1 Pedro 3:5 - Nuevo Testamento Toba Sur

⁵ Cha'ayi 'eda da 'eetec naq'en da naÿamaxataxac co'olloxochiyi so hua'au 'alpi mayi nañanot da quetague' ñi Dios. Asomayipi pi'iÿa'a ñi Dios, qataq nañanguet da ÿalaxaguet so lamoxouapi.

Nuevo Testamento Toba Sombrero Negro

⁵ Qa'a naq'aeta da'me 'netaĝa'j joca'li gaa'me yauodipi jo'ne yataqatelo'te, ca'li cha'li uo'oe dia'me jiyaĝa'u jo'ne toye's, queda'me yajouaĝat da'me p'iida'a joñe'me Dios nataq'aen da'me yoqocha'alo jogaa'me louadipi.

La'aqtaqa Ñim Lo'onatac 'Enauacna 2013

⁵ Cha'aye huo'o so 'alpi so lataxac co'ollaxa de'era, maye ỹa'amaqteetac Ñim Lo'onatac 'Enauacna, ỹoqo'oye ỹataqta ỹalaxaguet ñi lhua añi 'oonole.

1 Pedro 3:5 Referans Kwoze

1 Timoteo 5:5

Cha'ayi da huo'o aca pa'ai da huo'otaq ndoguiñi qataq qaÿalata'a't, qalaxayi mashi hueto'ot ñi Dios da naquitaxac, qataq queto'ot da nqouagaxaunaxac na na'axa'tesat qataq na pesa'chi.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

1 Timoteo 2:15

Qalaxayi aca 'alo ishit da qanca'alaxateec da ÿataqta huelec da ntela'a da lco'oxoc, qataq quetot da lpi'iÿaxac qataq da lsoxoyic, qataq ÿataqta iqui'itaxatta da nachaalataxac, qataq ntel-la't.

Hechos 9:36

Qaq se'esoua na'axa'te huo'o aso 'amqajnataxanaxai netaña yi la ciudad Jope. Asomayi naua judío l'aqtaqa l'enaxat Tabitá, qaq naua griego l'aqtaqa Dorcas (de'eda n'enaxat naigui da ñi'imshi). Asá'aso 'alo ÿataqta no'on da l'onataxanaxac, qataq itauaatac nam huo'o da lhuenaxanaxa.

Lucas 2:37

Qaq nagui asa'aso pa'ai mashi ivi' na ochenta y cuatro vi'i. Qaq ÿataqta sa ishit da ca'ai aso n'onaxanaxaqui da ÿi'oxodeetac ñi qadataxala' naua na'axa'tesa'chi qataq naua pe', da i'ottac da nqouagaxaunaxac qataq da nqouaqchittac.

Hebreos 11:11

Aso Sara nataq'en chigoqchigui da lpi'iÿaxac da yaqto' huo'o ca llalec, nai'ctaxa da mashi ÿi'axaina'. Qaq asomayi ÿaconguet da l'añaxac, da yaqto' ishit da deco'o. Qaq ishit da huo'o so llalec, cha'ayi asomayi i'amaqten ñi Dios da ishit da ipacchigui cam ÿachaxanapec.

1 Timoteo 2:10

Chaqdata da i'ot ca ÿaÿamaqchiguiñi, yaqto' 'ique' n'otaxat. Cha'ayi nachida da 'eetec aca 'alo da quetague' ñi Dios.

Hechos 1:14

Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.

Efesios 5:33

Qalaxayi damayi nataq'en i'axat da ñi 'oonolec da qoñiita ÿataqta ÿauotec aca lhua, 'eeta'am da maichi nauojla't. Qaq aca 'alo ÿataqta huo'o naq 'enec naq'en ca lhua.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,