1 Pedro 2:24 - Nuevo Testamento Toba Sur

²⁴ So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

Nuevo Testamento Toba Sombrero Negro

²⁴ Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue.

La'aqtaqa Ñim Lo'onatac 'Enauacna 2013

²⁴ So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

1 Pedro 2:24 Referans Kwoze

Mateo 8:17

Qaq 'eetec de'eda, yaqto' ÿataqta ipacchigui dam i'axat co'ollaxa so l'aqtaxanaxanec ñi Dios l'enaxat Isaías, co'ollaq 'eeta': “Camayi nachishiguem 'enauac na qanqui'iguesat, qataq ÿachi 'enauac na qadalolaxapi.”

Romanos 6:11

Qaq ÿoqo'oyi nataq'en da qoñiita qoquiÿa'ai qome na nasouaxashitpi, nachi 'eeta'am qanqashiñi da 'ico' mashi qami' leuaxaiqa. Cha'ayi da qanachaalataxaqui lalamaxat qanqashiñi ñi Dios, cha'ayi mashi qoviito'ot so Cristo Jesús som qadataxala'.

Apocalipsis 22:2

Qaq nam laiñi so nqa'aic mayi lainguishic se'eso la ciudad, nachi nacchiguingui se'eso tala. Qaq naua loiguiyi se'eso tala nachi queteguelo ana qo'ipaq mayi chigoqtapoigui da nca'alaxa. Qaq ana'ana qo'ipaq da inoxoneec ñi ca'agoxoic, qataq huo'o ana ala. Qaq doce da ÿi'iguelaxalec da huo'o ana ala ñi 'oonolec vi'i. Qaq ana laue ana'ana qo'ipaq taiguet da latannaxanaqte na ÿotta'a't shiÿaxauapi.

1 Juan 2:29

Qaq cha'ayi qami' mashi sogote da qauaÿajñi da so Jesucristo ishit da i'ot ca ÿaÿamaqchiguiñi, qataq mashi qauaÿajñiita nataq'en da 'enauac nam ishit da i'ot ca ÿaÿamaqchiguiñi, namayipi llalaqpi ñi Dios.

Santiago 5:16

Qaq ÿoqo'oyi ñi 'oonolec da qoñiita da'aqtaxanem ca lÿa ca lasouaxashit, qataq ñi 'oonolec nqouagaxaueelec ca lÿa, yaqto' qami' qanatade'n. Da nqouagaxaunaxac ca no'on shiÿaxaua ÿataqta huo'o naq 'enec.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

Romanos 6:2

¡'A'i, sa ishit! Cha'ayi qomi' mashi soqolqa'ai da ñi'itaxaloxo, qaq 'eeta'am da mashi 'ico' qomi' leuaxaiqa. Qaq ÿoqo'oyi ¿táloxochiyictoxo' da ña soqolaqtalec da so'otaqtac damayi?

Colosenses 3:3

Cha'ayi qami' mashi qadleuaxauai so Cristo, qaq nagui da qanachaalataxaqui hueto'ot somayi da n'attau'a ñi Dios.

Romanos 6:13

Qataq sa ishit qome da qai'añiim da qad'oquiaxaqui dam 'onataxac da yaqto' i'onataxanaxanec cam sa ÿaÿamaxañi. Chaqdata da qami' qanañañiÿot ñi Dios, qalaxayi qoñiita'am ca shiÿaxaua da mashi ileu qaltaq ÿi'iguelaxalec da nca'aleec. Qaq qai'añiÿot qome ñi Dios 'enauac da qad'oquiaxaqui, da yaqto' ñimayi do'onataxana da i'ot ca ÿaÿamaqchiguiñi.

Juan 1:29

Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.

Romanos 7:6

Qalaxayi nagui mashi seleuaq, da yaqto' soqolqa'ai na nqataxacpi mayi qomi' icoñittai'salo. Huaña, nachi ÿataqta qomi' huesochiyiñi, da yaqto' so'onataxanqot ñi Dios dam dalaxaic qanachaalataxac mayi chigoqo'ot so Espíritu Santo. Qaq mashi sa ishit da souaqto'oto naua nqataxaco mayi qoÿittrañi.

1 Juan 3:7

Qami' ÿalqolqa, sa ishit qome da huo'o ca qami' ÿatenachi't. Cam i'ot ca ÿaÿamaqchiguiñi, camayi ÿataqta no'on shiÿaxaua, qaq 'eeta'am so Cristo da ÿataqta no'on shiÿaxaua.

Romanos 6:7

Cha'ayi ca shiÿaxaua da mashi ileu, nachi camayi huesoueguesop dam ñi'itaxaloxo.

Romanos 6:16

Cha'ayi qami' qauaÿajñiita da huo'otaq qanañañiÿot ca 'aco' da ÿauo'o qami' l-lataqa, huaña, nachi qami' ÿataqta qaualaqaiguet camayi, cha'ayi qan'aco'oi. Qaq nachi 'eetec nataq'en qami' da huo'otaq ÿataqta qaualaqaiguet da ñi'itaxaloxo mayi chigaqaigui da nleuaxa da 'eeta'am da qan'aco'oi, huo'otaq da qaualaqaiguet ñi Dios da qau'ochi ca ÿaÿamaqchiguiñi.

2 Corintios 6:17

Qaq ÿoqo'oyi nataq'en ñi qadataxala' 'eeta': Qoquiÿa'ai qome na sa da'amqajnataxanpi, qataq qauÿochiilec; qataq sa ishit qome da qaupochiu'a ca ishit da deshipaxanaqtaxan. Yaqto' aÿim ishit da qami' sacongueta,

Hechos 5:30

Ñim nDios so hua'au qadta'alpi, ñimayi qaltaq nca'alaxateec co'ollaxa so Jesús, som qami' qaualauachi co'ollaxa, nachi qauaxañiiguet so npe'enaxaqui.

Lucas 4:18

So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Mateo 5:20

Cha'ayi qami' shinapegalo da huo'otaq sa ishit da qanapaquiÿalec nam dapaxaguenataxanec na nqataxacpi qataq na nanettaigui na fariseopi da qau'ochi cam 'eetapeguec ñi Dios, nachi sa ishit qome da qaunoxoñiu'a da l'onataxanaxac ñi Dios mayi neta'ague da piguem da ilo'ogue 'enauacna.

Hebreos 12:13

Nachi qanmichiÿaique so nqa'aic mayi ÿataqta ÿashicteec, yaqto' ca napia' mayi sa da'añiigue, qalaq ishit da no'oita, qataq sa ishit da vi'ita'a't.

Hechos 13:29

Qaq co'ollaq ime da qai'otec somayi 'enauac nam i'axatta'a co'ollaxa naua n'aqtaqa mayi nanettrañi, nachi qanqateeguesop so npe'enaxaqui, nachi qailayiñi.

Hechos 10:35

Chaqdata da ñimayi ÿataqta ÿaÿamaxadeeta ca camachicague't nam ÿotta'a't shiÿaxauapi da huo'otaq ÿataqta ñi'iÿa ñimayi qataq i'ot ca ÿaÿamaqchiguiñi.

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Colosenses 2:20

Cha'ayi qami' sogote da qadleuaxauai so Cristo, qaq mashi qai'axañiiuec nam lhuennataxacpi na shiÿaxauapi da tatapigui lauel nam chochaqna. Qaq ¿tá'ainco' yi 'eeta'amo' da ña qoviitaigui da qau'ochiitac nam 'onataxacpi mayi huetalec ana 'alhua? Yi qanañañiiguet da qau'ochi ne'ena napaxaguenataxanaxacpi

Romanos 6:22

Qalaxayi nagui da mashi qansoiueguesop da l-lataxanaxac da ñi'itaxaloxo, nachi qami' qaunoxoñiu'a da qami' l-lataqa ñi Dios. Qaq 'eda mayi ÿataqta huo'o ca naigui. Qaq dam naigui nachida da achaalataxac qui'itta mayi qoÿanot ñi Dios qataq dam achaalataxac mayi qaica ca loga't.

Hechos 10:39

Qaq qomi' mayi nachiqomi' sauanaqchigui 'enauac nam i'otpi so Jesús co'ollaq somayi coleetapeguelec yi 'alhua Judea qataq yim la ciudad Jerusalén. Qaq co'ollaq ime, nachi somayi qaÿalauat, nachi qaiuaxanguet so npe'enaxaqui.

Mateo 27:26

Nachi so Pilato isouec so Barrabás. Ime, nachi damaxasoxoolec da qaiuaxan so Jesús, qataq ÿaneec da yaqto' qaiuaxanauo.

Efesios 5:9

Cha'ayi na yi'oqchiguiñi nachina na chigoqchigui da nauotaxanaqtaic, qataq da 'eesa lataxac, qataq dam achaalataxac mayi qui'itta.

Juan 19:1

Nachi so Pilato damaxasoxoolec da qaÿaconeu'a so Jesús, nachi qaiuaxan.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

Marcos 15:15

Huaña, nachi so Pilato isouec so Barrabás, cha'ayi nshitaique da qaica ca machicague't na shiÿaxauapi. Qaq co'ollaq imat da damaxasoxoolec da qaiuaxaatac so Jesús, nachi ÿanoigui somayipi, da yaqto' qaiuaxaneuo.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.

Colosenses 2:14

Nachi ñi Dios ÿapalaxat aso qadavigaxaiste mayi saqalanaqtac qataq i'ottac da qanhuaxanaguec souaxat da sa salaxasoxoguet naua 'ena'pe naua qoÿittrañi nqataxaco. Huaña, nachi tachiguiña naq'en asomayi co'ollaq qaiuaxanguet so npe'enaxaqui.

Hebreos 10:5

Qaq ÿoqo'oyi so Cristo, co'ollaq huotaique da anaÿa ana 'alhua, nachi 'eetega ñi Dios, 'eeta': 'Am sa 'auaconguet na nachitaqtaxanaxatpi, qataq na qoÿaatapegueuo shiguiÿacpi, chaqdata da 'am 'auqataxaatapigui cam i'oquiaxac.

Hebreos 10:10

Qaq ñi Dios mashi sogote da qomi' iqui'itaxatte', cha'ayi so Jesucristo i'ot co'ollaxa da 'eetapeguec ñi Dios co'ollaq ÿan da maichi l'oquiaxac da 'oonolec da qaÿi'iguelaxalec da qaÿalauat.