1 Pedro 3:2 - Nuevo Testamento Toba Sur

² qalaxayi souaxat da ila'a da no'on 'adataxac da 'aualaxaguet ñi Dios.

Nuevo Testamento Toba Sombrero Negro

² jogaa'me p'iida'a qomle ñe'me Dios qom yauata da'me at'oyaĝaqui jo'ne onaĝaic nataq'aen da'me a'nonaĝachiyegui joñe'me Dios.

La'aqtaqa Ñim Lo'onatac 'Enauacna 2013

² cha'aye camayepi maiche ila'a da no'on da qarataxaqui qataq qavio'oxoyiñiitac Ñim Lo'onatac 'Enauacna.

1 Pedro 3:2 Referans Kwoze

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

1 Pedro 1:15

Chaqdato' qome da qoviitaigui da achaalataxac mayi ÿataqta qui'itta, cha'ayi ñim Dios mayi qami' iÿaxanalo, ñimayi ÿataqta qui'itta.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

2 Pedro 3:11

Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?

Efesios 5:33

Qalaxayi damayi nataq'en i'axat da ñi 'oonolec da qoñiita ÿataqta ÿauotec aca lhua, 'eeta'am da maichi nauojla't. Qaq aca 'alo ÿataqta huo'o naq 'enec naq'en ca lhua.

Colosenses 3:22

Qataq qami' nlatacpi, ÿataqta qaualaqaiguet qome ca yi'oqchigui qan'aco'oi. Sa ishit da chaqdata da qami' ilotaguilo da yaqto' qami' ÿaÿamaxadeete', chaqdata da ÿataqta huosotta da qadquiyaqteÿaxaqui, souaxat da qayi'iitega ñi Dios.

Filipenses 3:20

Qalaxayi qomi' qadma' da piguem, qataq seuataqtaique da ñi'iguelaq so qadca'alaxaqui mayi qadataxala' Jesucristo qom chigoqtegue da piguem.

Efesios 6:5

Qataq qami' nlatacpi ÿataqta qaualaqaiguet qome na qan'aco'oipi mayi huetalec ana 'alhua. Namayipi ÿataqta huo'o naq 'enec qanqashiñi, qataq qayi'iÿai, qataq ÿataqta qanasapachiita, 'eeta'am qanqashiñi da nachiso so Cristo da qau'onataxañiitacot.

1 Timoteo 4:12

Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

1 Pedro 3:1

Nachi 'eetec nataq'en qami' 'alpi mayi mashi qauadoñi. Añi 'oonole da qoñiita ÿataqta nañanguet da ÿalaxaguet ca lalamaxat lhua, yaqto' da huo'o ca 'oonolec namayipi da huo'otaq saxanaxa da i'amaqten da n'aqtac, nachi ishit da da'amqajnataxan, souaxat da ÿauaachigui da no'on 'an'onataxac. Nachi nai'ctaxa da sa ishit da 'au'aqtaxanem camayi,

1 Pedro 3:3

Qataq da n'otaxac añi 'oonole sa ishit qome da nachida da yi'oqchigui da ileguemaxachigui da napicnaxac, huo'otaq da ÿaañi ca 'otaxat mayi chigaqaigui na oro, huo'otaq da ÿacteec naq'en da lyac aca lapoto.