1 Pedro 3:4 - Nuevo Testamento Toba Sur

⁴ Chaqdato' da ÿaañi ca saq cha'a 'otaxat mayi chochaq tateec da lyaquiaxac. Huosotta naq'en da lataxac qataq qaica camachicague't. 'Eda mayi ÿataqta huo'o naq 'enec naq'en ñi Dios.

Nuevo Testamento Toba Sombrero Negro

⁴ dite ga'me jo'ne p'auo, da'me uetaue na'me adai'lidi', 'me 'uo da'me 'lonaĝa jo'ne ja pal, nach'eda da'me at'oyaĝaqui 'me joĝodaic nataq'aen da'me 'uo da'me 'nemaĝac. Jenjo' jo'ne yataqatelegue, 'uo da'me lajo'viyaĝac let'adaic 'me 'yamaqaten ñe'me Dios.

1 Pedro 3:4 Referans Kwoze

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

Romanos 2:29

Cha'ayi ca ÿoqta 'eesa da judío l'ec, qalaxayi nachida dam saq cha'a lavilÿaxac. Qataq cam ÿoqta 'eesa da qaÿauo'o ca n'anaxat, qalaxayi nachañi añi lquiyaqte qai'an. Qaq de'eda sa ishit da chigoqchigui naua ñiyigui'shi nqataxaco, cha'ayi damayi chigoqchigui dam saq cha'a nvilÿaxac. Qaq cam nachi 'eetec de'eda, nachi camayi ÿataqta qaÿaÿamaxadeeta, qalaxayi sa ishit da chochi shiÿaxaua ca ÿaÿamaxadeeta, cha'ayi nachiñi ñi Dios.

Mateo 11:29

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Tito 3:2

Sa ishit da quetapeguelec ca lÿa. Chaqdata da huo'o da lhualaxavic qataq da lsoxoyic. Qataq huosotta da lataxac da huetapegue' ca camachaqca shiÿaxaua.

Mateo 23:26

Qami' fariseopi qanamaicpi, qauamataxañiiñi qome da qauÿoi na pa'auo ana qanÿomaxaquii qataq naua qadqui'axaquilli', yaqto' qui'itta nataq'en na pa'auec.

Romanos 7:22

Cha'ayi dam iquiyaqteÿaxac mayi aÿim pa'ataigui noqopita nam nqataxacpi mayi chigoqo'ot ñi Dios.

2 Corintios 4:16

Qaq ÿoqo'oyi sa ishit qome da saq ñi'añaxataq. Nai'ctaxa da 'ico' taÿañicda da qad'oquiaxac, qalaxayi dam saq cha'a qanachaalataxac na'axa'tesat da nqochiitashiguem.

1 Ts 4:11

Qanpogoxoiñiÿapegue' da saqca ca da da qoñiita. Ñi 'oonolec maichi huapegue' ca maichi lalamaxat, qataq ÿacootapegue' ca maichi l'onatac. 'Eda da saqataqtapeguelec co'olloxochiyi,

Efesios 4:2

Qataq sa ishit qome da qami' n'amqajnaxaiqa. Chaqdata da qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ÿataqta ichoxoden ca lÿa da huo'o ca camachaqca.

1 Pedro 3:15

Chaqdata da ÿi'oxoden da qadquiyaqteÿaxaqui so Cristo som qadataxala'ai. Qataq qami' lhuotte' da qau'aqtaxañiim 'enauac cam ichimaxattega da qadpi'iÿaxaqui, qalaxayi sa ishit da qami' napagaqnaxaiqa, qataq huo'o naq 'enec qanqashiñi que'eca shiÿaxaua.

1 Timoteo 2:2

Nataq'en ñishitaique da qanqouagaxaueelec na nta'alpi mayi lta'adaicpi qataq 'enauac na ltauapi, yaqto' da qanachaalataxac qaica camachaqca. Nda'a't da qadamachiguiñi, selagaqtapiguiñi, cha'ayi ÿataqta ñañanqot ñi Dios, qataq no'on da qanmejnaguec.

Lucas 11:40

¡Ÿataqta saqco' ca qauaÿajñiÿapec! ¿Qami' sa qauaÿajñiÿo' peta'a da ca i'ot na pa'auec, qaq nataq'en na pa'auo i'ot?

Santiago 1:21

Qaq ÿoqo'oyi qau'aqaÿa'a 'enauac na ishit da ishipaxanaqchit ca shiÿaxaua qataq 'enauac na sa ÿaÿamaxañisat. Chaqdata da qami' huosotte' da qauacoñiiguet da l'aqtac ñi Dios mayi mashi qoÿaalguete naua qadquiyaqchilli', cha'ayi de'eda n'aqtac ishit da qami' nca'alaxatreec.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

2 Ts 3:12

Que'eca shiÿaxaua samaxasoxonaxalec qataq saqataxa, cha'ayi qomi' lamaxa'shi so qadataxala' Jesucristo, da ÿataqta do'onataxan, saqca ca taÿapigui lauel, yaqto' ishit da nauec ca lhuenec.

Mateo 5:5

Qataq ÿataqta machiguiñi qome nam sa ishit da ñi'oxonnaxaic da lquiyaqteÿaxac, cha'ayi namayipi ÿaconguet qome cam 'alhua mayi ÿachaxanapeguem ñi Dios.

Romanos 6:6

Cha'ayi qomi' mashi saÿajnaqta da so toguishic qanachaalataxac mashi qaiuaxaneuo, lÿatchiguem so Cristo co'ollaq qaiuaxanguet so npe'enaxaqui, yaqto' da qadapachiyaxac mayi 'itaxaloxoic ishit da qanlaxajñi, yaqto' sa ishit da qomi' l-lataqa da ñi'itaxaloxo da qomi' ÿamaqta'pe da 'ico' qan'aco'.

Lucas 16:15

Nachi so Jesús 'enapeco': –Qami' mayi nachiqami' chochi qanachaxañiitega 'enauac na shiÿaxauapi da qami' no'on, qalaxayi ñi Dios ÿauatto'n naua qadquiyaqchilli'. Cha'ayi cam ÿamata'ac nam shiÿaxauapi da 'eetega 'amaqtaqaic, qaq nachica cam ÿataqta ÿaÿimec ñi Dios.

1 Pedro 1:23

Cha'ayi qami' dalaxaic da qadañoxoqui. Qaq de'eda qadañoxoqui sa ishit da chigoqchiguilo caua yi'oqchiguilo qadta'alli' mayi taÿa'alo da imedeuo, cha'ayi nachida da l'aqtac ñi Dios mayi nca'altauec, qataq sa ishit da huo'o ca loga't.

Colosenses 3:3

Cha'ayi qami' mashi qadleuaxauai so Cristo, qaq nagui da qanachaalataxaqui hueto'ot somayi da n'attau'a ñi Dios.

Gálatas 5:23

sa n'amqajnaxaic, qataq ntel-la't. Qaq ca 'eeta'am de'eda qaica ca ishit da illapeguem ca shiÿaxaua.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

Mateo 21:5

'Au'aqtaxanem qome yi la ciudad l'enaxat Sión, qoneta': “Ña 'aulo'oguet na 'adta'a, namayi 'am naÿau'a, namayi ÿataqta qaica ca l'amaqchic, netalec ana 'ashina, qataq nam 'ashinolec mayi llalec ana 'ashina mayi nachoxonaxalate.”

Romanos 1:23

Cha'ayi namayipi ÿaxaañi da natamnot ñi Dios mayi sa ishit da ileu. Chaqdata da natamnot na lqui'ipi nam shiÿaxauapi mayi ishit da ileu, qataq ivida'a nam lqui'ipi na maÿopi, n'adaxanaqpi qataq nam shiguiÿacpi.