1 Pedro 3:20 - Nuevo Testamento Toba Sur

²⁰ Somayipi nachiso so sa ishit da ÿalaq som hua'a'u vi'iyi mayi huetaiguilo so Noé, co'ollaq ñi Dios huo'o da lhualaxavic da iuatta'a da qai'attega't aso notaxaqui, co'ollaq vichigui da 'oocholqa soua shiÿaxa'u mayi nca'aleeguesopa so 'etaxat.

Nuevo Testamento Toba Sombrero Negro

²⁰ nach'egaua gaa'me qoleguetaĝanaĝayaqa jaa'me noloqo'ote joca'li 'uo ñe'me Noé. Joca'li ñe'me Dios yeuate'talo ga'me jiyaĝadipi ta'le uotaĝa 'niyelaĝadetot joñe'me, chayovida'a da'me qoye'et jaga'me nelicota lat'edai. Yem qama'le uo'oe ocho gaa'me jiyaĝa'u jo'ne nec'alaĝatedegue joca'li da'me qoyachiyoĝotedañgui ga'me noĝop.

La'aqtaqa Ñim Lo'onatac 'Enauacna 2013

²⁰ Som saqcha'a nca'alaxapi maye sa ỹalaxaguet Ñim Lo'onatac 'Enauacna so na'a'q maye huetaigui co'ollaxa so Noé. Ñim Lo'onatac 'Enauacna ỹataqta huo'o da lhualaxavic da iuatta'a somayepi da naralaxat da lhuennataxac co'ollaq ñaq ỹo'ottac so Noé aso nnotaxaqui maye quiguingui na 'etaxat, qalaxaye somayepi saishet da ỹo'ot damaye. Qaq ỹoqo'oye saq 'amaqtaq so huenotoigui aso notaxaqui da yaqto' nca'aleeguesop so 'etaxat maye ipaxaalec ana 'alhua, qaq nacheso se'eso 'etaxat so ỹauec se'esoua ocho shiỹaxau' da ỹanaña so ỹataqta ỹaỹamaqchiguiñi.

1 Pedro 3:20 Referans Kwoze

2 Pedro 2:5

Nataq'en sa ishit da ichoxonnai' ñi Dios som hua'au shiÿaxauapi. Chaqdata da npaxaashiguem naq'en so auot se'eso shiÿaxauapi mayi qauemaicpi. Qaq chaqsota so Noé nca'alaxateec, qataq soua lÿa't siete, cha'ayi somayi i'axattac da achaalataxac mayi qui'itta.

Hebreos 11:7

So Noé nataq'en souaxat da lpi'iÿaxac co'ollaq ñi Dios huaqatot somayi da naÿa'a cam saxanaxa da yi'oq. Qalaq somayi ÿataqta ÿalaq, qataq i'ada't aso nnotaxaqui, da yaqto' ishit da nca'aleec so llalaqpi. Qaq souaxat da somayi huo'o da lpi'iÿaxac, nachi ÿachaxan da qaÿauo'o ca nhuaxanaguec nam huetalec ana 'alhua, qataq somayi ivida'a da ÿataqta qaÿaÿamaxadeeta. Cha'ayi ñi Dios ÿataqta ÿaÿamaxadeeta cam huo'o da lpi'iÿaxac.

Mateo 7:14

Qaq ñim lasom qataq so nqa'aic mayi taÿa'a da nca'alaxa, qalaq ÿataqta qapi'olec qataq sa lca'ague. Qaq ÿataqta saq 'amaqtaq nam ÿanata.

2 Pedro 3:15

Qataq qantouñiita'ac da lhualaxavic ñi Dios da qomi' iuatta'alo. Damayi naigui da qadca'alaxa. Qaq 'eeta'am nataq'en da 'eetec ana ledepi so qanauochaxaua qadqaÿa Pablo mayi qami' ÿamaxalo co'ollaq somayi ÿiyiñi da laÿajnec mayi ÿami' ñi Dios.

Romanos 9:22

Qaq ÿoqo'oyi ¿huá'ague ca qoÿiitec ca n'aqtac, da huo'otaq ñi Dios nshitaique da ÿachaxan da 'eetec da huo'o ca ÿauo'o ca nhuaxanaguec qataq da l'añaxac, nachi huo'o da lhualaxavic da n'añaxateguet nam 'itchiguiñi taÿa'a da qaÿauo'o ca nhuaxanaguec qataq tai'a da qanlaxajñi?

Lucas 12:32

Sa ishit qome da qayi'ii, qami' mayi qoñiita'am acam ÿalamaqte qagueta mayi selotague'. Ÿataqta qami' saq 'amaqtachi, qalaxayi ñi qadta'ai ÿataqta qami' ÿaÿamaxadeete' da qanhuañiÿau'a naq'en da l'onataxanaxac da ilo'ogue 'enauacna.

Efesios 5:26

Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

1 Pedro 1:9

Cha'ayi qami' mashi qauacoñiiguet da lca'alaxa da qanachaalataxaqui, cha'ayi nachida da ÿataqta 'eetapeguec da qadpi'iÿaxaqui.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

1 Pedro 2:25

Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.

1 Pedro 3:19

Huaña, nachi da saq cha'a nachaalataxac nqo'ooña da da'aqtaxanem da nca'alaxa som nqui'ipi mayi qaicoñittai'.

1 Pedro 4:19

Qaq ÿoqo'oyi ca maichi chigoqchigui ñi Dios da huo'o naq'en da nque'ejnaxac, qaq no'on da camayi quetot da i'ottac ca ÿaÿamaqchiguiñi. Chaqdata da ipa'axano'ot naq'en ñi Dios da nachaalataxac mayi maichi l'onatac, cha'ayi ñimayi ÿataqta ipacchigui ca 'enapec.