevo Testamento Toba Sur

⁸ Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

Nuevo Testamento Toba Sombrero Negro

⁸ Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.

La'aqtaqa Ñim Lo'onatac 'Enauacna 2013

⁸ Qaq da pa'atec, qami' iuen da qoviitaigui da 'oonolec da qarhuennataqai, qataq ñi 'oonolec ỹataqta ỹauotec ca lỹa qataq qanaỹaañeta't, yaqto' nache 'eetai' da qana'ayeeta'a't. Qataq ỹataqta qami' soxoraiqa, qataq huesota da qarataxaqui.

1 Pedro 3:8 Referans Kwoze

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Efesios 4:31

Qaq ÿoqo'oyi imauec qome da qai'axañiiuec da huo'o ca dalematatapega ca lÿa, huo'otaq da nquiÿatapega, huo'otaq da huo'o ca i'alaqtalec ca lÿa, huo'otaq da ishiueetac, qataq 'enauac nam sa ÿaÿamaxañisat.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.

Efesios 4:2

Qataq sa ishit qome da qami' n'amqajnaxaiqa. Chaqdata da qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ÿataqta ichoxoden ca lÿa da huo'o ca camachaqca.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

1 Corintios 12:26

Qaq ÿoqo'oyi da huo'o ca pa'aigue ne'ena nogoxoshitpi da huo'o ca iuet, nachi 'enauac na laÿipi daÿalli. Qaq da huo'o ca pa'aigue da ÿataqta qaÿi'oxoden, nachi 'enauac na laÿipi ntootapigui'.

Mateo 18:33

Qaq 'amctaxa nataq'en ishit da 'auchoxoden so 'adÿa, qoneta'am da shiitec da 'am sechoxoden.”

1 Juan 3:14

Cha'ayi qomi' mashi soqolqa'ai da 'ico' qadeleuaxa, nachi huo'o da qadca'alaxa. Qaq damayi saÿajnaqta, cha'ayi sauotaxac na qadqaÿañicpi. Qaq cam sa ishit da ÿauotec ca lqaÿa, qaq camayi ñaq 'eetalec da leuaxaic.

1 Corintios 1:10

Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

Hechos 4:32

Qaq som qalota shiÿaxauapi mayi da'amqajnataxan, somayipi ÿataqta 'enauac da 'oonolec da nhuennataxa. Qaica da huo'otaq huo'o ca 'eetega da maichi lalamaxat cam hueto'ot, chaqdata da 'enauac qanhuaachigui.

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Hebreos 13:1

Sa ishit qome da ÿaxaneec ñi 'oonolec da qoñiita da ÿauotec ca lÿa, 'eeta'am naq'en da lauotaxanaqtaic ca maichi lqaÿa.

2 Pedro 1:7

qataq da qaÿauotec ca nÿa, qataq da qadsoxoyiqui.

1 Pedro 2:17

Qaica qome ca qadapaquiÿalec 'enauac na shiÿaxauapi. Qataq ÿataqta qauauochiic na qad'amqajnataxanaxauaipi, qataq ÿataqta qayi'iÿai ñi Dios, qataq qaualaqaiguet ca nta'a mayi ÿataqta ÿaquitchiguem.

Santiago 5:11

Cha'ayi qomi' saÿajnaqta da ÿataqta machiguiñi ca inoxonaqchitteec na nque'ejnaxaguesat. Qami' mashi qau'aqaitega da lhualaxavic so Job, qataq mashi qauaÿajñiita da 'eetec ñi Dios somayi co'ollaq ividaxateec da nque'ejnaxac. Cha'ayi ñimayi ÿataqta soxodaic qataq choxonnataxanaxaic.

Santiago 2:13

Cha'ayi ca sa ishit da ichoxoden ca lÿa, nachi qai'enaxatteguet qom qanmit. Sa ishit da qaichoxonnai'. Ÿoqo'oyi ca huo'o da lchoxonnataxanaxa, ÿataqta saqca ca da qom qanmitna.

Filipenses 3:16

Qaq de'eda shinapec no'on da nachida qome qadhuennataxa, qataq ÿataqta nateeteguet da qadataxac dam mashi sogote da sevidaq.

Romanos 15:5

Qaq ñim Dios mayi ÿan da nhualaxavic qataq da n'añaxac itauan qome ñi 'oonolec da qoñiita, da ÿataqta 'oonolec ca qadhuennataxaqui mayi chigoqo'ot so Cristo Jesús,

Hechos 28:7

Qaq se'eso qanayiuta'a nachi sa qaÿapeque so n'alhua som lataxala' na lma' se'eso 'alhuolec, somayi l'enaxat da Publio. Nachi somayi qomi' ÿacongueta, nachi ÿataqta qomi' huetapegueto se'esoua tres na'axa'te.

Hechos 27:3

Qaq so lÿa na'a'q, nachi sovidaxa yi ñigaxasom l'enaxat Sidón. Qaq yimayi nachi huaña da so Julio da ÿataqta ÿaÿamaxatta so Pablo, nachi ÿanem somayi da yaqto' namaqtega na nauattonaxauapi da yaqto' qaitauan.

Hechos 2:1

Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a.

Lucas 10:33

Qaq anaco' so shiÿaxaua mayi lma' yi Samaria, nataq'en quetague' se'eso nqa'aic. Qaq co'ollaq ila'a, nachi ÿataqta huo'o da lchoxonnataxanaxa.

Efesios 4:32

Chaqdato' da qami' soxodaiqa, qataq choxonnataxanaxaiqa, ñi 'oonolec ÿataqta ichoxoden ca lÿa da huo'o ca ÿasouaxat, yaqto' ishit da qoñiita'am ñi Dios da ÿachigoxotchigui so Cristo da qami' ichoxode'n.

Filipenses 2:3

Qataq sa ishit qome da chochi huo'o ca qanaquichiitaique da huo'o ca qau'ochi, huo'otaq souaxat da qami' n'amqajnaxaiqa. Chaqdata da sa ishit da qami' ñi'oxonnaxaiqa, qataq sa ishit da qanamachiitaña ca qadÿai da qoñiÿapec sa ishit da qami' 'eeta'ama.