1 Pedro 3:11 - Nuevo Testamento Toba Sur

¹¹ Qataq no'on da ÿaxanapec ca sa ÿaÿamaxañi. Nda'a't da i'ot ca ÿaÿamaqchiguiñi, qataq nmitaique ca nlagaxayic, qaq nachica quegue.

Nuevo Testamento Toba Sombrero Negro

¹¹ Nataq'aen 'noota qom ca'ae joga'me ja no'en Qama'le ya'uo da'me 'noota, Nataq'aen da'me yelaque da'me 'nemaĝac qama'le equegue.

La'aqtaqa Ñim Lo'onatac 'Enauacna 2013

¹¹ qataq iuen da ỹo'ot ca ỹaỹamaqchiguiñi qataq ỹaxaañi da ỹo'ot ca qauem qataq huetaigui da lactapiguiñi da ỹalectaigui na laỹepi.

1 Pedro 3:11 Referans Kwoze

Mateo 5:9

Qataq ÿataqta machiguiñi qome nam huetapec da yaqto' huo'o ca nlagaxayic, cha'ayi ñi Dios ÿamata'ac qome da ÿataqta llalaqpi.

Hebreos 12:14

Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

Colosenses 3:15

Qataq da nlagaxayic mayi chigoqo'ot ñi Dios ilo'ogue qome da qadquiyaqteÿaxaqui, cha'ayi nachida da huo'o mshi qami' iÿaxanalo ñi Dios, da ÿauotaique da 'ico' 'oonolec n'oquiaxac naq'en da qoñiita. Qaq ÿoqo'oyi ÿataqta qauamaichiguiñi qome.

Romanos 14:17

Cha'ayi da l'onataxanaxac ñi Dios da ilo'ogue 'enauacna, damayi sa ishit da naigui da yi'oqchigui nqui'axac qataq da ÿomaxac, chaqdata da qui'itta achaalataxac, nlagaxayic, qataq da namaiquiaxac mayi chigoqo'ot so Espíritu Santo.

Romanos 12:18

Qaq souaxat da qanshiitaique da qaica ca da qanqashiñi 'enauac na shiÿaxauapi, qaq ÿoqo'oyi qan'añaxachi qome, ÿataqta cam tachiguiña ca qauañoxochi.

3 Juan 1:11

'Am ñauochaxaua ÿaqaÿa, sa ishit qome da qoquegue ca qauem 'onataxac, chaqcata ca no'on. Cha'ayi cam i'ot ca ÿaÿamaqchiguiñi, camayi lalamaxat ñi Dios, qaq cam i'ot ca sa ÿaÿamaxañi, qachi sa ishit da ila'a ñi Dios.

Santiago 4:17

Cha'ayi ca shiÿaxaua da ÿaÿaten ca ÿaÿamaqchiguiñi, qalaxayi sa ishit da i'ot, qanachi huo'o da lasouaxashit.

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Romanos 8:6

Cha'ayi da qaiuennatapega cam 'eetapeguec da napachiyaxac, qaq damayi naigui da nleuaxa. Qaq da qaiuennatapega cam 'eetapeguec so Espíritu, qaq damayi naigui da achaalataxac qataq da nlagaxayic.

Romanos 7:21

Qaq 'edacnaxa da 'eetec da souaigui, 'eeta': Da huo'otaq ñishitaique da so'ot ca ÿaÿamaqchiguiñi, qalaq ndoteec da sa ÿaÿamaxañi mayi aÿim huetaigui da so'ot.

Romanos 5:1

Qaq mashi qomi' ÿaÿamaxadeete' ñi Dios souaxat da qadpi'iÿaxac. Qaq ÿoqo'oyi nagui ñaÿamaxannaqte' ñimayi, qaq de'eda chigoqchigui so qadataxala' Jesucristo.

Juan 17:15

Qaq aÿim sa ishit da 'am seÿaxaatacot da yaqto' 'anqateeguesop namayipi ana 'alhua, chaqdata da 'am seÿaxaatacot da 'anpaxatalec namayipi, souaxat so shiÿaxaua lma'na.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Mateo 5:45

Qaq yaqto' ÿataqta qami' llalqa ñim qadta'ai mayi neta'ague da piguem. Cha'ayi ñimayi icoÿadelec naq'en añi nala' ca qauemaic qataq ca soxodaic, qataq da namaq na auot, qalaq talec naq'en cam no'on da lataxac qataq cam qauem da lataxac.

Romanos 7:19

Qaq sa ishit da so'ot cam ÿaÿamaqchiguiñi mayi seuennatapega, chaqdata da shicto'ot da so'ottac cam sa ishit da seuennatapega.

Lucas 6:35

Qalaxayi qami' ÿataqta qauauochiic ca qami' ipa'agueeta'pe, qataq qauaÿamaxachiita ca shiÿaxaua, qataq qau'aalaxanaxañi. Qalaxayi sa ishit da chochi huo'o ca qanaquichiita'a. Qaq yaqto' ÿataqta lta'adaic ca qanshiitenaguiiqui, qataq ÿataqta qami' llalqa ñim Dios mayi 'amaqtaqaic. Cha'ayi ñimayi ÿataqta choxonnataxanaxaic, ichoxoden nam 'agaqaicpi qataq nam qauemaicpi.

Lucas 6:9

Nachi so Jesús 'enapego' so laÿipi, 'eeta': –Aÿim qami' sena't nagui: ¿Chaq negue't ca ishit da qaÿashiita da qai'ot yi na'a'q mataxaqui, peta'a ca no'on huo'otaq ca qauem?, ¿huo'otaq da qanqat ca achaalataxac, loqo' chaq da qanca'alaxateec?

Lucas 1:79

da yaqto' icoÿadelec nam huetaigui na napalaxa qataq da lchic da nleuaxa, qataq yaqto' qomi' ÿachaxaateguelo ca nqa'aic mayi nlagaxayic.

Marcos 14:7

Qami' nachi 'eetai' da qoviita'aguet na choxodaqpi, qaq ÿataqta da ivita da huo'o ca qau'ochiic. Aÿim, qalaxayi sa ishit da nachi 'eetai' da qami' soota'agueta.

1 Pedro 3:12

Cha'ayi ñi qadataxala' ÿataqta ntela'a cam i'ot ca ÿaÿamaqchiguiñi, qataq hua'axaÿa da nqouagaxaunaxac, qalaxayi ñimayi sa ishit da iuoten cam i'ottac ca sa ÿaÿamaxañi.