1 Pedro 2:21 - Nuevo Testamento Toba Sur

²¹ Cha'ayi nachida da huo'o mshi qami' iÿaxanalo ñi Dios. Cha'ayi so Cristo huo'o da nque'ejnaxac souaxat da qoñiita, da yaqto' qomi' ishit da qauloilec somayi, qataq qoquiitelec da lliquiaxac.

Nuevo Testamento Toba Sombrero Negro

²¹ Qa'a naqaeda da'me 'uo da'me ami qoyiyaĝanalo, qa'a ñe'me Cristo 'uo da'me lachoĝodec yajouaĝat joda'me ami, qama'le qoyaloĝon da'me nach'eñe jo'ne jetaque qoyadenaĝat qaedi qota'ya da'me ladic.

La'aqtaqa Ñim Lo'onatac 'Enauacna 2013

²¹ Da huo'o ca choche qaỹo'otec da nque'eenaxac, nache no'on da tachigui lauel da la'aqtac Ñim Lo'onatac 'Enauacna da ca huo'o da nque'eenaxac, nache iuen da na'añaxateguet. Cha'aye 'era da 'eetec co'ollaxa So Cristo da yaqto' qomi' ishet da seloxolec Somaye, cha'aye huo'o da nque'eenaxac co'ollaxa souaxat qami'.

1 Pedro 2:21 Referans Kwoze

1 Juan 2:6

Qataq ca 'eetega da n'attau'a ñi Dios, nachi camayi no'on da i'enaxatchigui da lataxac so Jesucristo.

Mateo 16:24

Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.

Juan 13:15

Aÿim qami' sachaxanalo de'eda, da yaqto' qauloilec, yaqto' qami' ishit da qauloilec da qau'ochi de'eda qami' so'oteque.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

1 Juan 3:16

Qaq saÿajnaqta da 'eetec da nauotaxanaqtaic, cha'ayi so Jesucristo qomi' ÿapaxaguenque co'ollaq ÿan da nachaalataxac da qomi' ileualguete. Qaq ÿoqo'oyi nataq'en qomi' sanaq da qanachaalataxac da ñañanaxalec na qadqaÿañicpi.

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

1 Corintios 11:1

Qami' qoquiitelec qome aÿim, 'eeta'am da shiitec da shictague' so Cristo.

1 Pedro 4:1

Qaq ÿoqo'oyi de'eda 'eetec da so Cristo huo'o da nque'ejnaxac da l'oquiaxac, qami' nataq'en sa ishit da huo'o ca qai'iquiitega da qanque'etaxañi. Cha'ayi cam huo'o da nque'ejnaxac da l'oquiaxac, camayi ca'ai da ñi'itaxaloxo,

Filipenses 2:5

Qataq qoñiita'am qome da lataxac da lhuennataxac so Cristo Jesús.

Mateo 11:29

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Romanos 8:29

Cha'ayi nam nal'ena co'ollaxa da ÿauattonpi ñi Dios, qaq nachina nam lca'au'a co'olloxochiyi ñimayi, da yaqto' 'eeta'am naq'en so llalec, yaqto' so llalec 'eeta'am ca ñaxanec da ÿataqta qalota na lqaÿañicpi.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Mateo 10:38

Qataq cam aÿim quegue da huo'otaq sa ishit da lhuennataxa da nai'ctaxa da aÿim ileetalec, nachi camayi sa ishit da ÿalamaxat.

1 Pedro 3:9

Qataq sa ishit da qavi'iguelaxachiÿa'aguet ca sa ÿaÿamaxañi, qataq ca qanshiunaguiiqui. Chaqdata da qai'añiim ca no'on ca shiÿaxaua, cha'ayi ñi Dios qami' iÿaxanalo, da yaqto' qauacoñiiguet da lqouagaxanaqtaic.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Hebreos 2:10

Cha'ayi 'enauac nam huetalecna, namayi lalamaxat ñi Dios, qataq maichi chigoqo'ot ñimayi. Qaq ñi Dios nshitaique da 'enauac na llalaqpi nhuanau'a de'eda lli'oxoyic. Qaq ÿoqo'oyi ñimayi naloqchiichiguiñi naq'en da lataxac so Jesucristo som lca'alaxaqui namayipi, ÿachigoxotchigui naq'en da nque'ejnaxac.

2 Timoteo 3:12

Qaq ÿataqta 'eesa da 'enauac na nshitaique da nañanot da quetague' so Cristo Jesús, nataq'en nque'etaxangui qome da ncanaguec.

1 Pedro 1:20

So Cristo nal'ena da qaÿaqataxaatapigui' co'ollaq saxanaqaca ana 'alhua da qoÿan, qalaxayi chaqnacta nagui da mashi pa'atreec naua na'axa'te, nachi yi'oq somayi, souaxat da qoñiita.

1 Ts 4:2

Cha'ayi qami' mashi qauaÿajñi na qadqataxacpi mayi qami' sanaxama. Damayi sachigoxotoqo'ot so qadataxala' Jesús.

1 Ts 3:3

yaqto' qaica ca 'oonolec da qoñiita da nañaxanapiguiñi da lpi'iÿaxac souaxat da que'ejnaxac. Cha'ayi qami' mashi qauaÿajñiita da nachi qoyiquiaxac da ñique'etaxanaxagui ne'ena que'ejnaxaguesat.

Hechos 17:3

Qaq ÿacona ana huetalguete naua ñiyigui'shi l'aqtaqa ñi Dios, nachi i'axattac da ca nta'a nca'alaxaqui mayi qaiuattaique, camayi qome ÿataqta huo'o da nque'ejnaxac. Qaq qom ime, nachi qaÿalauat, nachi camayi qaltaq nca'aleec. Nachi 'enapeco': –Qaq ÿoqo'oyi se'eso Jesús mayi qami' sa'axattapeguema, somayi nachiso som nta'a mayi qadca'alaxaqui.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Lucas 24:26

¿Sa qauaÿajñiÿo' peta'a da que'eca nta'a nca'alaxaqui hua'auñi qome da huo'o da nque'ejnaxac qom saxanaxa da inoxoneu'a ca lli'oxoyic?

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.