1 Pedro 3:1 - Nuevo Testamento Toba Sur

¹ Nachi 'eetec nataq'en qami' 'alpi mayi mashi qauadoñi. Añi 'oonole da qoñiita ÿataqta nañanguet da ÿalaxaguet ca lalamaxat lhua, yaqto' da huo'o ca 'oonolec namayipi da huo'otaq saxanaxa da i'amaqten da n'aqtac, nachi ishit da da'amqajnataxan, souaxat da ÿauaachigui da no'on 'an'onataxac. Nachi nai'ctaxa da sa ishit da 'au'aqtaxanem camayi,

Nuevo Testamento Toba Sombrero Negro

¹ Qama'le nach'e ena'am da'me ami yauo' jo'ne joote a'uoñi, 'noota qom auoqochiyalo jogaa'me lelnataĝaco gaa'me adouadi', qaedi qom uo'oe gaa'me jo'ne maliaĝa ja 'yamaqate'n da'me 'naqataĝanaĝac, qama'le nach'egaua jo'ne t'amaqatenataĝa'n qomle, yajouaĝat da'me yauata da'me aniyamaĝachela't da'me ami. Mate mane'e da'me qaya'te 'naqatac ta'le domachita,

La'aqtaqa Ñim Lo'onatac 'Enauacna 2013

¹ Qami' 'alpi maye mashe qauaroñi, añi 'oonole da qoñiita iuen da ỹalaxaguet ca lhua. Cha'aye da nache qoñiitec de'era, nache camayepi da saishet da ỹa'amaqten da na'aqtaxanaxac maye nachera dam no'on na'axaỹaxac, qalaxaye ila'a dam lataxac añi 'oonole da qoñiita, nache nachera dam ishet da da'amqaanataxan naqa'en. Saishet da iuen da qautaqaitecot,

1 Pedro 3:1 Referans Kwoze

Colosenses 3:18

Qaq qami' 'alpi mayi mashi qauadoñi, ÿataqta qaualaqaiguet qome na qadamoxouaipi, cha'ayi nachida da qad'onataxanaxaqui, cha'ayi qau'amaqchiñiitac so qadataxala'.

Efesios 5:33

Qalaxayi damayi nataq'en i'axat da ñi 'oonolec da qoñiita ÿataqta ÿauotec aca lhua, 'eeta'am da maichi nauojla't. Qaq aca 'alo ÿataqta huo'o naq 'enec naq'en ca lhua.

1 Corintios 11:3

Qalaxayi ñishitaique da qauaÿajñiita da so Cristo nachiso so lqaic ca shiÿaxaua, qaq ca shiÿaxaua nachica ca lqaic aca lhua, qaq ñi Dios nachiñi ñi lqaic so Cristo.

1 Corintios 7:16

Cha'ayi 'am 'alo, ¿sa 'auaÿajno' da huo'otaq ishit da 'am chigoqchigui da qanca'alaxateec ca 'adhua? Huo'otaq 'am ÿale, ¿sa 'auaÿajno' da huo'otaq ishit da 'am chigoqchigui da qanca'alaxateec aca 'adhua?

1 Pedro 3:7

Qaq nachi 'eetec nataq'en qami' ÿallippi mayi mashi qauadoñi. Ñi 'oonolec ÿataqta naÿajnaxanaqchin da ilo'ogue da lhuaÿaxac, qataq sa ishit da ÿi'inai', cha'ayi ÿaÿaten da acamayi saqalligueme da l'añaxac, qalaxayi nataq'en nhuanau'a da nca'alaxa mayi chigoqchigui da lqouagaxanaqtaic ñi Dios da qami' ÿanema. Qaq 'eda qome da qoñiitec, yaqto' da qanatamnaxaqui saqca ca nqanaxat.

Romanos 7:2

Qaq saloqnaxana aca 'alo mayi mashi huadon, acamayi na nqataxacpi ña ncoñitta'ai' naq'en ca lhua qom huo'otaq camayi ña nca'altauec. Qalaxayi que'eca lhua qom huo'otaq ileu, nachi acamayi ishit da huesoueguesop na nqataxacpi mayi icoñitta'aguet naq'en camayi.

1 Corintios 14:34

Na 'alpi ÿataqta ñi'imaxatta da huetaigui ca naponaxac. Qaq no'on da nachi qoñiitec de'eda, cha'ayi damayi ÿataqta sa qaishitapec. Ÿoqo'oyi na 'alpi no'on da ÿataqta ÿalaq, cha'ayi naua ñiyigui'shi lqataxaco ñi Dios nachi 'enapec de'eda.

Mateo 18:15

Ca 'adqaÿa da huo'otaq huo'o ca 'am i'otec sa ÿaÿamaxañi, qaq no'on da 'andote' camayi da 'au'aqtaxanem ca lsomaxac. Qaq camayi da huo'otaq 'am ÿalaxaguet, nachi 'am 'adaueguec camayi da qaichoxoden.

Colosenses 4:5

Qataq ÿataqta qanaÿajnaxanaqchiñi da qautaqaitague' nam saxanaxa da da'amqajnataxan. Ÿataqta qauqopitaxañiÿapec naua no'on na'axa'te, da huo'o ca qaddaqa'ai.

Hebreos 11:8

So Abraham nataq'en chigoqchigui da lpi'iÿaxac co'ollaq ñi Dios iÿaxana, qalaq somayi ÿataqta ÿalaq da jec, nqo'ona so 'alhua mayi ÿachaxanapecot ñi Dios da ÿanem. Nachi somayi ca'ai so lma', sa ishit da ÿaÿaten cam dataigue.

2 Ts 1:8

Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

Romanos 6:17

Qalaxayi huo'o da qan'achic ñi Dios souaxat da qoñiita mayi qami' l-lataqa co'olloxochiyi da ñi'itaxaloxo, qalaxayi nagui ÿataqta imauec da qadquiyaqteÿaxaqui da qaualaqaiguet dam lataxac da napaxaguenataxanaxac mayi qami' qoÿanema.

1 Pedro 4:17

Cha'ayi mashi ivita yi laloqo' da qai'auaxaachiguiñi da qanmit ñi 'oonolec nam llalaqpi ñi Dios. Qaq da qai'auaxaachiguiñi da shinaqta, qaq ¿chaxan 'eetec qome ca loga't nam sa ishit da ÿalaxaguet da l'aqtac ñi Dios?

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Romanos 10:16

Qalaxayi sa ishit da 'en'a't da qaÿoqocha'a de'eda n'aqtaxanaxac mayi i'axat da nca'alaxa. Qaq ipacchigui da l'aqtac so Isaías co'ollaq 'eeta': “'Am ÿataxala', ¿negue'tom ca ishit da i'amaqten da qad'aqtaxanaxac?”

1 Pedro 3:2

qalaxayi souaxat da ila'a da no'on 'adataxac da 'aualaxaguet ñi Dios.