1 Pedro 3:7 - Nuevo Testamento Toba Sur

⁷ Qaq nachi 'eetec nataq'en qami' ÿallippi mayi mashi qauadoñi. Ñi 'oonolec ÿataqta naÿajnaxanaqchin da ilo'ogue da lhuaÿaxac, qataq sa ishit da ÿi'inai', cha'ayi ÿaÿaten da acamayi saqalligueme da l'añaxac, qalaxayi nataq'en nhuanau'a da nca'alaxa mayi chigoqchigui da lqouagaxanaqtaic ñi Dios da qami' ÿanema. Qaq 'eda qome da qoñiitec, yaqto' da qanatamnaxaqui saqca ca nqanaxat.

Nuevo Testamento Toba Sombrero Negro

⁷ Qama'le naq'aeta da'me ami le'mi jo'ne joote a'uoñi, 'noota qom auayachiñe da'me aueloyeguet joda'me adouayaĝaqui, qama'le auañema da'me netelaĝac jo'ne mach'e loĝot, yajouaĝat da'me ja ena'am da'me 'lañaĝa'j jogaa'me yauo'. Nataq'aen 'noota qom qo'nonaĝachidegue gaa'me yauo', qa'a nach'e ena'ama da'me qoyiyaĝanalo qaedi ne'uaĝada'uo da'me nec'alaĝa jo'ne chiyaqayi da'me lichoĝodenataĝanaĝac ñe'me Dios. 'Noota qom naq'aeta da'me aueñe'teque qaedi qaya'te 'uo ga'me nauanegueta jogaa'me jo'ne mach'e anetamenaĝacodi'.

La'aqtaqa Ñim Lo'onatac 'Enauacna 2013

⁷ Qaq nache 'eetec nataqa'en qami' ỹalleppi maye mashe qauaroñi, ñi 'oonolec ỹataqta naỹateete' qataq ichoxoren aca lhua, qataq qauaỹachiñiita da saishet da 'eeta'am da qara'añaxaqui acamaye. Cha'aye nataqa'en acamaye Ñim Lo'onatac 'Enauacna ỹachaxanapeguem da nca'alaxa maye chochaq tatec. Qaq qami' da nache qoñiitec de'era, nache Ñim Lo'onatac 'Enauacna hua'axaỹa da qanqouagaxaunaxaqui.

1 Pedro 3:7 Referans Kwoze

Colosenses 3:19

Qataq qami' ÿallippi mayi mashi qauadoñi, ÿataqta qauauochiic aca qadhuai. Qataq sa ishit da sa qauchiyiÿapec acamayi.

Efesios 5:33

Qalaxayi damayi nataq'en i'axat da ñi 'oonolec da qoñiita ÿataqta ÿauotec aca lhua, 'eeta'am da maichi nauojla't. Qaq aca 'alo ÿataqta huo'o naq 'enec naq'en ca lhua.

1 Corintios 7:3

Qaq ca shiÿaxaua mayi mashi huadon ÿataqta iloteguet aca lhua. Nachi 'en'am aca 'alo ÿataqta iloteguet ca lhua.

Mateo 18:19

Nataq'en qami' shinapegalo da huo'otaq huo'oi caua dos da qoñiita nagui da ñaq huetra'a ana 'alhua da huo'otaq ÿataqta qan'aqtaxaachigui ca qaiÿaxanaique da natame'n, nachi ñi ita'a mayi neta'ague da piguem, ñimayi ÿan cam qaiÿaxanaique.

1 Ts 4:4

Ca 'oonolec shiÿaxaua iuen da ÿaÿateeta da ÿauo'o aca ÿataqta lhua, qataq ntel-la't, nataq'en ÿauotec aca lhua.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Efesios 3:6

Qaq de'eda lataxac saq cha'a 'eeta': Chigoqchigui qome da n'aqtac mayi chigaqaigui da nca'alaxa da na sa ishit da judiopi ÿaconguet cam ÿachaxanapec ñi Dios da 'eeta'am qanqoÿin na judiopi. Namayipi nataq'en nhuanau'a da l'oquiaxac so Cristo, qataq nataq'en Jesús.

Tito 3:7

Ÿoqo'oyi nagui ñimayi ishit da qaltaq qomi' ÿaÿamaxadeete' souaxat da lqouagaxanaqtaic, qataq qomi' ÿanema da achaalataxac chochi tateec mayi ñaquitaqta'aguet.

Efesios 4:30

Qataq sa ishit qome da qauaquicoqchichi so Espíritu Santo mayi chigoqo'ot ñi Dios. Cha'ayi somayi nachiso so chigoqchigui da qami' qai'a'n, da yaqto' qami' lalamqa'te ñi Dios, chochi ivitta'a ca na'a'q qom ñimayi qami' ÿanema cam ÿataqta nalochiguiñi qadca'alqai.

Hebreos 1:14

Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

1 Pedro 3:1

Nachi 'eetec nataq'en qami' 'alpi mayi mashi qauadoñi. Añi 'oonole da qoñiita ÿataqta nañanguet da ÿalaxaguet ca lalamaxat lhua, yaqto' da huo'o ca 'oonolec namayipi da huo'otaq saxanaxa da i'amaqten da n'aqtac, nachi ishit da da'amqajnataxan, souaxat da ÿauaachigui da no'on 'an'onataxac. Nachi nai'ctaxa da sa ishit da 'au'aqtaxanem camayi,