1 Pedro 3:14 - Nuevo Testamento Toba Sur

¹⁴ Qaq nai'ctaxa da huo'otaq huo'o da qanque'ejnaxaqui souaxat da qui'itta qanachaalataxaqui, qalaxayi ÿataqta qami' machiyiñi. Qataq sa ishit da huo'o ca qayi'iitega, qataq saq qami' qaicolanaqchi't.

Nuevo Testamento Toba Sombrero Negro

¹⁴ Qalaĝaja mate mane'e da'me yataqatelegue ga'me auauoyi, uotaĝa 'uo ga'me adachoĝodequi jo'ne ami yachalo'te. Qom naq'aeta qama'le ¡'noota qom ami made'tapolqa! Ena'te a'uoitapega gamachaqaega, nataq'aen da'me ena'te ami qolanaqayaqa.

La'aqtaqa Ñim Lo'onatac 'Enauacna 2013

¹⁴ Qalaxaye da qauo'ocheetac ca ỹaỹamaqchiguiñi qalaq ñaq 'eetalec da huo'o da qanque'eenaxaqui, qalaq Ñim Lo'onatac 'Enauacna qami' ỹaaleguete ca lqouagaxanaqtaic. Qaq ỹoqo'oye saishet da huo'o ca qayi'iitega, qataq qami' icolanaqche't.

1 Pedro 3:14 Referans Kwoze

Mateo 10:28

Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Juan 14:1

Sa ishit qome da huo'o ca tatapigui qadvilli. Chaqdata da qaupi'iÿa'ai ñi Dios, nataq'en aÿim.

Marcos 10:29

Nachi so Jesús 'enapeco': –Ÿataqta 'eesa de'eda qami' sa'axatema, da camachicague't shiÿaxaua da huo'otaq ÿalat ca lma', lqaÿa qataq aca lqaÿa, lta'a huo'otaq late'e, huo'otaq lhua qataq llalaqpi, huo'otaq ca n'alhua, souaxat aÿim qataq da n'aqtac mayi chigaqaigui da nca'alaxa,

Marcos 8:35

Cha'ayi ca nshitaique da maichi nca'alaxajla't, nachi camayi daqat da nachaalataxac; qalaxayi ca daqat da nachaalataxac, souaxat da aÿim quetague' qataq souaxat da n'aqtac, nachi camayi qanca'alaxateec qome.

Mateo 19:29

Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

Mateo 16:25

Cha'ayi ca nshitaique da maichi nca'alaxateec da nachaalataxac, qaq camayi daqat. Qalaxayi cam 'ico' ÿaqataqchit da nachaalataxac souaxat aÿim, qaq nachica ca qanca'alaxateec.

1 Pedro 3:6

'Eda da 'eetec aso Sara co'ollaq ÿalaxalec so lhua Abraham. Ÿoqo'oyi asomayi da iÿaxana, qalaq 'eeta': “'Am ÿataxala'.” Qaq qami' nagui qaviyiita'a da qoñiita'am asomayi, lamaaxa da ÿataqta qau'ochi ca ÿaÿamaqchiguiñi, qataq sa ishit da huo'o ca qayi'iitaique.

Mateo 10:39

Qaq ca nshitaique da maichi nca'alaxateec da maichi nachaalataxac, nachi camayi daqat. Qalaxayi ca 'ico' ÿaqataqchit da nachaalataxac, souaxat da aÿim quetague', nachi camayi qanca'alaxateec.

Filipenses 1:29

Cha'ayi qami' qoÿanema da qan'achiquiaxaqui, da yaqto' qau'amaqchiñi so Cristo, qataq da huo'o da qanque'ejnaxaqui, souaxat somayi.

Mateo 10:31

Qaq ÿoqo'oyi sa ishit qome da qayi'iitac, cha'ayi qami' ÿataqta qanapaquiÿalec da lashiichiÿaxac cam qalota qoÿopiolec.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Santiago 5:11

Cha'ayi qomi' saÿajnaqta da ÿataqta machiguiñi ca inoxonaqchitteec na nque'ejnaxaguesat. Qami' mashi qau'aqaitega da lhualaxavic so Job, qataq mashi qauaÿajñiita da 'eetec ñi Dios somayi co'ollaq ividaxateec da nque'ejnaxac. Cha'ayi ñimayi ÿataqta soxodaic qataq choxonnataxanaxaic.