1 Pedro 3:17 - Nuevo Testamento Toba Sur

¹⁷ Cha'ayi ÿaÿamaqchiguiñi da qami' qanque'etaxañi, souaxat da qau'ochiitac ca ÿaÿamaqchiguiñi, da huo'otaq ÿaÿamaxadeeta ñi Dios. Qaq saq 'en'am da qai'ottac ca sa ÿaÿamaxañi.

Nuevo Testamento Toba Sombrero Negro

¹⁷ Chane'eja qom 'uo da'me adachoĝodequi, 'noota ta'le yajouaĝat da'me auauoyi da'me 'noota, qa'a naq'aeta da'me jo'ne 'yamaqaten joñe'me Dios. Qama'le ja ena'am da'me auauoyi da'me ja no'en.

La'aqtaqa Ñim Lo'onatac 'Enauacna 2013

¹⁷ Qaq da qami' taleguete da huo'o da qanque'eenaxaqui souaxat da qauo'ocheetac da ỹaỹamaqchiguiñi, nache ỹaỹamaxareeta Ñim Lo'onatac 'Enauacna. Qaq damaye ỹaỹamaqchiguiñi, qaq saq 'ena'am da qauo'ocheetac ca sa ỹaỹamaxañi.

1 Pedro 3:17 Referans Kwoze

1 Pedro 3:14

Qaq nai'ctaxa da huo'otaq huo'o da qanque'ejnaxaqui souaxat da qui'itta qanachaalataxaqui, qalaxayi ÿataqta qami' machiyiñi. Qataq sa ishit da huo'o ca qayi'iitega, qataq saq qami' qaicolanaqchi't.

1 Pedro 4:19

Qaq ÿoqo'oyi ca maichi chigoqchigui ñi Dios da huo'o naq'en da nque'ejnaxac, qaq no'on da camayi quetot da i'ottac ca ÿaÿamaqchiguiñi. Chaqdata da ipa'axano'ot naq'en ñi Dios da nachaalataxac mayi maichi l'onatac, cha'ayi ñimayi ÿataqta ipacchigui ca 'enapec.

Mateo 26:39

Nachi so Jesús taÿa ca qaÿata'a, nachi ÿataqta nqapaxanguet na 'alhua. Nachi nqouagaxaunot ñi Dios, 'eeta': –'Am ita'a, da 'aushit, qaq no'on da sa ishit qome da aÿim 'aupagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot cam maichi shiitapeguec, chaqcato' ca maichi qonetapeguec.

1 Pedro 2:20

Cha'ayi da huo'otaq qami' qau'ochi ca sa ÿaÿamaxañi, nachi qaÿauo'o ca qanhuaxanaguiiqui, qaq ¿négue't ca naigui da huo'otaq qanhualaxauñi da qan'añaxachiiguet damayi? Qalaxayi da huo'otaq qanque'etaxañi souaxat da qau'ochiitac ca ÿaÿamaqchiguiñi, nachi ÿataqta qanhualaxauñi da qan'añaxachiiguet, qaq damayi ÿataqta ÿaÿamaqchiguiñi, ÿaÿamaxadeeta ñi Dios.

Hechos 21:14

Qaq cha'ayi sa ishit da qomi' ÿalaxagueta so Pablo, nachi saxanaxañi, nachi shinaqtega, shinaqta': –Hua', no'on da ÿataqta ipacchigui ca 'eetapeguec ñi qadataxala'.

Mateo 26:42

Nachi qaltaq ÿi'iguelaxalec da nqouagaxauen, 'eeta': –'Am ita'a, qom huo'otaq ishit da sepaca'aguet da ñique'etaxangui de'eda ñi'iguenataguec, qalaxayi no'on qome da 'au'ot ca maichi qonetapeguec.

1 Pedro 4:15

Qaq da huo'o ca 'oonolec da qoñiita da huo'o da nque'ejnaxac, qalaxayi sa ishit qome da souaxat da laataxanaxaic, huo'otaq cachaxaic, huo'otaq cam i'ottac na qauem, qataq tatapegueu'a ca sa lalamaxat.

1 Pedro 2:15

Cha'ayi ñi Dios nshitaique da qami' qau'ochi ca ÿaÿamaqchiguiñi, yaqto' qaica ca llic naq'en ca l'aqtac nam qaica ca ÿaÿajnapec qataq 'oopaicpi.

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

1 Pedro 1:6

Qaq ÿoqo'oyi nachida da huo'o mshi qami' ÿataqta qauamaichiguiñi, nai'ctaxa da huo'otaq qami' iuen da cada'acolec da huo'o da qanque'ejnaxaqui, souaxat nam qalota qañi'iguenataguiiqui.