1 Pedro 3:22 - Nuevo Testamento Toba Sur

²² som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

Nuevo Testamento Toba Sombrero Negro

²² Nach'eñe joñe'me Jesucristo joote yec'adije'ma di'me piyem qama'le nayi male neta'ña na'me yayaten joñe'me Dios, qama'le nejaliaĝatelo'te joga'me piyem laje'pi choqoga'me nepaqa'lpi laqaya' jo'ne te'me 'uo da'me lejaliaĝa'j nataq'aen da'me lañoqotaĝanaĝa'j.

1 Pedro 3:22 Referans Kwoze

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 10:12

Qalaxayi so Jesucristo nañan da qaÿalauat souaxat na nasouaxashitpi, nachi sa lÿa da qaltaq nañan. Ime, nachi nso'ongue da aloic ñi Dios.

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Hebreos 8:1

Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

Hebreos 6:20

som inoxoneu'a co'ollaxa so Jesús, da yaqto' ÿauategue ca qoyic. Qaq 'eda da 'eetec da so Jesús ivida'a da nachiso so 'oonolec qadtaxaÿaxanaxanec da detaxaÿapegue' ñi Dios, 'eeta'am da lataxac so Melquisedec.

Colosenses 3:1

Qaq ÿoqo'oyi da qami' sogote da qadÿaitchiguem so Cristo co'ollaq qami' qanca'alaxatreec, nachi qanmichiÿaique cam hueta'ague da piguem dam neta'ague so Cristo da nso'ootau'a na aloic ñi Dios.

Romanos 8:38

Qaq ÿoqo'oyi ÿataqta 'eesa ñaq'en da sa ishit da huo'o ca ishit da nqanaxat da lauotaxanaqtaic ñi Dios da shinaqta. Nai'ctaxa da huo'otaq nleuaxa, huo'otaq da achaalataxac, huo'otaq nam namaxashicpi piguem l'ecpi qataq nam damaxasoxonapecpi qataq nam n'añaxacpi mayi saq cha'a, huo'otaq nam souaqtaigui nagui qataq cam ñaq natauo,

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

Mateo 22:44

Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic, to' qom mashi ime da sacho'oto naua 'adapia'te na 'am ipa'agueetacpi.”

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

1 Corintios 15:24

Qom ivita ca loga'tna, nachi so Cristo nlaxajñi da l'añaxac 'enauac na ÿotta'a't damaxasoxonapec nta'alpi mayi saq cha'a. Huaña, qanachi ÿanot da l'onataxanaxac da ilo'ogue 'enauacna ñi qadta'a Dios.

Hechos 3:21

Qalaxayi so Jesucristo nagui iuen da ñaq neta'ague da piguem, to' qom ivita ca na'a'q da ñi Dios nadalaxat 'enauac na l'onatacpi, cha'ayi ñimayi nachida dam 'enapec co'ollaq i'aqtaxanaxan som hua'au l'aqtaxanaxanecpi mayi qui'itta.

Hechos 1:11

Qaq soomayi 'ena'po': –Qami' Galilea lashi', ¿tá'ainco' yi nachi qauloito'ot na piguem? Se'eso Jesús mayi qami' nalligoqtoiguilo da taigue da piguem, somayi qome qaltaq ñi'iguelaq. Qaq que'eca lli'iguelaxasoxoc nachi 'eeta'am qome de'eda lliquiaxac mayi qauauañiichigui.

Marcos 12:36

Qalqo' so David co'ollaq i'aqtaxanaxan so Espíritu Santo, nachi 'enapeco': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic, to' qom mashi ime da sacho'oto naua 'adapia'te na 'am ipa'agueetacpi.”

Hebreos 1:13

Qataq ñi Dios sa ÿauango' da 'enapega ca 'oonolec nam lamaxashicpi da 'eeta': 'Anso'oota'ague qome da aÿoic, to' qom mashi sacho'oto naua 'adchil nam 'am ipa'agueetacpi.

Lucas 20:42

Yi som nta'a David 'enapec da l'aqtac mayi nanettañi anam lede mayi l'enaxat Salmos, 'eeta': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic,

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Hebreos 1:6

Qalaxayi co'ollaq anacot so l'auaxanec llalec da namaxa ana 'alhua, nachi 'enapeco': 'Enauac qome nam lamaxashic piguem l'ecpi ñi Dios, namayipi qome i'adoto naua l-llicte.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Juan 13:32

Qaq ne'ena shiÿaxaua llalec da ÿachaxan da lli'oxoyic ñi Dios, qaq ñi Dios nachi ÿachaxan qome da lli'oxoyic namayi, qaq mashi saqaÿaloq qome da ÿachaxan damayi.