1 Pedro 2:8 - Nuevo Testamento Toba Sur

⁸ Qataq nataq'en yi lÿa nanettañi l'aqtac ñi Dios 'eeta': Se'eso coma' ishit da qaiqui'aqaisop, qataq qaisallilec. Qaq namayipi qui'aqañi souaxat da sa ishit da i'amaqten de'eda n'aqtaxanaxac. Qaq ñi Dios nataq'en nachi 'en'ac naq'en namayipi.

Nuevo Testamento Toba Sombrero Negro

⁸ Qama'le nach'e ena'am jenjo' 'naqatac laqaya eet'oi: “Nach'ena na'me qa' jo'ne en dapolegaĝa'n ga'me jiyaĝadipi, Na'me qa' jo'ne en 'naqadiñe jogaa'me.” Qa'a jogaa'me dapolegaĝa'n yajouaĝat da'me ja yoqochideta na'me 'naqataĝanaĝac. Qama'le nach'eda da'me jo'ne chiyaqayi da'me ne'uaĝanague'j.

La'aqtaqa Ñim Lo'onatac 'Enauacna 2013

⁸ Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

1 Pedro 2:8 Referans Kwoze

1 Corintios 1:23

Qalaxayi qomi' sa'axataqtac da n'aqtaguec so Cristo co'ollaq qaiuaxaneuo. Na judío l'ecpi da hua'axaÿa de'eda n'aqtaxanaxac, nachi ÿataqta da'aguelec. Qaq nam saq judío l'ecpi da hua'axaÿa, nachi 'eeta'am naq'en da chochi 'oopashic.

1 Pedro 2:7

Qaq qami' mayi qau'amqajnataxañi, nachi que'eca coma' ÿataqta huo'o qanqashiñi da lli'oxoyic; qalaxayi nam sa ishit da da'amqajnataxan, nachi ipacchiguilo naua ñiyigui'shi l'aqtaqa ñi Dios mayi 'eeta': Som coma' mayi ÿalateec co'olloxochiyi nam noÿic l'opi, somayi nachiso nagui so nllañi ca noÿic.

Romanos 9:22

Qaq ÿoqo'oyi ¿huá'ague ca qoÿiitec ca n'aqtac, da huo'otaq ñi Dios nshitaique da ÿachaxan da 'eetec da huo'o ca ÿauo'o ca nhuaxanaguec qataq da l'añaxac, nachi huo'o da lhualaxavic da n'añaxateguet nam 'itchiguiñi taÿa'a da qaÿauo'o ca nhuaxanaguec qataq tai'a da qanlaxajñi?

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

1 Ts 5:9

Cha'ayi ñi Dios sa ishit da qomi' lca'agui'shi da ÿauo'o ca qanhuaxanaguec ca pa'ateec na'a'q. Chaqdato' da saconaxaguet da nca'alaxa mayi chigoqo'ot so qadataxala' Jesucristo.

Lucas 2:34

Nachi so Simeón ÿan da no'on l'aqtac. Ime, nachi 'enapega aso María asom late'e so Jesús, 'eeta': –Ña 'aumeten ne'enatai' nogotolec, namayi qoÿanagui da ÿataqta qalota qome naq'en na huañi huo'otaq ñishiguem na Israel llalaqpi. Namayi nachina na l'anaxat da ÿataqta qalota qome na sa da'amqajnataxan,

2 Corintios 2:16

Qalaxayi nam ñaq huetaigui da lsomaxac, de'eda 'ico' nchinaxanaxat, damayi da alaitaÿaxac 'eeta'am ca dalaataxanapec. Qalaxayi na mashi nca'aleec, damayi 'eeta'am naq'en cam ama na laita mayi chigaqaigui da achaalataxac. Qaq ¿chaq negue'to' ca ishit da nalotau'a de'eda n'onataxanaxac?

Gálatas 5:11

Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.

1 Pedro 2:6

Cha'ayi naua ñiyigui'shi l'aqtaqa ñi Dios nataq'en 'eeta': Aÿim sanangui na laiñi yi Sión ca 'eeta'am ca coma' mayi nllañi ca noÿic; camayi llica'aguishic qataq ÿataqta ÿauotaxat. Qaq ca i'amaqten camayi, qaq sa ishit da n'aloxootac.